الموضوع: نصيحة .... محدش يشترى صنى 2013 ... عالاقل حاليا

المشاركة الأصلية كتبت بواسطة ahmed.tv

معلش استحمل .. قلبى معاك .. وانا مقدر ان الواحد عربيته ايده ورجله

بس انا عاوز اقولك اى عربية مش نيسان عموما لازم فى بداية الشهور الاولى يحصل كدا .. عشان كدا انا مش بفضل اشترى عربية لسه نازلة السوق المصرى الا بعد مرور 7 شهور او 8 شهور عن طرحها

واللى بيتوفر فيها دايما فى البداية هو الصيانات الدورية .. ومع ذلك مفروض يتوفر فعلا الفوانيس والاكصدامات عشان دى حاجات اساسية .. بس ان شاء الله خير .. وكل حاجة حتتوفر مستقبلا للعربية .. لان العربية حتقعد تنتج فى مصر حوالى 6 سنين زى الصنى القديمة

انا اتصلت لحضرتك فى مودرن .. وقالولى انهم بلغوا نيسان باكواد قطع الغيار .. وهما حيتصلوا بحضرتك اول ما تتوفر فى اسرع وقت .. ..

واستعلمت فى اوتو ايجيبت عن اللى رد على حضرتك وقالك انها محسودة .. قالى انه مكنش بيقصد .. عشان كان متوفر عنده الاكصدامات الخلفية وبعض من الحاجات اللى حضرتك بتسال عليها .. وخلصت .. فقالك معلش هى محسودة وخلصت من عنده .. وطبعا مع حالتك وانك اكيد فى حالة غضب .. فحضرتك زعلت من الكلام .. وهو حقيقى مش بيقصد حاجة انها تزعلك ابدا

وقالولى ان فى اوتو ايجيبت موجود عندهم باب الشنطة والفانوس الخلفى يمين حاليا
اما دهر الصاج بتاع الشنطة حيكون موجود اول اكتوبر مع الاكصدام

وان شاء الله امورك تتحل على خير .. والعربية ترجع افضل من الاول باذن الله

تحياتى

شكرا لحضرتك لاهتمامك
وانا بكرة - باذن الله- هروح اخد العربية من مودرن واوديها عند اوتوايجبت وهحاول اتفق معاهم بالتنسيق مع نيسان انهم يسمكروا ضهر الشنطة لحين توافر قطعة الغيار
وده تقريبا بالاتفاق مع نيسان النهاردة
لان اول اكتوبر وكمان مع ايام الشغل يعنى المفروض لو انتظرت يبقى هستلم العربية اخر اكتوبر وده بعيييييييييييد جدااااااااااااااااااا
شكرا مرة تانية لحضرتك

المشاركة الأصلية كتبت بواسطة youssef.awad

ممكن حضرتك تفسر نقلك للعربية من مودرن الى اوتوايجيبت ..
حسب معلوماتى ان مركز مودرن ابو رواش افضل مكان لعمل السمكرة فى نيسان بس عيبه الوحيد مواعيده البعيدة وتأخير بلا حدود !!!
وناس اتعاملت مع اتوايجيبت برضه افضل فى ضبط مقاسات الشاسيه والدوكو ..

انا فى مودرن الهايكستب مش ابورواش