مشكلة في كارت ميجان .. الرجاء المساعدة

**medori** · 13-09-2012 11:49 AM

المشاركة الأصلية كتبت بواسطة luai aziz

يا شباب انا صلحت كروتي عند واحد في طريق الاوتوستوراد - مدينة نصر .. اسمه "عز للمفاتيح " ، ضحك علي كان عايز يصلح الكرتين ب 600 بس خد مني في الآخر 400 ، انا حاسس انه ضحك علي برده بس مش مشكلة عشان خطر الواحد يمشي بكروت بايزة. وعلى فكرة طلعت مشكلة (check card battery) ده عيب في سوفتوير المفتاح نفسه .. لانه بعد اصلاحه اختفت الرسالة مع العلم اني كنت قد غيرت البطارية .. الراجل بصراحة ممتاز وايده خفيفة وتعامله ممتاز خلصلي الكرتين في 10 دقائق ، وبيقولي بيعمل الكرت الجديد (في حالة ضياع كارتك ) ب 750 جنيه.

في اخ قال على واحد في شارع السودان امام بنزينة موبيل ، المحل ده بيعمل سوفتوير ، يعني لو الكرت مش بيدور العربية ممكن يصلحهولك ، بس مش هيعرف يصلح هاردوير ،، يعني الريموت مش هيصلحه ، وكان عايز في المفتاح الواحد 200 جنيه سوفتوير.

مبروك يا باشا تصليح الكروت، بس 400 كتير شويه عليهم و كمان كان طالب 600؟ فى حاد بيفاصل فى 200 جنيه!!!؟

**medori** · 13-09-2012 11:51 AM

المشاركة الأصلية كتبت بواسطة mamoud salah h

بص انا لسة راجع حالا من مشوار تصليح الكروت دة كان في واحد عندي مش بيدور العربية بس شغال سنتر لوك
والتاني العكس المهم واحد معرفة وداني عند واحد اسمه سعيد في جسر السويس امام بنزينة كالتكس وجنبه موزع بطاريات اي سي ديلكوا المهم الراجل دة برنس ظبطلي الكارتين وكاشتغلوا تمام ودفعت 180جنيه واخدت منوا 3شهور ضمان كمان لي التصليح بس انت لازم تقولو انا عايز ضمان هو بياخد وقت شوية بس نضيف وعليه ضغط كبير

ياريت يا محمود تقولنا عنوان سعيد فين عشان عايز اروح اظبط الكارت التانى اللى شغال سنتر بس ده؟

**MohammedAladel** · 13-09-2012 12:01 PM

الناس دى معندهاش ضمير ليه كدا ؟ هما ميعرفوش إن المكسب الحلال ليه شروط ولا هو استغلال وخلاص وبعدين فى عشر دقايق ياخد 400 جنيه على حاجة بسيطة قمة الاستغلال والنصب

**Mamoud salah H** · 13-09-2012 04:16 PM

المشاركة الأصلية كتبت بواسطة medori

ياريت يا محمود تقولنا عنوان سعيد فين عشان عايز اروح اظبط الكارت التانى اللى شغال سنتر بس ده؟

بص ياكبير انت هتمسك شارع جسر السويس كأننك رايح علي الحرفيين وتفضل ماشي فيه ولا يمين ولا شمال لحد ماهتلاقي بنزينة كالتكس وجنبيها سوبر ماركت اولاد رجب علي شمالك اول ماتشوف دول تركن علي يمبنك في مكان فاضي وتسئل علي سعيد بتاع المفاتيح وهتلاقي جنبو علي نفس الرصيف موزع بطاريات ايه سي ديلكو لازق فيه علي طول

او لو هتيجي من صلاح سالم هتفضل ماشي كانك رايح الحرفيين برضو وتلف من تحت الكوبري وتعدي شريط القطر وتخش جسر السويس لحد متوصل لبنزينة كالتكس وتروح واخد اول يوتيرن وتركن بعدكدة عشان المحل في وش اليوترن وحمدالله علي السلامة المحل

المحل اسموا مركز سعيد الفني
العنوان:53 شارع جسر السويس-عمارات الفاروقية قبل مدخل الحرفيين امام بنزين كالتكس
التليفون:26212154
موبايل:0125280851--0112545489-0188889598
وهتلاقي ريموت الميجان مرسوم علي اليافطة كمان
انا كدة جبتلك الوصف والعنوان بالتفصيل عشان يبقي سهل عليك

**medori** · 13-09-2012 06:03 PM

المشاركة الأصلية كتبت بواسطة mamoud salah h

بص ياكبير انت هتمسك شارع جسر السويس كأننك رايح علي الحرفيين وتفضل ماشي فيه ولا يمين ولا شمال لحد ماهتلاقي بنزينة كالتكس وجنبيها سوبر ماركت اولاد رجب علي شمالك اول ماتشوف دول تركن علي يمبنك في مكان فاضي وتسئل علي سعيد بتاع المفاتيح وهتلاقي جنبو علي نفس الرصيف موزع بطاريات ايه سي ديلكو لازق فيه علي طول

او لو هتيجي من صلاح سالم هتفضل ماشي كانك رايح الحرفيين برضو وتلف من تحت الكوبري وتعدي شريط القطر وتخش جسر السويس لحد متوصل لبنزينة كالتكس وتروح واخد اول يوتيرن وتركن بعدكدة عشان المحل في وش اليوترن وحمدالله علي السلامة المحل

المحل اسموا مركز سعيد الفني
العنوان:53 شارع جسر السويس-عمارات الفاروقية قبل مدخل الحرفيين امام بنزين كالتكس
التليفون:26212154
موبايل:0125280851--0112545489-0188889598
وهتلاقي ريموت الميجان مرسوم علي اليافطة كمان
انا كدة جبتلك الوصف والعنوان بالتفصيل عشان يبقي سهل عليك

الف شكر يا باشا، انا ساكن اصلا فى جسر السويس قبل كوبرى الحرفيين ب 800-900 متر تقريبا، يعنى المكان ده هروحه مشى :)

**airfox** · 19-11-2012 04:51 PM

المشاركة الأصلية كتبت بواسطة luai aziz

يا شباب انا صلحت كروتي عند واحد في طريق الاوتوستوراد - مدينة نصر .. اسمه "عز للمفاتيح " ، ضحك علي كان عايز يصلح الكرتين ب 600 بس خد مني في الآخر 400 ، انا حاسس انه ضحك علي برده بس مش مشكلة عشان خطر الواحد يمشي بكروت بايزة. وعلى فكرة طلعت مشكلة (check card battery) ده عيب في سوفتوير المفتاح نفسه .. لانه بعد اصلاحه اختفت الرسالة مع العلم اني كنت قد غيرت البطارية .. الراجل بصراحة ممتاز وايده خفيفة وتعامله ممتاز خلصلي الكرتين في 10 دقائق ، وبيقولي بيعمل الكرت الجديد (في حالة ضياع كارتك ) ب 750 جنيه.

في اخ قال على واحد في شارع السودان امام بنزينة موبيل ، المحل ده بيعمل سوفتوير ، يعني لو الكرت مش بيدور العربية ممكن يصلحهولك ، بس مش هيعرف يصلح هاردوير ،، يعني الريموت مش هيصلحه ، وكان عايز في المفتاح الواحد 200 جنيه سوفتوير.

لو سمحت ممكن وصف مكان محل عز للمفاتيح فين بالظبط و هل ممكن الواحد يفاصل معاه لان انا شايف انه بيبالغ شويه و هل هو شاطر في شغله ولا لا و بيدي ضمان علي الشغل