الموضوع: هانت......هستلم اخيراً

الف مبروك مقدما يا باشا ..

مبروك يا دكتور وتستلم على خير أنشاء الله

مبروك الاستلام

المشاركة الأصلية كتبت بواسطة dr_matrix

السلام عليكم...........,

فى اول الكلام احب اوجه كل الشكر والتقدير ل أ/احمد مصطفى لجهوده معايا صراحة هوا لا يعرفنى ولا حاجة والراجل عمل اللى عليه صراحة......... فجزاك الله كل خير يا ا/احمد وجعله فى ميزان حسناتك

دلوقتى انا ممكن استلم النهاردة او بكرة بالكتير ,,,,, بس المندوب اللى هناك قالى انها هتيجى من المصنع للمعرض بسواق مش على عربية النقل بتاعت المعرض علشان العدد اللى جاى قليل.... فبصراحة الموضوع دا قلقنى بس هوا طمنى وقالى دول سواقين كويسين ومش اول مرة يجيبوا عربيات وما تقلقش...فهل الموضوع عادى ما يقلقش؟؟"سبع المنصورة"يعنى هتيجى من 6اكتوبر للمنصورة

واخيرا لو فى اى حد عنده اى اضافة ممكن اخد بالى منها غير الملاحظات اللى اتقالت هنا فى القسم ابقى شاكر ليه...وكان هنا فى اخ كريم عامل موضوع انه هيستلم والاخوة افادوه هقرأ الملاحظات بس لو فى حاجة تانية ابقى شاكر لكم

وبالنسبة للورق قالى هيجى يعد يومين كل اللى هاخده باين فتورة استلام والضمان هيجى بعد يومين

هوا صحيح انا لو لاقيت اى حاجة ناقصة من للى فى موضوع اللاستلام والتلين ده يبقى اتصرف ازاى وقتها.؟

وسؤال اخير معلش استحملونى بالنسبة لموضوع التأمين دا كويس وفعال...ولو عوزت اعمله اروح فين ؟؟؟

وفى النهاية احب اشكر ا/احمد مصطفى مرة تانية وادعولى بالخير

بص اولا مبروك على العربيه والله الواحد فرحانلك

ثانيا نصيحه مني لوجه الله بلاش موضوع ان سواق هايجبها للمنصوره

واعوى تقولى سواقيين كويسين وكلام فاضى هو السواق ميهموش عربيه مين ممكن يهبدها فى المطبات وحوارات انت فى غني عنها

لان المعرض الى حجزت معاه كان عايز يجبهالى برده من القاهره للاسماعيليه بسواق بحجه ان الونش عطلان بس انا رفضت ورحت استلمتها

بنفسى من القاهره

فانت لو تعرف تقوله يسلمهالك اى فرع من فروع السبع فى القاهره يبقى تمام وانت تتعب شويه وتستلمها بنفسك

اما بخصوص الورق بتاع الاستلام

فهو بيسلمك فاتوره بيع وكمان شهاده موجهه للمرور وكمان فى شهاده ملكيه وبيع من نيسان للمعرض

والضمان يااما بيسلمهولك وقتها او بعدها بيومين

واخيرا بارك الله لك وان شاء الله تستلم على خير

ولو عايز اى حاجه انا تحت امرك

ألف مبروك مقدما
انا رأيي تستلم العربية بالورق, مفيش سبب منطقي يخلي الورق يتأخر, يعني بالكتير تاني يوم من وصول العربية على ما يجيبوا جواب المرور.