باركولى بقيت من ملاك الماروتى

**atamim** · 08-09-2012 06:38 PM

السلام عليكم ورحمه الله و بركاته

بركولى يا شباب بقيت من ملاك الماروتى

العربية موديل 95 صاحبها لسة عامل لها عمرة ماتور و بيقول مغير كل حاجة جوة
و بطارية جديدة و كاوتش جديد

كان ماسك على 17 الف بس اخدتها بعد خناق ب 16 الف على اساس انها مش محتاجة مصروف غير حاجات بسيطة خالص

هو باغةالفانوس الورانى مش موجودة فمش عارف هية بكام و بتتباع لوحدها ولا لازم الجوز

هو سبب العمرة ان العربية سخنت فحط فيها مية من غير ما تكون دايرة فطبعا الماتور باظ منه

هو حاليا موصل المروحة مباشرة على الكونتاكت بزرار فالحرارة على الربع
مش مفروض الحرارة تكون فى النص؟
هل دا غلط على الماتور؟

انا لسة جديد لانج مع الماروتى فيا ترى تنصحونى باى؟

و شكرا جزيلا

.

**S O P H O S** · 08-09-2012 07:28 PM

الف مبروك يا باشا ..

**mrghost** · 08-09-2012 07:56 PM

الف الف مبروك ياباشا ربنا يديك خيرها
اول حاجه تعملها تروح تركب ثرموستات وتشغل المروحة بيها الطبيعي يعني وسيبك من فتي الناس اللي تقولك وصلها دايركت ع الكونتاكت انت كده بتهلك المروحة والموتور كمان

**MohammedAladel** · 08-09-2012 08:33 PM

ألف مبروك والشئ لزوم الشئ وزى ماقال العضو الكريم سيبك من فتى الصنايعية أنت كدا المروحة شغالة عمال على بطال ودا غلط جدا ع الموتور قبل المروحة نفسها هيضعف موتورها

**atamim** · 08-09-2012 10:44 PM

نسيت اقول ان الميكانيكى الى كان بيصلحها شال منها فلتر الهواء فياترى اى السبب ؟

**egyptiandiver** · 08-09-2012 10:52 PM

الف مبروك

**Amr Axel** · 09-09-2012 12:14 AM

معلش جت متأخرة الف مبروك انضمامك لنسور السوزوكي
بخصوص العربية زي ما م \ محمد قالك بخصوص الترموستات
بخصصو فلتر الهوا ازاي يشيله الميكانيكي ده بيهرج و لا لأ كده انت هتدخل تراب و بلاوي الشوارع كلها في الموتور و هتقول للموتور الي اللقاء في موتور اخر روح يا راجل ركبه ده ناقص يقولك العربية مفيهاش فلتر بنزين هههههه بالمناسبة ديه لو قالك كده غيره فورا و اعرفه انه مبيفهمش حاجة لأن مفيش عربية بتنزل من غير فلتر بنزين و فلتر البنزين موجود قدام العجلة الشمال ورا ناحية السواق هتلاقيه تحت العربية

المفروض بعد استلام العربية تعمل الآتي :

و اولهم الترموستات
تغير زيت موتور و فلتر عندك شيل كويس متحطش زيت اكتر من 5000 خاصة ان الموتور مش زيروو خلي بالك الموتور بالفلتر بياخد 3 لتر الا ربع زيت عشان محدش يحطلك 3 لتر و يقولك هي بيتحطلها كده قوله يه عربيتي و عارف بتاخد اد ايه
شوف مية الريداتير لو فيها شوائي او غامقة يبقي غيرها كلها و حط مية خضرا تلت ارباع الريداتير مية خضرا و الباقي مية مقطرة
غير زيت الفرامل ينزل الزيت في دورة كلها و يفك العلبة الزيت ينضفها و ينضف الدورة و تحط زيت جديد و استخدم بيندكس dot3 بلاش العلبة الصفرا او انواع غير معروفة الليلة ديه كلها مش هتحتاج اكتر من حوالي 750 مم زيت فرامل متخليش حد يضحك عليك و يقولك لأ مبيتغيرش زيت الفرامل و مية الريداتير بيتغيروا كل سنتين- 3 سنين بشكل دوري لأن خواصهم بتتغير و بيلموا شوائب و رطوبة
غير زيت الفتيس لزوجة 90 موبيل او شيل و يفضل شيل و اوعي حد يقولك زيت الفتيس بيتزود و مبيتغيرش او يحطلك من الزيت اللي في الاسطوانة البرتقالي لأنه زيت عربيات ع شحم و بيبوظ الفتيس زيت الفتيس بيتغير كل 30-40 الف تزيد او تقل ع حسب الظروف و ده ليس لأه بيفقد خواصه لكن لأنه بتملي رايش الناتج عن احتاك التروس في الفتيس و حط زيت الفتيس من جيركن اتفتح قدامك و بتتحاسب ع عدد اللترات فقط مش الجيركن كله و شحم عصاية الفتيس و اربطها كويس
شوف نظام طقم الكهربا و خاصة البوجيهات و الابلاتين
سير الدينامو و حالته سير الكاتينه يفضل تغيره و شوف بلية الشداد لو خشنة غيرها
تغير فلتر الهوا و فلتر البنزين
نضف البوابة و الكربراتير
ظبط زوايا و ربط العفشة و اي مسامير في العربية قرط عليها المفصلات
و يا رب مكونش نسيت حاجة :)

و هننتظر تفاعلك معانا ان شاء الله و اعمل حسابك طالما انضممت لنسور السوزوكي لازم تقرير عن اي حاجة تعملها في العربية حتي لو مساحة ههههههه