الموضوع: مش طبيعى و مش مقتنع و خلاص زهقت

العربية بعد الشغل اللى عملته فى الموتور
و يتمثل فى الأتى
1. طرمبة ميه تركى
2. كوعه ميه المانى 82/97
3. خرطوم الكوعه للريادتير
4. شجرة المية الخلفية الفبر تركى
5. تنضيف الريادتير و اللى نزل منه يخض

بعد كل ده
ظهر الأتى
1. بالرغم ان الدورة مكبوسه و مفيش تسريب من اى حته
العربية بتنقص ميه و بكمية مش قليله
يعنى 1/4 لتر يومى
و ده رقم رهيب
مكنشى بيحصل حتى و الدنيا بايظه خالص
بس مش بتنقص الا لو اتركنت من بالليل للصبح
طول ما هى ماشية
المية زى الفل
و فوق كده الضغط بيفضل فى الدايرة حتى بعد ما تبرد بساعتين تلاته و منسوب المية ثابت
مع الأخذ فى الأعتبار
1. القربه حالتها معقوله
2. غطا القربه حلو
3. مفيش نفس و لا غليان فى المية
4. مفيش ميه عند الطرمبه عشان شكيت فى الحشو بتاعها او تركيبها
5. الزيت حالته وحشه قوى و ناوى اغيره بس مش فاضى بس مش مطحن لا عند الغطا و لا من تحت و لا حتى تحت جوان غطا التاكيهات عشان فكيته اتأكد
6. المراوح سرعتها ممتازه و شغالين مع بعض و يفصلوا مع بعض
سبب النقص
مجهووووووووووووووووووووول

الحاجة التانية
1. العربية واقفه و الموتور داير
المروحه تشتغل عند 91 و تفضل الحرارة تنزل لغاية فوق الأزرق بشرطه و المروحه تفصل عادى
و ممكن يتكرر الكلام ده عشر مرات و الحرارة ثابته
2. العربية بتجرى
درجة الحرارة باى حال من الأحوال لا تقل عن 88/90 ممكن تزيد ل 92 بس تنزل على طول
ز تثبت بعد كده
3. العربية دايره و زحمة شديده قوى
تفضل ثابته عند 92 و لما تنزل 90 يبقى عملت مع نفسها واجب
بس برضوا لازم تطلع مره ل 94 بس مش بتتكرر تانى

انا شاكك ان الزيت اللى عامل المشاكل دى كلها
انا جبت زيت اغسل بيه الموتور قبل ما اجيب شل الأصفر
جبت زيت اسمه مصر 10000 فى جركن دهبى
شكله كويس


بس حد عنده اقتراحات
يمكن حاجة سقطت منى
عشان انا لفيت حوالين نفسى مش لاقى سبب معين للى بيحصل