استطلاع راى نايل موتورز .. تـؤيد ام تعارض :: هذا السـعر " لنيـسان ميـكرا " فى مـصر

**Ahmed.TV** · 05-09-2012 03:14 PM

مناقشات واستطلاع راى مفتوح
من اعضاء نيسان تيم نايل موتورز

هل تؤيد تجميع نيسان ميكرا فى مصر وطرحها فى الاسواق ؟

هل تؤيد ان سعر فئات الاتوماتيك من 80 الف الى 90 الف ؟
ام لك راى اخر

هل تؤيد سعر فئات المانيول منها من 70 الف الى 75 الف ؟
ام لك راى اخر

السبب الرئيسى للمناقشة والاقتراح فى هذا الموضوع هو
اننا نامل ان نرى هذه السيارة فى مصر من نيسان بسعر تنافسى للغاية وفى متناول العملاء

السيارة الصنى الشكل الجديد
تم تجميعها فى مصانع نيسان فى 6 اكتوبر فى مصر من اجل طرحها بسعر تنافسى وقريب الى العملاء
لو تم استيرادها من الخارج ولم يتم تجميعها فسوف يصبح سعرها بعد الجمارك ما يقارب الـ125 الف واكثر وبالتالى لا تستطيع ان تنافس نيسان كبرى توكيلات السيارات الاخرى فى السوق المصرى
ولذلك تم تجميع السيارة فى مصر

وايضا نيسان ميكرا
لو تم استيردها وبيعها للعملاء سوف صبح سعرها مايقارب الـ 100 الف ويمكن ان يصل الى 120 الف

وبالتالى لن تجد نيسان الاقبال الشديد عليها من العملاء

وبصراحة شديدة ..

مع ازمة الزحام الشديدة فى الطرقات المصرية
نحتاج وبشدة الى طرح سيارة صغيرة من نيسان وموفرة فى استهلاك البنزين

مواصفات السيارة

تعتمد نيسان ميكرا على محرك نيسان طراز" HR 12"
ويعمل على وقود البنزين بسعة 1.2 لتر ثلاثي الاسطوانات
وهذا المحرك مزود بنظام تغيير توقيت الصمامات إليكترونيًا " Valve Timing Control – VTC "
ينتج قوة تصل إلى 80 حصان كما يخرج عزماً يصل إلى 108 نيوتن متر
وبمعدل استهلاك وقود خرافي يبلغ 4.1 لتر لكل 100 كيلو

اترككم مع صور السيارة لمن لا يعرفها

**a_bahaa14** · 05-09-2012 03:50 PM

المشاركة الأصلية كتبت بواسطة tiger76

أنا طبعا مع تجميعها فى مصر بس موضوع السعر قبل ما نتكلم فيه عايزين معلومات أكتر عنها
و صور ليها من الداخل و ايه هى الأوبشنز اللى فيها

فعلا علشان نحدد السعر لازم نعرف امكانيتها تفصيلا وشكلها من جوة

**Ahmed.TV** · 05-09-2012 03:54 PM

هى زى الصنى من جوة بسيطة وزيها على صغير يا نادر
بس ممكن ماينزلش منها التكيف التاتش ولا العدادات .. وهى 1200 سى سى
وطبعا كاسيت عريض وزجاج كهرباء والباقى المعروف فى نيسان

ومتنسوش ان نيسان اكيد حتلعب فيها لو نزلت عشان تقلل التكلفة

**tiger76** · 05-09-2012 04:03 PM

طيب كويس
بس ما ينفعش السعر يوصل لـ 90 ألف فى الأوتوماتيك و الصنى تكون بـ 100 الف
لازم يكون فى موازنة علشان تحقق مبيعات
و ممكن نشوف هى نازلة تنافس عربيات نوعها ايه و نشوف الأسعار بتاعتها
و كمان ساعتها سعرها يبقى أقل منهم علشان التجميع المحلى

**islammohiedden** · 05-09-2012 04:03 PM

اخرها 65 الف

**Amr Axel** · 05-09-2012 04:08 PM

عربية بالامكانيات دي و المواصفات ديه لو حبينا انها تنزل هنا و تجميع مصري و تقدر تنافس
يبقي فئة المانيوال لا تزد عن 70 الف اما فئة الاوتو يكون سعرها 75 الف و ده من وجهة نظري يكون اخرها كمان

لأن لازم يتم مراعاة طريقة تفكير المستهلك و امكانياته المادية و السوق و ليس البائع
يعني هنا المستهلك اولا هيقولك موتور صغير بغض النظر عن امكانياته حتي لو قولتله تربو هيقولك برده صغير
نقطة تانية الناس بتبص للهاتشباك انها عربية صغيرة حتي لو كانت اوتوبيس لكن طالما هاتشباك تبقي صغيرة و خسارة فيها فلوس كتيير و اخرها 50-60 الف
نقطة تانية يقولك اللي يخليني ادفع فوق الــ70 فيها و هي هاتشاك اشوف لانوس او فيرنا 1600 سي سي عربية سيدان قطع غيار في كل مكان و رخيصة و سهلة البيع او حتي يشوف برليانس او اسبرانزا او.. او.. كلها عربيات تتميز بالوسع و الشكل و السعر المقبول و اللي يقدر عليه الكثير و قطع غيار موجودة و عربيات اثبتت نفسها انما ديه غالية و لسه محدش يعرفها و لسه القطع منزلتش حتي

باللاضافة ان العربية لسه محدش جربها و هل هتناسبنا هنا مميزات عيوب لسه محدش يعرف حاجة

فالأفضل من وجهة نظري الشخصية

المرحلة الأولي : ان العربية في الأول تنزل في الستينات لمدة سنة - سنة و نص مثلا مانيوال 60 - اوتو 65
عندنا افتراضين
الافتراض الأول : ان العربية متثبتش نفسها و مفيش اقبال ساعتها ع حسب السوق هيتم اخذ القرار

الافتراض التاني : العربية تثبت نفسها قطع غيار تنتشر الناس تشوف العربية اعلانات دعاية اخر دلع اذا تحقق الافتراض التاني ندخل ع المرحلة التانية

نيجي للمرحلة التانية : العربية نجحت و اثبتت عليها اقبال زي الفل نشد السعر واحدة واحدة يعني الفين زيادة الناس هتفكر طب نلحق العربية قبل ما تزيد و نخسرها و العربية ناجحة و عليها اقبال زيادة بالرغم الارتفاع الطفيف في السعر طيب يبقي لوز نوصل العربية المانيوال 65 الف و الاوتو 70 الف

المرحلة التالتة : اللي تحدد ها ايه اخبار العربية ؟؟ هنا افتراضيين

الأول : لسه ناجحة و عليها اقبال بالرغم الارتفاع الطفيف طيب لوز يبقي نوصل العربية واحد واحدة للفئة اللي هي مانيوال 70 و الاوتو 75

التاني : لو لأ الاقبال ابتدي يقل بسبب ارتفاع السعر للمبلغ السالف ذكره طب نثبتها بقي ع السعر القديم اللي هو 65 الف
او سعر وسط ما بين الاتنين لأن سعر اكتر من 75 هيبقي حرام و زي مقولت الناس هتفكر في عربيات تانية بغض النظر ياباني هندي صيني الناس عايزة اللي يناسب امكانياتها

طبعا مع اهتمام الوكيل بيها و اعلانات و دعاية ابسط دعاية تعملها مشي العربية في الشوارع عربيات تست تمشي في الشارع الناس تشوفها تفكر فيها ممكن يتعمل اي شو عرض للعربيات صف يمشي ورا بعضه 3 جنب بعض اي منظر يتعمل هيشد الناس

هي ديه وجهة نظري لنزول العربية دي السوق هنا و تنافس و تنتشر

**Ahmed.TV** · 05-09-2012 04:09 PM

اذا كان البيكانتو فيها اسعار بتوصل الى 95 الف تقريبا

65 الف حيكون صعب يا شباب على ما اعتقد
ممكن الاتوماتيك منها يوصل بالكتير الى 75 الف .. لان ما تنسوش ان ده براند يابانى حتى لو بيتقفل فى الصومال
انا شايف ان الاتوماتيك فيها اخره 75 الف لو اتجمع هنا