الموضوع: مش طبيعى و مش مقتنع و خلاص زهقت

المشاركة الأصلية كتبت بواسطة amraction

انا بطلت اسئل .. اول امبارح المارش فصل.. امبارح صلحته .. النهارده العربيه فيها كميه اصوات طالعه جديد مش طبيعيه بجد ...سيور بتزيق رغم انها جديده .. صوت جعره كده مع الحرق .. زنه بتروح لما بدوس دبرياج .. السحب قل !!!!!!! .... لنا الله

الزنه دى بلية دبرياج
و دليل انه بيودع
ضعف السحب

المشاركة الأصلية كتبت بواسطة mohamedadelemam

كلام حضرتك مش معناه غير غطاء القربة..انا قبل كدا دوخت فى سيتروين ايه اكس وكان الغطاء كويس جدا..وبالصدفى اتلخبط منى بغطاء بيجو 405 والموضوع اختفى فى السيتروين خالص وظهر فى البيجو رغم ان الغطاء وجواناته كانت ممتازة جدا

ان شاء الله نويت بكرة و انا رايح زايد اعدى اجيبه من التوكيل
و اجرب

المشاركة الأصلية كتبت بواسطة zendo

موضوع الميه ده اكيد فية تسريب عندك لانها حصلتلى قبل كده الصبح وانت نازل الشغل قبل ما تدور العربية افتح الكبوت وراجع على الخرطيم وشوف التسريب منين

لفيت العربية كلها
و فردت تحتها كرتونه
انى الاقى نقطه ميه
مفيش

المشاركة الأصلية كتبت بواسطة mohammedaladel

ما جايز يكون اللى عمل كبس مبيعرفش ههههههه
أو يكون غطاء القربة فعلا
أسمع كدا والله أ علم لو ثرموثتات الكوعة لو بايظة بتسبب نقص المياه

هى الحرارة الطبيعية فى عربيتك كام ؟ وهل هى نفسها فى أى عربية تانية ملاكى ولا بتختلف ؟

حلوه زى اى عربية مركى دى
طبعاً
لأ
تاكسى الطنانى يختلف عن الأخرين خاالص
ترموستات الكوعه جديد و بيفتح و يقفل صح قوى
و انا اللى عملت الكبس
و باعرف والله متقلقشى

المشاركة الأصلية كتبت بواسطة momen_omar

طنانى باشا .شوف غطاء القربة او القربة نفسها يكون فيها خرم بسيط جدا .. متابع

ده اقتراحى الأخير و الباقى فى دورة المية كلها
القربة و غطاها
غير كده الدورة كلها بقت جديده

المشاركة الأصلية كتبت بواسطة ahmed_fahmy

زى ما الرجاله وضحت يا غطا القربه يا افيز مش مربوط كويس على خرطوم

راجعت على الخراطيم و ربطها الصبح و زى الفل

المشاركة الأصلية كتبت بواسطة hellboy

-لو فكيت البوجيهات الصبح قبل ماتدور ولقيتها ناشفه ,غير قربه الميه بالغطا ولو لقيتها مرطبه او منديه يبقي تسريب داخلي من وش السلندر .

مفيش الهوا
البوجيهات ناشفه و زى الفل