الاستاذ/ عماد حبيب نرجو الرد للاهمية

**alaa0000000** · 08-09-2012 01:08 PM

السلام عليكم
اخوانى الكرام مشرفى واعضاء المنتدى الكريم ....
واضح جدا انه مازال موضوع ارتفاع الحرارة فى السيارة البى واى دىf3 موديل 2012
مستمر ..فاكثر من عضو يشكوا من ارتفاع الحرارة بالرغم من الذهاب لاكثرمن مره للتوكيل ..ولكن دون جدوى يعود المؤشر للارتفاع مره اخرى ...

اين التوكيل؟؟؟ ورجاله المخلصين بالمنتدى ..الاستاذ /الفاضل الكريم عماد حبيب ...

الاستاذه /الفاضلة داليا ... اين انتم من هذه الشكاوى التى لم يتم الوصول لحل لها !!!

السيارة البى واى دى ..وتوكيل الامل الان فى امتحان كبير ليس بالسهل .....
فالسيارة بعد ان اخذت واستحوذت على اعجاب الكثيرين جدا من الاعضاء وشريحه كبيرة من المجتمع ...نخاف عليها جميعا الان لانه يوجد بعض الامور يمكن ان تكون بسيطه عند التوكيل ...لكنها كبيرة عند العميل الذى يشترى ( مثل ارتفاع الحرارة )

فكيف اشترى سيارة جديدة ومره اخرى جديدة ..يعنى لاافكر فى اى شىء يخصها قبل خمس سنوات على الاقل !!!!واصدم بموضوع مثل ارتفاع الحرارة
فماذا افعل ( انا العميل ) فى ذلك ذهبت بها للتوكيل لاكثر من خمس مرات كما قال احد الاعضاء ....والحرارة تروح شويه وترجع تانى ...
العيب فين ايها التوكيل ؟؟؟؟ ونروح لمين يحل المشكلة ؟؟؟؟
نرجو من الاستاذ/ عماد حبيب الرد بكل صراحة على السؤال التالى كما عهدناه منه من صدق وامانة ...جعلتنا نحب توكيل الامل كله برغم ما فيه من بعض العيوب ......
1- هل موديل 2012 من البى واى دى فى مشكلة فى الحرارة ؟؟؟؟
2- هل التوكيل لا يستطيع حل عيب ارتفاع الحرارة ؟؟
3- موديل 2013 من البى واى دى f3 مازال به مشكله الحرارة ام تم علاجها وتقوية الارضى ؟؟؟؟

واجابه حضرتك سوف تحدد وتضع النقط فوق الحروف لكل من يريد امتلاك السيارة

وتصبر شوية من امتلكها بالفعل ....حتى يتصرف ...
ياريت الرد من حضرتك باستفاضة لكل شىء حتى نستفيد جميعا
من اشترى ومن سوف يحدد قرار الشراء ........

ممنوع استخدام اللون الأحمر في المداخلات أو في التوقيع حيث إنه مخصص فقط للمداخلات الإدارية من قبل الإشراف والإدارة
تم تغيير اللون
م ع 6

**exact** · 08-09-2012 02:25 PM

متابع

**bassem.naguib** · 08-09-2012 02:53 PM

حضرتك عرضت مشكلة السخونة وهي تخص الموديلات الأتوماتيك ... وكذلك عرضت الحل بتاعها (تدعيم الكابل الأرضي) لأن مؤشر الحرارة يعطي قراءات كاذبة عكس حقيقة الوضع بالنسبة للسخونية .

من وجهة نظري ظهور المشكلة دي في بعض موديل سنة 2012 دون غيرها من الموديلات فإن دلت على شيء إنما تدل على أن هناك مشكلة في خط الانتاج أثناء تجميع السيارة خاصة بجزئية الكابل الأرضي .. بمعنى أخر وردت للشركة شحنة أسلاك مش محملة أو بها عيب معين .. ويجب على التوكيل العمل على حلها لعدم التأثير على سمعة السيارة .

**flightbyd** · 08-09-2012 03:33 PM

بسم الله الرحمن الرحيم
كلمتين وبس انسوا التوكيل زى ما انا نسيتة واتعاملوا مع كهربائى محترم يغيرلكوا ضفيرة الكهرباء كلها بتاعة السيارة بسلك اقوى لانة عيب كهرباء وريحوا مخكوا لان التوكيل خلاص باع وقبض تمن السيارة وخالتى وخالتك واتفرقت الخالات اما الاخ عماد حبيب فنصيحتة لكم مثل اى عضو من الاعضاء بالتوجة الى مركز الصيانة وسوف يقوموا بالازم هههههههه زى كل مرة دة ان رد على الموضوع اصلا والله اللى عاوز يعمل بالنصيحة يامرحب ...حابب توجع مخك وتصرف بنزين رايح جاى على التوكيل روح ولمؤاخذة فى الكلمة بيسلموا صابونة كامى مع كل عميل يجى عندهم وهو ماشى ارجوا عدم الزعل

**bassem.naguib** · 08-09-2012 03:52 PM

ضفيرة الكهربا كلها ؟!! مفيهاش مبالغة شويتين تلاتة كدة

**bassem.naguib** · 08-09-2012 09:01 PM

المشاركة الأصلية كتبت بواسطة alaa0000000

السلام عليكم
اخى الكريم بارك الله فيك
انا لاامتلك السيارة ....لكن كل المناقشات بين الاعضاء فى المنتدى هذا وفى موقع اخر كلها عن الحرارة وتتعمل فى التوكيل وترجع تانى ..يبقى ازاى كابل كهرباء وبس ؟؟؟؟.....موديل 2012

عاوز اجيبها خلاص ..بس الحرارة مشكلة ...
وياريت ان كانت الحرارة من كابل الكهرباء ....يكون التوكيل تدارك ذلك فى موديل 2013

ياريت الاستاذ/ عماد يطمنا بانتهاء مشكلة كابل الكهرباء هذه فى الموديل الجديد ....والا سمعة التوكيل والشركة والسيارة فى خطر ...

منتظرين رد أ/ عماد بالطبع .. أو أ/ داليا للرد بشفافية عن المشكلة دي .

بس هو التساؤل هنا .. هل كابل الأرضي ده بيؤدي إلى ضعف عمل مروحة الرادياتير أو عدم عملها بكفاءة فتحدث سخونة "فعلية" في العربية .. ولا المشكلة وما فيها أن مؤشر الحرارة مبيبقاش مظبوط و"بيخرف" بسبب كابل الأرضي بالرغم من كفاءة مروحة التبريد وعدم وجود "سخونة فعلية" في العربية .

المشاركة الأصلية كتبت بواسطة alaa0000000

السلام عليكم
اخى الكريم ...
يعنى مشكلة الحرارة فى سلك الكهرباء كما قيل كابل الارضى ؟؟؟؟؟
طب ليه بترجع تانى الحرارة بعد تقويته ...

ممكن تقول بقى عدم وجود ضمير عند الصنايعي .. عدم كفاءة الماتيريل بتاعة السلك في التوكيل مهما قويته لأني زي ما قريت في مشاركات في مواقع أخرى أن الموضوع ده انتهى تماماً بتقوية كابل الأرضي عند كهربائي خارج التوكيل .. بس المهم في النهاية هو عدم حدوث سخونة فعليه في حرارة المحرك تؤثر عليه .

في حاجة تانية محدش يمكن تطرق ليها بالشكل الكافي .. ممكن تكون الترموستات مبتديش قراءات مظبوطة تؤدي إلى ارتفاع نسبي في حرارة المحرك .. بمعنى أخر أن الترموستات المفروض تشتغل على 90ْ ولكنها مش بالكفاءة أنها تظبط عمل مروحة الردياتير عند هذه الدرجة وبالتالي تشتغل المروحة بعد درجة حرارة أعلى .. نتيجة توريد شحنة ترموستات مضروبة للمصنع .. وعلى فكرة ده شيء وارد جداً في مصانع ذات تاريخ عريق في مجال تجميع السيارات مش byd بس... وإلا مكناش نسمع عن استدعاء بعض الماركات المشهورة لعلاج عيب جوهري في مكون ما من المكونات .. بس الشطارة بقى بتقع على التوكيل في إدراك الأخطاء اللي وقع فيها وكيفية استجابته في علاج المشكلة بشكل جذري .

**flightbyd** · 09-09-2012 03:45 PM

يا اخ باسم التوكيلات المحترمة فقط هى التى تهتم بسيارتها وتتصل بالمشترين ان كانوا عندهم عيب معين بسياراتهم لاصلاحة لهم بدون مقابل مش شركة الامل ----- دول ياعم باسم شبعة بعد جوع

يرجى اختيار الالفاظ المناسبة للتعبير عن وجه نظرك

مشرف 4ب
9/9/2012
8.13 pm