مقارنه هتموتنى من الحيره

**kliken** · 15-09-2012 02:51 PM

ميجان ثم جين تو حسب الحاله اللى هتلاقيها جيده

**abogharib** · 25-12-2012 05:03 PM

اليمجان طبعا و بعد كده الجين تو
صينى ايه و بتاع ايه هو الصينى اصلا بيعيش ؟ لا موبيلات ولا سماعات ولا حتى اقلام رصاص صينى بتعيش تروح تجيب عربيه صينى
مجرد رائى

**amrelsha3er** · 26-12-2012 01:01 PM

المشاركة الأصلية كتبت بواسطة abogharib

اليمجان طبعا و بعد كده الجين تو

صينى ايه و بتاع ايه هو الصينى اصلا بيعيش ؟ لا موبيلات ولا سماعات ولا حتى اقلام رصاص صينى بتعيش تروح تجيب عربيه صينى

مجرد رائى

كلام مظبوط+111

**MoH.SaLaDiN** · 27-12-2012 02:48 AM

بص انا زيك كده بردة معايا 70000 وكنت محتار بين الجين تو والميجان واليارس
طبعا الميجان افضل واحدة فى الامكانيات والثبات والعفشة والعزل دى غير ان شكلها فخم و برستيج جدا وغيرها من المميزات ولكن عيبها انها مكلفة جدا فى الصيانة يعنى لو مصرفتش عليها واهتميت بعمل الصيانة الدورية حتظهر مشاكل كتير وحتكلفك جامد انا واحد صاحبى اشترا ميجان 2005 بانوراما باقالى 7 شهور صرف عليها 2000 جنيه فى الارض فى الاول سير المارش اتقطع فراح دفعلوا 600 جنيه وبعدين زرار البانوراما باظ اشتراه ب 1000 جنيه و صلح الستارة الخلفية و كان فى مشكلى فى الزجاج الكهربا كمل بقية المبلغ
بالنسبة للجين تو تلى الميجان فى الابشنز و الثبات وقوة الموتور وصاج العربية وشكلها رياضى وجميل بس انا دورت كتير فى المستعمل ومالاقتش حاجة حالتها كويسة لان معظم اللى بيشتريها شباب تقريبا وانت عارف الشباب بتعمل ايه فى العربيات تانى حاجة فى ناس كتيرة اشتكت من عدم توافر قطع الغيار وده بردة حصل مع واحد جارى استنى اكتر من 3 شهور عشان يغير الاكصدام الامامى والناس بتقول برده ان قطع الغيار غالية شوية وتانى مشكلة هو تقفيل العربية مش اد كده
اخيرا اليارس طبعا الامكانيات اقل حاجة وبردة اقل ثبات واقل موتور و اقل شكل بس عملية جدا داخل المدن وموفرة فى البنزين واعتمادية من الدرجة الاولى بالرغم انى كنت شايفها انها اقل واحدة فيهم الا انى بفكر جديا انى اشتريها لانى مش مستعد اصرف فلوسى على قطع غيار غالية زى الميجان او اعطال متكررة وغبية زى الجين تو والافضل انك تعمل الصيانات الكبيرة بس فى التوكيل وتوفر فلوسك
هى فعلا معادلة صعبة لازم تعرف انت محتاج ايه من العربية وايه اللى بيفرق معاك وايه اللى ممكن يزعلك لما بتحدد هدفك من العربية حتستريح كتير وحتعرف تاخد قرار صح
المشكلة فى المنتدى هنا ان فيه اراء كتيرة مش محايدة بعنى مثلا لو دخلت فى قسم الميجان او الجبن تو او اليارس حتلاقى كل قسم بيشكر فى عربيته جدا و حيقنعك انها احسن عربية فاستشير ناس محايدة والاهم انك تستشير ربنا وان شاء الله يهديك ويهدينى الى الصواب

**MoH.SaLaDiN** · 27-12-2012 02:56 AM

حاجة تانية سعر الجين تو اتوماتيك 2008 يعمل 65.000 تقريبا
اما الميجان 2008 متوسط سعرها 75.000 او اكتر كمان لو بانوراما اعلى فئة
فى فرق 10.000 اصلا والله اعلم
تحياتى

**ayman_omer2007** · 27-12-2012 05:54 AM

ياراجل ياطيب لما تقارن عربية تقارنها بسعر شرائها جديدة حتى لو كانت مستعملة عشان تعرف الفئة بتاعت العربية يعنى تقارنها مع الفورد فوكس او البيجو 307
يعنى الميجان 2008 فسنتها كانت الفل الاوبشن معدية 140 او اكتر تيجى حضرتك تقارنها انها بتتباع ب 70
دى فئة واللى انت بتقارنهم بيها فئة تانية خالص
شوف فيها بس كام ايرباج((( من النوع اللى بيفتح......هههههههه))) عند الحاجة غير البانوراما غير ثباتها الفظيع والستبترونك
مشاكلها كانت فى 2005 اتصلحت بداية من 2006 مفيش مشاكل فى 2008 وسيبك من ثقافة السوق المتخلفة مادام عربية مش متهانة وانت هتعاملها بما يرضى الله

ونصيحة اى عربية هتخلص فيها تتفق مع صاحبها على الكشف فى التوكيل لانها كلها حساسات
والله الموفق