الموضوع: الاستاذ/ عماد حبيب نرجو الرد للاهمية

المشاركة الأصلية كتبت بواسطة ziabassem

منتظرين رد أ/ عماد بالطبع .. أو أ/ داليا للرد بشفافية عن المشكلة دي .

بس هو التساؤل هنا .. هل كابل الأرضي ده بيؤدي إلى ضعف عمل مروحة الرادياتير أو عدم عملها بكفاءة فتحدث سخونة "فعلية" في العربية .. ولا المشكلة وما فيها أن مؤشر الحرارة مبيبقاش مظبوط و"بيخرف" بسبب كابل الأرضي بالرغم من كفاءة مروحة التبريد وعدم وجود "سخونة فعلية" في العربية .


ممكن تقول بقى عدم وجود ضمير عند الصنايعي .. عدم كفاءة الماتيريل بتاعة السلك في التوكيل مهما قويته لأني زي ما قريت في مشاركات في مواقع أخرى أن الموضوع ده انتهى تماماً بتقوية كابل الأرضي عند كهربائي خارج التوكيل .. بس المهم في النهاية هو عدم حدوث سخونة فعليه في حرارة المحرك تؤثر عليه .

في حاجة تانية محدش يمكن تطرق ليها بالشكل الكافي .. ممكن تكون الترموستات مبتديش قراءات مظبوطة تؤدي إلى ارتفاع نسبي في حرارة المحرك .. بمعنى أخر أن الترموستات المفروض تشتغل على 90ْ ولكنها مش بالكفاءة أنها تظبط عمل مروحة الردياتير عند هذه الدرجة وبالتالي تشتغل المروحة بعد درجة حرارة أعلى .. نتيجة توريد شحنة ترموستات مضروبة للمصنع .. وعلى فكرة ده شيء وارد جداً في مصانع ذات تاريخ عريق في مجال تجميع السيارات مش byd بس... وإلا مكناش نسمع عن استدعاء بعض الماركات المشهورة لعلاج عيب جوهري في مكون ما من المكونات .. بس الشطارة بقى بتقع على التوكيل في إدراك الأخطاء اللي وقع فيها وكيفية استجابته في علاج المشكلة بشكل جذري .

السلام عليكم

بارك الله فيك على التحليل المنطقى

المشاركة الأصلية كتبت بواسطة emad habib

الساده/ اعضاء المنتدى الكرام تحياتى واحترامى

احب ان اوضح انه لا توجد اى مشكله متعلقه بمؤشر الحراره بالسياره byd f3 المانيوال على الاطلاق

اما الملحوظه التى يتكلم عنها بعض من ملاك السياره byd f3 الاوتوماتيك وهى ارتفاع مؤشر الحراره دون ارتفاع فى درجه حراره المحرك نتيجه تفويت فى ربط احد الاسلاك الارضى فى بعض السيارات وهى نسبه ضئيله جدا من السيارات الاوتوماتيك وتعطى اشاره كاذبه احيانا وقمنا بتلافى هذه الملحوظه ولم يظهر فى الانتاج الجديد لوجود ضفيره جديده مجدوله للآرضى تعمل على تلافى اى تفويت فى الاشاره بالسياره وتم تلافى الملحوظه بعد عمل الاختبارات وتلافى السبب
وعلى اى مالك للسياره له ملحوظه عن ارتفاع مؤشر الحراره الكاذب بالأتصال وتحديدموعد لحل المشكله فورا عن طريق الاداره العليا للشركه ومتابعه خدمات ما بعد البيع
ويتم الكشف على السياره للاختباربجهاز تحديد الاعطال ومتابعه تشغيل المروحه وتوقفها على درجه الحراره المحدده للتشغيل والتوقف ووجد ان السياره لا تسخن اطلاقا والمحرك ودائره التبريد فى درجه الحراره الطبيعيه

ملحوظه: بعض ملاك السيارات يتعامل مع مياه التبريد عن طريق فتح غطاء الراديتاير و السياره فى وضع التشغيل مما ينتج عنه دخول هواء فى دائره التبريد مما يتسبب فى سخونه غير متوقعه وبدون وجود اى سبب الا دخول الهواء بدائره التبريد

برجاء التعامل مع قربه المياه فقط وتملاء حتى المنتصف او العلامه العليا max
ونهيب بسيادتكم بالاتصال برقم 0197771747 لمتابعه الملحوظات على السياره وتوجيه سيادتكم لاءختبار السياره واصلاح اى مشاكل بها وسنتابع معكم حتى النتائج النهائيه والارضاء الكامل ان شاء الله

السلام عليكم

الاستاذ الفاضل / عماد حبيب
بارك الله فيك ....

نفهم من ذلك ان موديل 2013 من البى واى دى تم تلافى العيوب السابقة ....

الف شكر يا استاذنا .......

المشاركة الأصلية كتبت بواسطة Emad Habib

الساده/ اعضاء المنتدى الكرام تحياتى واحترامى

احب ان اوضح انه لا توجد اى مشكله متعلقه بمؤشر الحراره بالسياره byd f3 المانيوال على الاطلاق

اما الملحوظه التى يتكلم عنها بعض من ملاك السياره byd f3 الاوتوماتيك وهى ارتفاع مؤشر الحراره دون ارتفاع فى درجه حراره المحرك نتيجه تفويت فى ربط احد الاسلاك الارضى فى بعض السيارات وهى نسبه ضئيله جدا من السيارات الاوتوماتيك وتعطى اشاره كاذبه احيانا وقمنا بتلافى هذه الملحوظه ولم يظهر فى الانتاج الجديد لوجود ضفيره جديده مجدوله للآرضى تعمل على تلافى اى تفويت فى الاشاره بالسياره وتم تلافى الملحوظه بعد عمل الاختبارات وتلافى السبب
وعلى اى مالك للسياره له ملحوظه عن ارتفاع مؤشر الحراره الكاذب بالأتصال وتحديدموعد لحل المشكله فورا عن طريق الاداره العليا للشركه ومتابعه خدمات ما بعد البيع
ويتم الكشف على السياره للاختباربجهاز تحديد الاعطال ومتابعه تشغيل المروحه وتوقفها على درجه الحراره المحدده للتشغيل والتوقف ووجد ان السياره لا تسخن اطلاقا والمحرك ودائره التبريد فى درجه الحراره الطبيعيه

ملحوظه: بعض ملاك السيارات يتعامل مع مياه التبريد عن طريق فتح غطاء الراديتاير و السياره فى وضع التشغيل مما ينتج عنه دخول هواء فى دائره التبريد مما يتسبب فى سخونه غير متوقعه وبدون وجود اى سبب الا دخول الهواء بدائره التبريد

برجاء التعامل مع قربه المياه فقط وتملاء حتى المنتصف او العلامه العليا MAX
ونهيب بسيادتكم بالاتصال برقم 0197771747 لمتابعه الملحوظات على السياره وتوجيه سيادتكم لاءختبار السياره واصلاح اى مشاكل بها وسنتابع معكم حتى النتائج النهائيه والارضاء الكامل ان شاء الله

اللى يشترى العربية ديه لا يلومن الا نفسه العيب ده فى معظم موديلات 2012 مانيوال او اتوماتيك وواحد راح التوكيل 5 مرات واصلا مش عارفين يصلحوها وانا عندى نفس العيب وتقريبا عيب دفيرة كهرباء

المشاركة الأصلية كتبت بواسطة ziabassem

طب حضرتك مأصرتش ليه وألحيت على التوكيل في إصلاح المشكلة ؟! .. وفيه ميزة كمان للمنتدى بتواجد مسئول من التوكيل على صفحاته يوصل صوت أصحاب الشكاوي للتوكيل والعمل على حلها بجدية .. وده ظاهر لكل شخص كان عنده أي مشكلة ولاقى كل أهتمام ورعاية بحل مشكلته .. أو على الأقل ده اللي أنا ملاحظه من خلال متابعاتي لمشاركات الأعضاء .

أنا رحت فعلا التوكيل القطامية هيه تاكسى اول ما الواحد يدخل اللى قاعد برة استقبال يقوللك متنسنيش فى الشاى هو انا داخل ورشة ميكانيكى ولقيت صاحب تاكسى نفس العطل عمله ورجع تانى وعمال ياكل فى نفسه عربيتى بره الضمان علشان مرحتش فى مواعيد الصيانة قالولى تتعمل على حسابك طيب تتكلف كام 40جنيه تحديد العطل واصلاحة بفلوس تانى كام مش عاوز يقول مع ان العطل معروف عندهم انا مش على الفلوس بس انا عارف ان هما اصلا مش هيعرفو يصلحوها المهم عملتها برة شهرين كويسة وبدأت ترجع تانى هيه فيها عفريت ولا ايه معانا واحد فى منتدى تانى راح 5 مرات ومفيش فايدة

(واحد فى منتدى تانى راح 5 مرات ومفيش فايدة )