الموضوع: هل كده فى مشكله جامدة فى الموتور !

المشاركة الأصلية كتبت بواسطة haitham1985

هناك فارق بين علاج المرض وعلاج العرض أو الأعراض ......... واضح أنك مثل الكثيريين تركزون على الأعراض وتتركون المرض الأساسى ........ وأنا من هؤلاء ولكنى بدأت أتغير

المشكلة اللى عندك محتاجه تشخيص جيد لأنها لا قدر الله ممكن تجيبلك مكنة كاملة

عربيتك حديثة ومتينة الصناعة ولا تحرج أصحابها إلا القليل ....... فمعنى ذلك أنها مريضة ........ وما دامت حديثة فلا داعى للميكانيكية الفتايين

تحتاج الى كشف كامل بكمبيوتر تحديد الأعطال فى مركز خدمة محترم وحط تحت محترم دى مليووووووون خط علشان يراعى ربنا فيك مش يستغل حزنك على العربية ويلبسك فى الحيطة أسف على اللفظ بس ده اللى بيحصل

قد تكون مشكلة :

حرارة
حساسات
دورة زيت

أو غيرهــــــــا

مركز الخدمة اللى أقدر أنصحك بيه

مهندس خالد اسماعيل - الحي العاشر - مدينة نصر. راجل فاهم ومحترم. رقم موبايله : 01002970564

ورشة محمد أصلان بمدينة نصر خلف مطعم أبورامي متخصصة في جميع طرازات سكودا رقم موبايله : 0100580485

فى الأوكتافيا طرمبة مش موجودة فى كثير من العربيات ......... إسمها طرمبة تبريد الزيت ........ لما بتبوظ بتدى نفس أعراض وش السلندر بتبقى لزقه فى زور فلتر الزيت ......... لما بتبوظ بتبرجل المكنة وتطحن الزيت وتلاقى زيت فى القربة بتاعة المية ......... لما بتتغير كل شىء بيتظبط

ده اللى قدرت عليه ......... وبالتوفيييييق ...... وطمنى

كلام حضرتك جميل جدا

انا اول و تانى مره عملتها عند مركز هانى خلف حديقة بدر فى جسر السويس

فى تانى مرة دى ودا الوش للخراط عشان يساويه و جبتله جوان وش السلندر و جوان غطا تكيهات

و الدنيا بقت تمام ..

المشكله الى مقلتهاش .. ان كان عندى مشكله فى دورة الميه من مده تقريبا و محدش كان عارف يحلها

و المهم ان بناء على المشكله دى بعد تغيير الجوان تانى مرة العربية سخنت منى جامد فى مرة و منورتش ولا ادت اى اشارة للاسف .. و بعدين العربية برجلت اوى و المراوح مكنتش بتشتغل .. و اذ فوجئت ان الميه فى القربة بقت كلها طحينة ساعتها قلت الجوان باظ تانى اما العربية سخنت .. لكن طلع الكولر بتاع الموتور او زى ما حضرتك قولت عليه مبرد الزيت الى لازق فى فلتر الزيت .. ساعتها ملقتش اصلى و جبته صينى بـ 300 جنيه باين ( بردو معرفش باظ من ان درجة الحرارة عليت ولا ايه )

المشكله الى كانت فى دورة الميه لسه موجوده .. عرفتها اما رحت عند واحد تانى اسمه احمد زاهر فى المعادى .. و شغله نضيف و عجبنى انو هو الى اكتشف مشكله الميه الى كانت طرمبة الميه

من ساعتها و انا بتعامل معاه و مريحنى تمام .. و هروحله قريب كده يكشف و يقولى .. و ممكن بردو يكون الكوولر بتاع الزيت ده باظ تانى اكمنه صينى ؟!

انا مش عارف بصراحة بس العربية قرفتنى ادعلولى تكون بسيطه