صني 2013 - صيانة 5000 كيلو

**Youssef.Awad** · 09-09-2012 02:45 AM

1000 مبروك يا استاذ احمد وعقبال 100000 الف كم

المشاركة الأصلية كتبت بواسطة grader

هو تركيب الباركنج سينسور ده ب 400 جنيه عند السبع ولا فين؟؟ وياترى عند أوتو ايجيبت بنفس السعر؟؟

مش مصدق ان العربية مش نازله بفلتر تكييف وان احنا الى لازم نشتريه لأ وب 240 جنيه كمان !!! على كده الواحد يشيك على فلتر البنزين والزيت كمان أحسن يكونو عاملينهم أوبشن برضه !!

ثمن الباركنج فى السبع (لونه اسود وبيترش بلون العربية) واتوايجيبت (لونه اسود) ب250ج
ثمن مصنعيات التركيب فى السبع 150ج واتوايجيبت 130ج
+ 10% ضريبة مبيعات

الصنى قديمة وجديدة بتنزل بدون فلتر مكيف وثمنه فى القديمة ب180ج + 30 ج مصنعية تركيب
الصنى القديمة بتنزل فعلا بدون فلتر بنزين فى الكبوت لأن الفلتر موجود داخل طلمبة البنزين اللى مغمورة فى التنك تحت الكنبة وبيتغير مع الطلمبة مرة واحدة عندما يلزم الامر لتغييره وثمن الطلمبة بالفلتر غالى يعنى بلاش اقوله

**hossam_elwani** · 09-09-2012 03:10 AM

الف مبروك عليك

**the_air_devil** · 09-09-2012 04:00 PM

المشاركة الأصلية كتبت بواسطة ahmed.tv

دايما بتفيدنا يا استاذ احمد بتقاريرك وارائك القوية

بس بالله عليك .. بلاش تحط زيت معدنى تانى وخاليك فى التخليقى

والف مبروك الصيانة عقبال صيانة المليون

توبة من دي النوبة يا بيه ... بعد ماحسيت بالفرق بين الزيت المعدني والتخليقي, اقدر اقوللك ان العربية عاملة زي البنت اللي كانت حاطة جاز في شعرها وبعدين قلبت على صانسيلك :)

**kliken** · 09-09-2012 04:36 PM

الف مبروك الصيانه و عقبال الصيانه الجايه ان شاء الله

**malta** · 09-09-2012 11:37 PM

حضرتك حطيت زيت 5000 كيلو و مشيت بيه 5000 فعلا لان فى واحد قريبى معاه فيرنا 2010 و قالى انه بيحط 5000 و بيمشى بيه 3000 بس و انه لو مشى بيه اكتر من كده ممكن يبوظ الموتور و حكالى على كذا واحد صاحبه بعربيات مختلفة فضلوا بالزيت للاخر و مواتيرهم فوتت الكلام ده صح و لا فتى

**the_air_devil** · 10-09-2012 09:57 AM

المشاركة الأصلية كتبت بواسطة malta

حضرتك حطيت زيت 5000 كيلو و مشيت بيه 5000 فعلا لان فى واحد قريبى معاه فيرنا 2010 و قالى انه بيحط 5000 و بيمشى بيه 3000 بس و انه لو مشى بيه اكتر من كده ممكن يبوظ الموتور و حكالى على كذا واحد صاحبه بعربيات مختلفة فضلوا بالزيت للاخر و مواتيرهم فوتت الكلام ده صح و لا فتى

حطيت زيت 5000 بعد صيانة الألف... وعملت صيانة ال 5000 والعربية عاملة 4600.. مما يعني ان الزيت مايتسابش لحد مايتزنخ خالص....وفعلياً عملت بيه 3600 كيلو

اما حتة ان الموتور يفوت دي فأعتقد تيجي من واحد مش بيغير زيت أساساً ولو حط زيت 3000 بيمشي بيه 10000....وفي الأول والآخر بيعتمد على كفاءة الزيت المعدني, ممكن فعلا قريبك يكون يقصد ناس بتحط زيوت تعبانة.... بس كلمة زيت 5000 أو 10000 معناه ان أقصى معاد للتغيير يكون بعد 5000 أو 10000 بالترتيب .... مش نبدأ نغير لما نوصل المسافة دي