الموضوع: نصيحة .... محدش يشترى صنى 2013 ... عالاقل حاليا

المشاركة الأصلية كتبت بواسطة FBIAhmed

لو الاتنيين تخت مسمرى نيسان يبقى يتصرفوا مع باض لحل مشكلة العملاء العميل مالوش دعوه بتقسيتهم الاداريه الي اعرفه ان يا يوفر قطع الغيار يا مينزلش بالعربيه السوق ويزنق نفسه في مواعيد التسليم و يزنقنا معاه في قطع الغيار الموضوع ده لما حصل في سكودا سعر العربيه الفليشيا نزل و كمان نفس مشكله بروتون بس دول عزائهم اان العربيه استيراد

اكيد دى شركة مش اول مرة تفتح فى السوق .. وعندهم سياسية وفاهمين شغلهم حتى لو فى تقصير .. واكيد بيتابعوا السوق .. وعلى فكرة قطع الغيار كانت متوفرة .. ولما سالت فى اوتو ايجيبت على اكصدام الصنى الجديد .. قالوا انه كان موجود وخلص من عندهم .. وانا بثق فى اوتو .. مش حيقولوا كد كلام وخلاص ..
ولو قريت مشاركات الناس كويس جدا حتلاقي ملاك عربيات كتير غير نيسان .. قالوا ده طبيعى جدا فى اى عربية لسه جديدة .. وتلاقى الصنى اول ما اتقفلت هنا من 2006 بردوا فى البداية كان الدنيا شحة .. كام شهر .. عقبال ما الدنيا اتظبطت


احمد انا لو مكانه كنت هبطت ع المصنع في اكتوبر و جبتهم و ركبتهم. انت نفسك عندك مشكله في جلب الدونجل الخلفي و مش لاقيهم تخيل لو هما في المصنع و قالولك دول بتوع عربيات الي ببتتجمع هيبقى احساسك ايه زي الفتيس لما جالي من المصنع و بعدين اليابان لما وردت واحد حطه ده مكان ده

انا مشكلت الدنجل اللى عندى فى الجلبة .. ونيسان مش بتعمل جلب مقصات ولا جلب دونجل .. بتبيع الدنجل كامل والمقصات كاملة.. وانت عارف الكلام ده .. وطبعا سعر الدنجل كامل عندى غالى ب4000 جنيه .. فا اغيرها ليه .. طالما المركز قالى ده تشقق بسيط .. وناس كتير ماشية عندها كدا

ولو كان فيه تشقق كبير كان الدونجل حيتغير فى الضمان يا بوحيمد ههههههههههههههه
صباح الجمال

وبعدين مشكلة الفتيس بتاعك .. لما اخدوا من شغل الانتاج .. وجيه فتيس تانى من اليابان وسدوا العجز مكانه كان لازم يعملوا كدا لسبب .. لان الصنى القديمة خلاص انتاجها معروف .. وقادرين يهندلوا القصة .. وفى نفس الوقت ده فتيس يا احمد مفهوش سكوت .. وبعدين لولا تسريع الدنيا .. كان ممكن تقعد من اسبوعين الى 3 اسابيع على الاقل .. والحمد لله انها خلصت فى 5 ايام

اما قصة الصنى الجديدة مختلفة .. الناس مش بتنام وشغالة فى الاجازات عشان تلاحق على تظبيط خط الانتاج الجديد .. اللى قبل ما العربية تنزل فى شهر 6 كان عليها حجز كان اكتر من 3000 عربية .. والعربية الجديدة اللى مش عاجبة بعض الناس .. مبيعاتها حتكون اكتر من الصنى القديمة فى الكام السنة الجاية دى .. لان بسبب مبيعاتها فى اول شهورها الاولى وكان كبير .. خالا توشيجاى الرجل الاول فى اليابان يجى مصر

روستخ شوية علينا يا بوحميد

وقريب جدا باذن الله حبقا اخليك تروح تقعد معاهم فى مصنع نيسان وتقولهم على كل اللى فى نفسك فيه