جولف 2 1988 العربية بتتحرق ارجو المساعد!!

**kiko_007** · 09-09-2012 02:24 PM

فتحة فى الكبوت وجوة فى الصالون بتطلع دخان شياط كأن فى حاجة بتتحرق, انا معرفش دى بتاعة ايه ؟؟

أى حد عنده معلومات عن الفتحه دى يقول الصورة فى الاسفل

**MohammedAladel** · 09-09-2012 03:53 PM

متابع
جايز يكون حاجة بلاستيك من العازل مثلا بتسيح ؟

**mkmaly** · 09-09-2012 03:58 PM

راجع يا باشا على مفاتيح التكيف والبوابات

**kiko_007** · 09-09-2012 04:05 PM

طب هو ايه اللى بيبقى راكب فى الحتة دى فى الصورة التانية, عشان شكلو فعلا العازل بيسيح انا هابعده م}قتا واجرب تانى,, بس عاوز اعرف ايه اللى سخن اوى ده ؟؟

ألف شكر على مساعدتك

**ahmedeihab** · 09-09-2012 04:06 PM

هتلاقى أرضى و كهرباء ملمسين فى بعض و بيسيحوا البلاستيك بس ممكن تحدد ده ريحه بلاستيك ولا شياط اسلاك

و ان شاء الله خير

^_^

**kiko_007** · 09-09-2012 04:06 PM

المشاركة الأصلية كتبت بواسطة mkmaly

راجع يا باشا على مفاتيح التكيف والبوابات

للأسف العربية مافيهاش تكييف!!

**rotanamasoud** · 09-09-2012 04:48 PM

دى فتحه هوايه التكييف والريحه تقريبا من الموتور لو مش شغال التكييف سدها

**gabbbr** · 10-09-2012 12:23 AM

الفتحة دى فتحة مروحة الصالون و ممكن تكون انت مشغلها و المروحة قافشة و لو كانت بتجيب هواء و مش قافشة فممكن لو موتورك خفيف و بيطلع فايظ تكون المروحة بتسحبه على الصالون و العبرة هنا بطبيعة الدخان فلو كان دخان زيت محروق فذلك يؤكد ما سبق ان المروحة بتشفط دخان الفايظ داخل الصالون اما لو كان شياط زى احتراق عازل الاسلاك فده يرجع لاحتمال هناك سلكين متلامسين و المفروض انه بمجرد التلامس احد الفيوزات يضرب و يقطع الدائرة اما لو كانت اسلاك دخيلة على ضفيرة السيارة تمت بمعرفة كهربائى فده يجعلك تحصر دائرة البحث فى الاسلاك الغريبة و التى تصل لها كهرباء عند تشغيل السيارة و معنى هذا انها قد تكون لها طرف على كنتاكت السيارة هذا و الله اعلم

**kiko_007** · 10-09-2012 12:53 AM

المشاركة الأصلية كتبت بواسطة gabbbr

الفتحة دى فتحة مروحة الصالون و ممكن تكون انت مشغلها و المروحة قافشة و لو كانت بتجيب هواء و مش قافشة فممكن لو موتورك خفيف و بيطلع فايظ تكون المروحة بتسحبه على الصالون و العبرة هنا بطبيعة الدخان فلو كان دخان زيت محروق فذلك يؤكد ما سبق ان المروحة بتشفط دخان الفايظ داخل الصالون اما لو كان شياط زى احتراق عازل الاسلاك فده يرجع لاحتمال هناك سلكين متلامسين و المفروض انه بمجرد التلامس احد الفيوزات يضرب و يقطع الدائرة اما لو كانت اسلاك دخيلة على ضفيرة السيارة تمت بمعرفة كهربائى فده يجعلك تحصر دائرة البحث فى الاسلاك الغريبة و التى تصل لها كهرباء عند تشغيل السيارة و معنى هذا انها قد تكون لها طرف على كنتاكت السيارة هذا و الله اعلم

ألف الف شكر على مساعدتك وتعبك معايا, ان شاء الله هاروح بكرة عند الميكانيكى نفك الحتة اللى بيطلع منها دخان فى الصالون وربنا يستر ان شاء الله. بس هو الاكيد انه مش من الماتور عشان مافيش اى دخان بيطلع من ناحيته.

**kiko_007** · 10-09-2012 01:03 PM

الحمد لله يا جماعه طلعت المروحه قافشة وكانت بتسخن وتسيح العازل فصلنا الكهربا عنها وان شاء الله على الصيف اللى جاى ابقى اركبلها تكييف جديد محترم.

ممكن الادارة تقفل الموضوع الف شكر على تعبكم معانا