عرض للطباعة
مساء الخير
انا معايا صنى 2011 اوتوماتيك
العربيه بتطفى لوحدها لما انقل الفتيس من n الى d او r
بترج اكنى مش دايس دبرياج كويس وبعدين تطفى
وسعات وانا ماشى لما ادوس فرامل تعمل نفس الكلام !!
فى ناس بتقولى ضفيرة
مع العلم انى غيرت ضفيرة من حوالى 7 شهور لوجود مشكله فى
الار بى ام كان بيزيد لوحده واتعالجت !!
ياريت حد يفيدنى يا اصحاب الخبرة
وشكرا ,,,
هات الفتيس على n واطفي كل انوار السياره و تكون درجة حرارتها عاديه ع النص يعني
فك سالب البطاريه لمدة دقيقه و بعدين وصله تاني و جرب و لو منفعش
روح التوكيل بسرعه عشان ممكن يكون عيب في الفتيس و بالتحديد في خط ضغط الزيت ممكن يكون مسدود فيه ضغط عالي
و بالتحديد من service manual nissan n16 لما يحصل المشكله دي بيبقى من الاسباب دي
Inspection Procedure 8: Engine stall at shifting (N → D, N → R)
COMMENTS ON TROUBLE SYMPTOM
If an engine stall occurs when the selector lever is shifted from N to D or to R, the cause is probably an abnormal line pressure or a malfunction of the torque converter, A/T fluid cooler pipe, engine system, valve body, or oil pump.
PROBABLE CAUSES
Malfunction of torque converter
Malfunction of A/T fluid cooler pipe
Malfunction of valve body
Malfunction of the A/T-ECU
A/T internal error (oil pump, clutches, brakes, etc.)
الافضل فعلا زيارة التوكيل فى اقرب وقت ممكن للكشف والاصلاح ..
استااااااااااااااااااذ 100%اقتباس:
المشاركة الأصلية كتبت بواسطة fbiahmed
مع انى مش عارف الحل اه بس شكلك قارى و فاهم
ربنا يزيدك من علمه و تفيدنا بيه .
مشاء الله يا fbi صح الكلام ده بس كان فيه رأى تانى و هو سيستم الهوا بتاع الفرامل خاصة و ان العربية بردو بتبطل لما بيدوس فرامل على ال n ممكن يكون فى تسريب و ده بقلل ضغط الهوا اللى رايح للموتور و الله أعلم.
على العموم يا فندم نرجوا من حضرتك إذا زرت التوكيل الإستفصار عن المشكلة بالظبط و إفادتنا بعد ذلك و إنشاء الله بسيطة و شكرا
انا حددت ميعاد مع التوكيل يوم السبت القادم
انشاء الله خير
هاشوف هايعملوا ايه وانشاء الله ابلغكم
ادعولى
:satelite:
انا لسه راجع من التوكيل دلوقتى
وقالولى ان الموتور كان محتاج ظبط
وان مفيش حاجه تقول انها محتاجه ضفيرة إلا لو اتكررت تانى
ودفعت 110 ج قيمه الكشف وضبط الموتور مع انى فى الضمان !!
حاسس انى اتكلفتت
!!
انا حاسس ان كلام التوكيل منطقى على فكره لان ده ممكن يكون كان سبب المشكله فعلا - و العبره بالنتيجة - ان الموتور كان واطى و هما علوه و دى حاجه فى كل العربيات مش الصنى بس بيبقى فى مسمار لما بيتفك شويه بيوطى الموتور و لما بيتربط بيعليه يعنى بيقلل او بيزود عدد اللفات و طبعا لما بيبقى عدد اللفات قليل ده يخللى العربيه تبطل و لما يبقى زياده عن اللزوم بتلاقى صوت الموتور عالى (على سبيل المثال لما بتدور العربيه الصبح بدرى و خاصه لما درجه الحراره تبقى منخفضه الصبح بتلاقى صوت الموتور عالى و بعد كده لما العربيه بتسخن بيتظبط) فوارد جداً لو كان الموتور واطى اصلا و حضرتك دورت انها تبطل او تحتاج تزود بنزين سنه بسيطه و انا متخيل انهم حطوا العربيه على الكمبيوتر و بناء عليه ضبطوا المسمار حسب القراءات. على العموم فى جميع الاحوال حضرتك جرب العربيه و لو لاحظت العيب مره اخرى ارجعلهم فورا. انا بصراحه اللى مش عاجبنى سبب تحمل حضرتك التكلفه دى خاصه و العربيه فى الضمان و المشكله مش عويصه و لا محتاجه قطع غيار و لا مصنعيه و لا حاجه. يعنى لو مثلا كنت قلت لهم على الموضوع ده و حضرتك بتعمل اى صيانه كانوا عملوه مجانا :shyy:
اولا مبروك حل المشكلة .. ثانيا المفروض متدفعش حاجه لأنك في الضمان .. هو توكيل ايه ؟؟؟
انت ازاى دفعت انا مش عارف توكيل ايه دة مودرن ولا اتو ايجيبت
للأسف دا توكيل مودرن موتورز الحضرة - اسكندرية
- وللأسف الموتور وطى زياده مش علوه
- لكن انا اخدتها منهم ع البيت مالحقتش اعرف المشكله راحت ولا لأ
- انا حاسس انهم اشتغلونى فعلا ف الفلوس .. لكن لو هى كدا اتصلحت خلاص مش مشكله الفلوس
لكن لو بعد الشر رجعت تانى مش عارف هاعمل معاهم ايه
:grin02:
طيب ما تجرب كده وتقولنا, وانا راى فى كلا الحالتين تعمل شكوى لنيسان علشان مودرن دا سمعته زى الزفت, انا مش عارف ليه نيسان ايجيبت متسحبش منهم التوكيل بما انهم سمعتهم ضايعه كدا.
:offtopic2: ده حتى لو ميكانيكى فى الشارع عملهالك مش هياخد منك فلوس لان الموضوع بسيط مش مستاهل. حد بيعلى الموتور ب ١٥٠ جنيه؟ ده لو موتور طياره مش هيتعلى بالمبلغ دهاقتباس:
المشاركة الأصلية كتبت بواسطة smartjo
اقتباس:
المشاركة الأصلية كتبت بواسطة ahmed_selmy
فعلا مودرن دول زباله
انا كنت قبل كدا بتعامل مع شركة اسكندرية الهندسيه . على طريق مصر اسكندرية الصحراوى
ناس محترمين جدا ,, بس عيبه المسافه وانى ماينفعش اسيب العربيه عندهم
ع العموم انا هاجرب وانشاء الله خير
وهاقولكم ع الاخبار
هو انا لو عايز اقدم شكوى
اقدمها فين ؟؟
هل فى موقع للشركة ممكن اشتكى عليه ؟
ولا اراسل الشركة بريديا ؟
ولا ايه الطريقه ؟؟
!!
:shyy:
يا سيدي الفاضل اعمل ريسيت شيل السالب و انت جايب n وطافي كل حاجه في العربيه و وصله بعد دقيقتين كده و جرب و مكانش يبقى تطلع على اوتوايجبت ابورواش
ابقى طمنا .. وحستاذنك تغير الفونط عشان مش عارف اقرائه عشان بيظهر هيروغليفى
تحياتى ليك
الشكوى لغير الله مذلة ... :120105~352:اقتباس:
المشاركة الأصلية كتبت بواسطة smartjo
بس ممكن تتصل على 16244
=============================
وفعلا اى مشاركة بيكون الكلام فيها بطريقة مائلة بتجعل الكلام غير مفهوم ..
و بعد إذنك يا بروف يوسف و بما إن العربية لسة فالصمان يا ريت تاخد نظرة على اللينك ده http://www.nilemotors.net/Nile/306720-a.htmlاقتباس:
المشاركة الأصلية كتبت بواسطة Youssef.Awad
وشكرا
اولا متشكر جدا لاهتمامكم بالموضوع
للأسف المشكله رجعت تانى النهاردة !!
يعنى مشيت امبارح بس كويسة
الصبح طفت منى 3 مرات
كل ماجيب r تطفى !!
مع انها كانت سخنت كمان مش لسه باردة
استأزنت من الشغل وروحتلهم الساعه 4 وهما بيشطبوا ودخلت للمهندس
قولتله انتوا دفعتونى 110 وماتكلمتش وكمان العيب زى ماهو
طلع معايا واحد يجربها وفضل يلف يلف ومفيش فايدة العيب مش بيظهر اثناء السواقه .. نادر جدا بتطفى مع الفرامل
ف الاخر قالى لو عايز تسيبها وتيجى نجربها الصبح ممكن
!!!!!!!
دا صعب بالنسبه لظروف شغلى بس ممكن اعمل كدا الخميس
بصراحه اتخنأت ......
:_Alshmokh08[1]:
اقتباس:
المشاركة الأصلية كتبت بواسطة smartjo
صور المشكلة ديه فيديو بالموبايل ووريها للمهندس لما تروح له تاني و متسيبهمش الا لما المشكلة تتحل
اقتباس:
المشاركة الأصلية كتبت بواسطة PeaceMan
حلوة الفكرة دى
:shyy:
صباح الفل على احلى منتدى
الحمد لله
المشكله راحت بعد اخر زيارة للتوكيل والمهندس اللى
طلع جرب معايا شال فيشه كدا ف الموتور نضفها وحطها تانى
وبعديها انا فولت بنزين ومشيت بالعربيه عادى بس حاولت انى اهدى سواقتى شوية
مع انها اصلا هادية !!
المهم انى فولت تانى امبارح ولقيت المفاجأه !!!!
العربيه عامله 206 ك فى الصفيحه جوة البلد
لكن بدون تكييف
الحمدلله طبعا كنا فين وبقينا فين
يارب تفضل على كدا ربنا يهديها ..
شكرا لكل الاعضاء المهتمين بالموضوع
:verygood:
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!
مبروك على حل المشكلة ..
الف مبروك حل المشكلة و بشكرك انك طمنتنا عليك و علي عربيتك