نصيحة .... محدش يشترى صنى 2013 ... عالاقل حاليا

**dr_hassan1eg** · 09-09-2012 02:09 PM

نصيحة لوجه الله
محدش يفكر يشترى الصنى الجديدة
.
.
.
ليه؟؟؟
لانى عملت حادث بالعربية وحاليا دايخ السبع دوخات على قطع غيار غير متوافرة بالتوكيلات كلها
وكمان قطع غيار هايفة لان الخبطة كانت من ورا ( يعنى اكصدام وفانوس خلفى وضهر شنطة)
ليه؟
.
لان شركة نيسان - الغير محترمة - عمالة تجمع فى عربيات وترميها فى الشارع ولا يهمها البنى ادم اللى بيركب العربية ده يعمل ايه بعد كده

تخيلوا بقه لو -لاقدر الله - الخبطة من قدام ومحتاج قطع غيار حيوية ... مش مجرد اكصدام كان بقه ايه الحل؟؟؟؟؟؟؟؟؟

انا اتصلت بمودرن واوتو والسبع ونيسان نفسها ولا حياة لمن تنادى
وعربيتى مرمية بقالها اسبوع ومحدش عارف هيفكروا يوفروا قطع الغيار امته ؟؟؟؟؟؟؟

انا هبعت شكوى لحماية المستهلك وشكوى لشركة نيسان الام

بس وجب على انى احذركم لان محدش بعيد - لا قدر الله - انه ممكن يخبط العربية على باب المعرض حتى.

ربنا يسترها معاكن ومتشوفوش القرف اللى انا فيه

**Dr_MaTrix** · 09-09-2012 02:20 PM

ربنا ييسرك لك امرك قريب وتنحل الازمة............وقدر الله ما شاء فعل

طب انا حاجز بقى وقريب ممكن ممكن استلم الواحد يعمل ايه دلوقتى صراحة ما عدتش عارف اتصرف ازاى !!!

**saint2011** · 09-09-2012 02:24 PM

هدى نفسك يا دكتور أنشاء الله تتحل مشكلتك وبعدين انا شايف أنها حاجة بسيطة لنيسان توفير أكصدام وفانوس يعنى مش حاجة حيويه فعلا تضايق معلهشى وعسى ان تكرهوا شىء وهو خيرا لكم

**dr_hassan1eg** · 09-09-2012 02:25 PM

ربنا يسترها مع الجميع

انا كنت متخيل انى ممكن اكون اخر واحد ممكن يعمل حادث .. بس ارادة ربنا

ومعرفش ازاى ينزلوا عربية وملهاش حتى قطع الغيار الاساسية؟؟؟؟؟؟؟؟؟؟؟؟
دى متحصلش حتى فى العربيات الصينى اللى بسعر التراب !!!!!!!!

**dr_hassan1eg** · 09-09-2012 02:28 PM

المشاركة الأصلية كتبت بواسطة saint2011

هدى نفسك يا دكتور إن شاء الله تتحل مشكلتك وبعدين انا شايف أنها حاجة بسيطة لنيسان توفير أكصدام وفانوس يعنى مش حاجة حيويه فعلا تضايق معلهشى وعسى ان تكرهوا شىء وهو خيرا لكم

هى فعلا المشكلة انها حاجة بسيطة
ولما تكون العربية متعطلة بقالها اسبوع فى التوكيل عشان مش لاقيين الحاجة البسيطة دى ... والمصيبة لما يكونوا اساسا مش عارفين الحاجة البسيطة دى ممكن تتوفر امته؟؟؟؟؟؟؟

طيب لو الحاجة دى مكنتش بسيطة وكانت حادث كبير ومحتاج قطع غيار حيوية كنا عملنا ايه؟؟؟؟؟؟؟؟؟؟؟؟

هو فيه اولويات قطع غيار المفروض تتوفر اقل من الاكصدام والفانوس؟؟؟؟؟

فعلا شركة غير محترمة وانا بندم اشد الندم انى اشتريت العربية دى
ولو ربنا اراد واتصلحت اول حاجة ان شاء الله هبيعها واشترى حاجة تانية ... ده الكورى برقبتهم

**kliken** · 09-09-2012 02:28 PM

حضرتك ليك الحق انك تتضايق بس اظن انها مسأله وقت ان شاء الله و يحلوا الموضوع

**saint2011** · 09-09-2012 02:31 PM

المشاركة الأصلية كتبت بواسطة dr_hassan1eg

ربنا يسترها مع الجميع

انا كنت متخيل انى ممكن اكون اخر واحد ممكن يعمل حادث .. بس ارادة ربنا

ومعرفش ازاى ينزلوا عربية وملهاش حتى قطع الغيار الاساسية؟؟؟؟؟؟؟؟؟؟؟؟
دى متحصلش حتى فى العربيات الصينى اللى بسعر التراب !!!!!!!!

هدى نفسك معلهشى والله انا أمبارح كانت العربيه هتتخبط منى فى وسط البلد من قدام وربنا ستر على أخر لحظة عشان كده انا حاسس بحضرتك وكان ممكن أكون مكانك دلوقتى وبقول نفس كلامك فصبرااا وكله هيتحل أنشاء الله

**dr_hassan1eg** · 09-09-2012 02:32 PM

المشاركة الأصلية كتبت بواسطة kliken

حضرتك ليك الحق انك تتضايق بس اظن انها مسأله وقت ان شاء الله و يحلوا الموضوع

يا جماعة اتضايق ايه؟؟؟؟؟

هو مش المفروض وهم بينزلوا العربية عارفين انها هتحتاج قطع غيار؟؟؟؟؟؟؟؟؟
ولا هى - بسم الله عليها - ضد الحوادث؟؟؟؟؟؟؟

مش المفروض ينزلوا قطع الغيار مع العربية ولا يستنوا لما الحوادث تحصل؟؟؟؟؟؟؟

العربية لسه معملتش 2000 كم .. ليه مقالوش انها ملهاش قطع غيار وانا كنت دوست عليها وجبت اى عربية انضف منها؟؟؟

**dr_hassan1eg** · 09-09-2012 02:34 PM

واللى يغيظك الظريف بتاع اوتو ايجبت بساله ليه ملهاش قطع غيار
بيقولى اصلها العين عليها كتير ومحسوده وحضرتك مش اول حد يشتكى !!!!!!!!!!
طيب ده انط فى كرشة مثلا؟؟؟؟؟؟؟؟؟؟؟؟؟؟؟

**ahmad--ezzat** · 09-09-2012 02:36 PM

المشاركة الأصلية كتبت بواسطة dr_hassan1eg

واللى يغيظك الظريف بتاع اوتو ايجبت بساله ليه ملهاش قطع غيار
بيقولى اصلها العين عليها كتير ومحسوده وحضرتك مش اول حد يشتكى !!!!!!!!!!
طيب ده انط فى كرشة مثلا؟؟؟؟؟؟؟؟؟؟؟؟؟؟؟

قله كلمه وحشه