نصيحة .... محدش يشترى صنى 2013 ... عالاقل حاليا

**Ahmed.TV** · 09-09-2012 05:00 PM

معلش استحمل .. قلبى معاك .. وانا مقدر ان الواحد عربيته ايده ورجله

بس انا عاوز اقولك اى عربية مش نيسان عموما لازم فى بداية الشهور الاولى يحصل كدا .. عشان كدا انا مش بفضل اشترى عربية لسه نازلة السوق المصرى الا بعد مرور 7 شهور او 8 شهور عن طرحها

واللى بيتوفر فيها دايما فى البداية هو الصيانات الدورية .. ومع ذلك مفروض يتوفر فعلا الفوانيس والاكصدامات عشان دى حاجات اساسية .. بس ان شاء الله خير .. وكل حاجة حتتوفر مستقبلا للعربية .. لان العربية حتقعد تنتج فى مصر حوالى 6 سنين زى الصنى القديمة

انا اتصلت لحضرتك فى مودرن .. وقالولى انهم بلغوا نيسان باكواد قطع الغيار .. وهما حيتصلوا بحضرتك اول ما تتوفر فى اسرع وقت .. ..

واستعلمت فى اوتو ايجيبت عن اللى رد على حضرتك وقالك انها محسودة .. قالى انه مكنش بيقصد .. عشان كان متوفر عنده الاكصدامات الخلفية وبعض من الحاجات اللى حضرتك بتسال عليها .. وخلصت .. فقالك معلش هى محسودة وخلصت من عنده .. وطبعا مع حالتك وانك اكيد فى حالة غضب .. فحضرتك زعلت من الكلام .. وهو حقيقى مش بيقصد حاجة انها تزعلك ابدا

وقالولى ان فى اوتو ايجيبت موجود عندهم باب الشنطة والفانوس الخلفى يمين حاليا
اما دهر الصاج بتاع الشنطة حيكون موجود اول اكتوبر مع الاكصدام

وان شاء الله امورك تتحل على خير .. والعربية ترجع افضل من الاول باذن الله

تحياتى

**GRADER** · 09-09-2012 05:12 PM

المشاركة الأصلية كتبت بواسطة dr_hassan1eg

بصراحة وبامانة ربنا وبعيد عن الحادث
العربية دى طلعت مقلب
انا لما ركبت الينترا 2010 -الشكل القديم - برقبة النيسان مليون مرة
انا بندم بجد انى اشتريتها
وربنا يسهل وابيعها فى اقرب فرصة

وعمرك ما هتسال حد معاه العربية عن رايه فيها - الا لما هيقولك الجملة المشهورة (مقارنة بسعرها)
عربية زبالة وسحبها زفت وتقفيلها زباله - اول مرة اشوف عربية زيرو تنزل الاسلاك فى الكبوت متقفله بشكرتون !!!!!!!!!!!!!!
اسوء تقفيل مصرى شوفته فى حياتى

مش حاسس انها سيئة للدرجة دى يا باشا وبالنسبة ليا كل مشكلتى معاها هى موضوع التزييق ده الصراحة غير كد مفيش أى حاجة مزعلانى من العربية ومفيش عربية ب 100000 ممكن أجيبها أحسن من دى الا لو علينا بالمبلغ شوية كتير ودخلنا فى فئة تانية خالص

**Dr_MaTrix** · 09-09-2012 05:46 PM

ا/ احمد بسطها لك اهو يا دكتور وان شاء الله تتحل قريب وما تستعجلش فى موضوع البيع ده واحمد ربنا على كل شىء ويمكن تأخيرها ده خير ........."لو اطلعتم على الغيب لاخترتم الواقع"

**hossam_elwani** · 09-09-2012 05:55 PM

المشاركة الأصلية كتبت بواسطة dodyam

على فكرة مشكلة تقفيل الأسلاك بشكرتون دى موجودة حتى فى الصنى القديمة و كمان الجوك و القاشقاى اللى هما تقفيل انجليزى يعنى مش مشكلة تقفيل مصرى
أنا شوفتها بنفسى فى العربية لما جيت احجز و سألت فيها و بصراحة لما لقيت التقفيل الانجليزى برضه كده اطمنت و هتلاقى الجزء المتقفل شيكرتون موجود عند منطقة التقاء الوصلات لما السلك يخرج من المواسير و ذلك لتسهيل اعمال الصيانة بعد كده
و أنا رأيى حضرتك تصبر شوية لحد ما يحلولك المشكلة و تلاقى قطع الغيار
متنساش ان العربية دى شكل جديد فلسه قطع الغيار ما انتشرتش طبعا زى االصنى القديمة حضرتك ممكن تشوف حتى أى عربية تانية جديدة هتلاقى انها اول ما تنزل ملهاش قطع غيار فى التوكيل الا بطلوع الروح
طبعا أنا قلبى عندك فى الموقف اللى انت فيه و ربنا معاك

+111111111111

بأيد كلامك وعلى فكره حكاية الشكرتون دى شفتها كمان فى الميجان 3 الجديده بخلاف القشقاى والجوك كمان الى هما انجليزى ههههههه

**معتز الدهشورى** · 09-09-2012 06:26 PM

بصراحة حاجة تنرفز جدا

هو الواحد شاري العربية بمبلغ محترم عشان يتحرك بيها ويقضى بيها مشاويره ولا عشان يركنها فى التوكيل

المفروض يشوفولك حل ولا يدوك عربية بديلة طالما التأخير بسببهم

الشركات المحترمة المفروض تعمل كده

**Ahmed.TV** · 09-09-2012 06:27 PM

والانسر كمان بردوا متقفلة بشكرتون

**dr_hassan1eg** · 09-09-2012 08:55 PM

المشاركة الأصلية كتبت بواسطة ahmed.tv

معلش استحمل .. قلبى معاك .. وانا مقدر ان الواحد عربيته ايده ورجله

بس انا عاوز اقولك اى عربية مش نيسان عموما لازم فى بداية الشهور الاولى يحصل كدا .. عشان كدا انا مش بفضل اشترى عربية لسه نازلة السوق المصرى الا بعد مرور 7 شهور او 8 شهور عن طرحها

واللى بيتوفر فيها دايما فى البداية هو الصيانات الدورية .. ومع ذلك مفروض يتوفر فعلا الفوانيس والاكصدامات عشان دى حاجات اساسية .. بس ان شاء الله خير .. وكل حاجة حتتوفر مستقبلا للعربية .. لان العربية حتقعد تنتج فى مصر حوالى 6 سنين زى الصنى القديمة

انا اتصلت لحضرتك فى مودرن .. وقالولى انهم بلغوا نيسان باكواد قطع الغيار .. وهما حيتصلوا بحضرتك اول ما تتوفر فى اسرع وقت .. ..

واستعلمت فى اوتو ايجيبت عن اللى رد على حضرتك وقالك انها محسودة .. قالى انه مكنش بيقصد .. عشان كان متوفر عنده الاكصدامات الخلفية وبعض من الحاجات اللى حضرتك بتسال عليها .. وخلصت .. فقالك معلش هى محسودة وخلصت من عنده .. وطبعا مع حالتك وانك اكيد فى حالة غضب .. فحضرتك زعلت من الكلام .. وهو حقيقى مش بيقصد حاجة انها تزعلك ابدا

وقالولى ان فى اوتو ايجيبت موجود عندهم باب الشنطة والفانوس الخلفى يمين حاليا
اما دهر الصاج بتاع الشنطة حيكون موجود اول اكتوبر مع الاكصدام

وان شاء الله امورك تتحل على خير .. والعربية ترجع افضل من الاول باذن الله

تحياتى

شكرا لحضرتك لاهتمامك
وانا بكرة - باذن الله- هروح اخد العربية من مودرن واوديها عند اوتوايجبت وهحاول اتفق معاهم بالتنسيق مع نيسان انهم يسمكروا ضهر الشنطة لحين توافر قطعة الغيار
وده تقريبا بالاتفاق مع نيسان النهاردة
لان اول اكتوبر وكمان مع ايام الشغل يعنى المفروض لو انتظرت يبقى هستلم العربية اخر اكتوبر وده بعيييييييييييد جدااااااااااااااااااا
شكرا مرة تانية لحضرتك

**dr_hassan1eg** · 09-09-2012 08:57 PM

المشاركة الأصلية كتبت بواسطة saint2011

الله ينور يا عمده نيسان خلاص بقى يا دكتور حسن روق كده والعمده طمنك على المشكلة وإن شاء الله كله يبقى تمام بس أمانه أول مالعربيه تتصلح عزومه حلوه لأعضاء المنتدى حلاوة العربيه هههههههههههه :c_laugh[1]::c_laugh[1]::c_laugh[1]::c_laugh[1]:

عينيا طبعا ... بس اخلص من الدوامة دى وربنا ما يكتبها على حد