كارتيرة الزيت

**medodola2012** · 07-09-2012 03:29 AM

ازيكم يا شباب انا عندى كارتيرة الزيت اتشرخت ولحمتها بس بتنقط بردو فا انا كنت نازل مصر وناوى اغيرها اضمن فا انا كنت عايز اعرف السعر فى التوكيل وفى الحرفييين او صقر قريش او اى حتة انتوا عارفينها بس ياريت بسرعة عشان ناوى اسافر يوم الجمعة النهردة

**shawkylotfy** · 07-09-2012 05:20 AM

انا نفس القصة بردوا هى الكارتيرة هتعمل فى حدود 700 جنية
انت لحمتها الومنيوم ولا بالمدتتين وهى راكبة فى العربية ولا حلتها ؟

**medodola2012** · 07-09-2012 06:31 AM

لا يا باشا بالمدتتين وكانت مفكوكة

طيب هى ب 700 فى التوكيل ولا استيراد فى صقر قريش ؟؟

**shawkylotfy** · 07-09-2012 06:55 AM

المشاركة الأصلية كتبت بواسطة medodola2012

لا يا باشا بالمدتتين وكانت مفكوكة

طيب هى ب 700 فى التوكيل ولا استيراد فى صقر قريش ؟؟

هو الى فكها ميكانيكى رينو ولا اى ميكانيكى شاطر يعرف يحلها ؟
وبعدين ادام انت فكتها لية ملحمتهاش الومنيوم ؟

**shawkylotfy** · 07-09-2012 06:57 AM

انا قصدى الثمن دة استيراد وليس جديدة متفكرش تجيبها جديدة من التوكيل هتبقى معدية الالف

**MohammedAladel** · 07-09-2012 10:04 PM

أنتو تقصدوا بالمادتين اللى هو ال 1 و 2 لو قاصدكم عليه دا فاشل جدا خصوصا إن الأغلبية منه تقليد وهيفك بسرعة ولو الأصلى كمان لأن الزيت سخن وبيتحرك باستمرار اللحام الألومنيوم أكيد هيكون أفضل

**shawkylotfy** · 09-09-2012 03:39 AM

لحمت الكارتيرة لحام ارجون والشرخ كان حوالين الطبة فكينا الطبة وملينا مكانها الومنيوم ولحم بارجون وبعدين خدتها عند الخراط قلوظ مكان لطبة جديدة مقاس 19 وركبناها وتمام ومفيش تسريب الحمد لله وتكلفة لحام الارجون 80 جنية انا قولت انقل التجربة علشان الكل يستفاد

**wael2sh** · 09-09-2012 11:49 AM

أنا كان عندي شرخ بس صغير وكان تحت الصاجة و لاحمته بمادتين و ماشي عليه 1000 كم لحد دلوقتي و الحمد لله كويس ,,,لو الشرخ صغير و مش في مكان عصب في الكرترا ممكن الليحام يجيب نتيجة كويسة لكن لو كبير لازم تغير الكرترة لما سألت عليها كانت be-800 في الحرفيين وفي في صقر قريش برضو be-800 أو 900 و في جديد بحوالي 850 جنيه بس كل الناس قالولي استيراد أحسن علشان بتبقى محملة يعني سمكها بيستحمل أكتر

**Rsarabia** · 10-09-2012 04:16 PM

حصلت معايا اول ما جبت العربية و لازم تفكها و تلحمها لحام الومنيوم و الحمد لله محصلش اى تسريب

**medodola2012** · 10-09-2012 10:44 PM

انا فكتها ولحمتها تانى بس المرادى الومنيوم ومفيش تسريب الحمد لله بس ان شاء الله هغيرها قريب

انا سألت عليها فى صقر قريش لقيتها ب800 تركى بس ناوى انزل الوكالة يمكن الاقيها ارخص