العربية اتحكت و نفسيتي في الحضيض!

**Samir_Adel** · 08-09-2012 01:10 AM

مساء الخير,

من غير ما اطول عليكم, معايا الانترا 2012.. المهم يعني, كنت باخد يوتيرن و كانت عربية جنبي ربنا يسامحها.. رمت عليا فجأة, فا العربية يدوب كدة شمت في الرصيف من نحية العتب..
و من عند شفف الكوريك, محكوكة حكة محترمة..
بالنسبة للعتبة, انا مش قلقان عليها عشان البطانة موجودة و حتة صغيرة بس المشكلة بقي في شفف الكوريك, الحكة كانت شديدة و خدت حتة حلوة كدة من البتومين و البويا و البطانة و كلة! لدرجة ان الصاج نفسة اتكشف! السؤال بقي, الشفتين مقفولين يعني مفيش مية رقدة عشان تعمل صدا و برومة, طيب لون الصاج دة يغير مع عوامل الجو؟ ولا وضعها اية دي؟ انا عايز اعرف رأيكم و شكرا جزيلا.

**معتز الدهشورى** · 08-09-2012 01:23 AM

رأيى ان كل اللى ييجي في الصاج ولا تشغل بيه بالك

الواحد لما بيفكر انه كان ممكن تكون معاه بنته تتعور ولا مراته حامل يجرالها حاجة ولا والدته ولا والده يقول يغور صاج الدنيا كله ومايجيش حاجة في ضفرهم

ربنا يروق بالك وحكة تفوت ولا حد يموت

**Land_Cruiser** · 08-09-2012 01:29 AM

مفيش حاجه تستاهل و قدر الله و ما شاء فعل. ممكن تبقى تسأل حد بتاع دوكو يكون شاطر و يقولك ازاى ممكن يعالجها

**bakkarahmed** · 08-09-2012 08:34 AM

قدر الله وماشاء فعل ...لو الصاج اتكشف اعزله باي حاجه علشان البارومه فقط ولو حتي تضرب نفس لون العربيه وبفرشه صغبره تداري الصاج(طالما مش ظاهر ومستخبي تحت)