الموضوع: الف مبرووووك .. د. يوسف عوض المنسق المساعد لقسم نيسان

دى دموع الفرحة يا جماعة بحبكم ليا وللقسم والمنتدى قبل منى
--------
بصراحة مش لاقى كلام اكتبه عشان اشكر كل الاعضاء على تعليقاتهم الجميلة وهم بالترتيب:

Ahmed.tv دينامو القسم وعمدة نيسان والعقل المدبر لكل حاجة بتحصل ويارب اكون عند حسن ظنه واختياره ليا والجميع ان شاء الله ..
والف مليون شكر ع اللقب وانا تحت امر المنتدى اللى عرفنى بناس زيكم كلكم.

canner

saint2011

zambarota اعتبر الورد وصل يا باشا.

opelawy

ahmedPJT شكرا لذوقك.

S A M A بكل المجهود الوفير والطاقة بلا حدود والمتابعة الدئوبة لكل كبيرة وصغيرة فى المنتدى وكل الاقسام مش بس هنا لا كمان ع الفيس بوك والمقابلات والتكريمات ... الخ.

the_air_devil ربنا يخليك ويباركلك فى عربيتك وان شاء الله تركب كل اللى تتمناه ونتقابل قريبا على خير.

kar!m

Ahmedmiy تسلم يا ابو حميد على كلامك الرائع خاصة اقتراحك بالتسمية واللقب ده اللى اكبر منى بكتيييييييييير .. وفعلا هاحاول اوفر وقت اضافى الفترة القادمة باذن الله لتحمل المسؤولية التى يجب ان اكون قدها وقدود وانا بطبعى لا اتأخر عن أى شخص فى أى مكان طالما اقدر اخدمه وانصحه واساعده .. الحمد لله.

EhabVet حبيبى يا بوب .. وتسلم على الصورة اللى مش عارف جبتها منين دى !!! (شكلى كده اتقلبت من زمان وانا مش واخد بالى)

Kliken

FBIAhmed طيييييييييييب خد عندك اول قرارتى بعد تولى المنصب الجديد
اولا: تعيين المدعو احمد مصطفى ابراهيم وشهرته FBIAhmed كاستشارى لقسم نيسان للشؤون الميكانيكية والفنية
ثانيا: منح العضو المذكور قلادة نايل موتورز من الدرجة الاولى تكييف مع مرتبة الشرف نظرا لتفانيه فى ظبط زوايا عربيته الصنى ومعاناته اليومية مع الطريق الدائرى
ثالثا: ترقية العضو المذكور ترقية استثنائية من عضو فضى الى عضو ذهبى
رابعا: الانتهاء من موضوع حساسات الصنى بأسرع وقت ممكن عشان ناوى باذن الله يكون اول موضوع انسقه شخصيا مع تثبيته لفترة بعد أخذ رأى الاغلبية قبل الاتفاق على طبعه وتوزيعه على اعضاء القسم من ملاك الصنى مجانا
خامسا: دراسة جدوى لتوسعة ورشة نايل موتورز بالحرفيين لتشمل الاعمال الميكانيكية بجانب السمكرة والدوكو وتعيين العضو المذكور كمشرف فنى على العاملين للاستفادة من خبرته فى هذا المجال خاصة فى تحليل وتشخيص الاعطال بطريقة علمية معملية فذة

Land_Cruiser شاكر ليك ومعجب بردودك وحكمتك وعقلانيتك فى كل موضوعات المنتدى وخاصة فى عرض المشاكل او عمل مقارنات وربنا يرزقك بمفخرة الارض قريبا ان شاء الله.

PeaceMan تسلم يا حبيبى يا بيشو واهو لقيت حد يونسك فى وحدتك ويلا بقى همتك عاوزين نعمل انقلاب ونريح العمدة من التعب الفترة الجاية باذن الله

Dr_MaTrix

togo تسلم يا محمد باشا

mohamedsapri
-------------------------
وأخيرا .. شكرا جزيلا لكل اعضاء القسم الجدد قبل القدامى لمجهوداتهم المتواصلة فى زيادة عدد الموضوعات والمشاركات والمشاهدات منذ يناير 2012 وحتى الان ..
وننتظر منكم جميعا المزيد فى الفترة المقبلة لنحافظ على المكانة التى وصلنا اليها رغم كل التحديات والمنافسات والتى نستحقها عن اقتدار ..

الف مليون مبروك يا بشمهندس ياسر

...................

..................

................

هههههههههههه

اقصد طبعا يا دكتور يوسف
و ربنا يجازيك عنا خيرا و يعطيك اكثر و اكثر و يرجعك لنا بألف سلامة
و انا كان نفسي اتشرف بمقابلتك قبل السفر و لكن ان شاء الله نتقابل بخير ان قدر لنا المولي الاجازة القادمة و دائما انت معنا بنصائحك و مشاركاتك الغالية و المثمرة
تحياتي لك