الموضوع: تقرير استلام نيو صني والقول الفاصل في المزايا والعيوب

مبارك عليك العربية
عجبتني جدا المقارنات الي عملتها واستفدت منها جدا جدا
ياريت من المشرف يعمل موضوع مستقل فية المقارنات دي ويقوم بتثبيتة علشان يبقى سهل الرجوع لية في المستقبل

المشاركة الأصلية كتبت بواسطة احمد سيف النصر

تحية لكل اعضاء نيسان المحترمين ..

اولا انا استلمت نيسان صني الجديدة اول امس من المصرية للسيارات لون السيارة اسود وفرش اسود ..
بس قبل ما اقول لحضراتكم تقرير عن السيارة احب اقولكم انا من الناس اللي بقالها اكتر من سنتين ابحث عن سيارة وعملت بحث شااااااق ومرهق جدا عن كل السيارات في مصر

لدرجة ان انا عامل كشكول كبير فيه كل عيوب ومزايا جميع السيارات في مصر وذلك بعد سؤال الكثير من ملاك جميع السيارات من اصحابي واصدفائي في العمل والجيران والاهل لدرجة اني كنت بسال الناس اللي في الشارع واساله هل االعربية جيدة ولا لا وايه مزاياها وعيوبها والبحث عن كل الماركات في الانترنت واراء الناس فيها لدرجة حسيت ان انا عملت ماجستير او دكنوراة عن كل انواع السيارات

ومن خلال تجربتي احب اقولكم النتائج اللي وصلتلها..

اولا عايز عربية مشاكلها قليلة وسلبياتها بسيطة وتفريبا خالية من العيوب يبقي لازم تفكر في فئة السيارات اللي تمنها 175 الف وانت طالع مثل الفنتازيا والالماني وكل السيارات اللي تمنها يتعدي هذا الرقم..

ثانيا لازم تبقي مقتنع تماما ان اي عربية اقل من هذا الثمن هيبقي فيها عيوب بس عيوب عن عيوب تفرق وانت لازم تختار عربيتك وتبقي عارف عيوبها وانا هقولكم انا اختارت ازاي..

انا معايا 135 الف جنيه وقولت انا محتاج سيارة اوتوماتيك وهقولكم بما يرضي الله وتوفيقه عملت ايه انا جبت كل السيارات الاوتوماتيك اللي من فئة 80 الف لغاية 140 الف وعملتلها كذا صفحة في كشكولي ووصلت للاتي..

رينو لوجان اوتوماتيك عيبها نتشة في الفتيس بين النقلات وعدم ثبات بعد 120 وقطع غيار غالية والعربية شكلها قديم شوية وشنطة السيارة مبتفتحش من جوا العربية..

البيرسونا عربية ممتازة لكن يعيبها عدم وجود قطع الغيار بصورة بشعة وتوكيل ..سيء..

الكيا ريو الجديدة حريقة بنزين رغم ان موتورها 1400 سي سي لكن بتحرق 15 لتر في ال100 كيلو وده نسبة عالية جدا زائد سحب العربية ضعيف..

الاوبترا عربية واسعة وجميلة ولكن بدون اي وسائل امان وشكلها قدم شوية..

النيو اكسنت عربية تقفيلها ممتاز ولكن خفيفة جدا وليست ثابتة وواطية وبتحك في المطبات واول فئة فيها فاضية ب105 واللي فيها وساءل امان بتبدا من 115..

الكروز عربية تحفة ولكن سحبها ضعيف لان الموتور غير مناسب للبودي بتاع العربية والكلام ده ينطبق علي الكيا كارينز بودي تقيل علي موتور 1600 يسي سي..

السيراتو عربية واسعة وحلوة لكن عفشتها ناشفة شوية وبيبدا سعرها من 115 اللي فيها ايرباج وكمان شكلها قدم وهيتغير بعد 8 شهور..

الالنترا شكل عصري ووسع رهيب لكن سعر مبالغ فيه بتبدا من 131 الف فاضية وبصراحة حرام حد يدفع المبلغ ده في عربية كوري الا في الفئات الكبيرة زي السبورتاج والسنتافي وغيرها..

الانسر هي عربية ممتازة ثبات ممتاز وسع جيد ولكن شكلها لم يتغير من فترة كبيرة وبيبدا سعرها من 122 الف فاضية

* يعني عشان تجيب اللي فيها اوبشن زي النيو صني تدفع 130 يعني 30 الف فرق وده فرق لايستحق كل ده عشان شكل الخامات وكلام من ده ده فرق السعر ده يجيب صالون وسفرة وانتريه وكمان اوضة نوم ..

نيسان صني الجديدة وسائل امان عالية جدا وسع رهيب في السيارة وشنطة واسعة وارتفاع جميل وسحب جيد واستهلاك بنزين مدهش 6 لتر لكل 100 كيلو

ولكن يعيبها تقفيل سيء وخامات داخلية ليست علي المستوي المطلوب ولكنها احسن من تقفيل الفيرنا والاسبيرانزا والانوس والbyd ..

المهم انا حطيت كل عيوب ومزايا كل سيارة ومشيت بمبدا الاستبعاد ايه اللي ممكن استغني عنه وايه اللي مقدرش استغني عنه

* لقيت نفسي مقدرش استغني عن وسائل الامان في الزمن ده والاتساع والثبات واستهلاك البنزين لان الحاجات ده اساسية واستهلاكها يومي يعني متهمنيش الخامات الداخلية تبقي رهيبة قد ما يهمني وسائل الامان لان انا معايا اسرة ولازم اخاف عليها انا يهمني حياة الاخرين اهم من الفشخرة قدام الناس والخامات والتقفيل انا قولت مش بالسوء الرهيب اللي الناس بتبالغ فيه زائد توفير مبلغ 30 الف جنيه عن اختياري الثاني لانسر وده فرق كبير لايستحق دغعه عشان شوية تقفيل ولقيت بحمد لله ان كلامي صح..

* انا استلمت النيو صني ومتقبلها علي عيبها لاني عارفه قبل ما اشتريها وواثق تماما في شركة نيسان انها هتحسن منه
والدليل ان العربيات كلها دلوقتي نازلة ببطارية جافة بدل السائلة وذلك ده بعد شكوي الناس وانا لقيت ان بطاريتي جافة بضمان كلورايد والحمد لله انا سعيد بعربيتي جدا وعيلتي كلها فرحانة بيها بعد ما ركبوها لان انا شايف ان العربية مفيهاش عيوب مطلفا مطلقا غير التقفيل وانا واثق انه لو في عيب ان نيسان هتغيره في اول صيانة زي ما استجابت للناس في موضوع البطاريات
وكمان العيب الوحيد اللي لقيته عندي ان الباب مبيتقفلش الا لما بتزقه جامد شوية وانا عارف ده مشكلة عبيطة هتتحل في اول صيانة غير كدة انا مش لاقي اي عيب تاني في السيارة والحمد لله..

التكييف تلاجة انا مشغله علي واحد كنت عايز بطانية او لحاف عشان بردت

الاضاءة جميلة وهادئة

العفشة ناعمة لا تشعر بالمطبات نهائيا ثبات ممتاز..

انا عايز الناس اللي حاجزة العربية متتضايقش ان الفترة طولت في الانتظار لان انت كل ما هتستني هتاخد حاجة محترمة بجد وتستحق الانتظار

-----
تم تنسيق الموضوع بناء على طلب منسق القسم

الريو 15 لتر في 100 كم ليييييييييييييييييييييييي ييييييييه ... احب اقولك ان استهلاك الريو 10 لتر داخل البلد مع تشغييل التكييف ومن فضلكم محدش يضرب ارقام وهو مش عارف حاجة .

المشاركة الأصلية كتبت بواسطة youssef.awad

مممممممممممممممممممم يعنى ينفع كده يا ابو حميد !!!
شكلك كده عاوز تنضم لينا فى التنسيق قريب
نصيحة بلاش نقطع على بعض والا هاستغل سلطاتى وبابا غنوجى
تسلم يا زعيم ع المجهود وفعلا الموضوع كان محتاج تنسيق

المشاركة الأصلية كتبت بواسطة saint2011

فعلا الموضوع بعد التنسيق بقى أفضل شكرا للأستاذ أحمد رمضان

يا فندم انا معملتش حاجة فعلا .... أنا بس حسيت الموضوع هيبقى مفيد للناس اللى بتفكر تجيب العربية و بتقارن فحبيت أظبطه علشان يبقى أسهل فى القراءة للعين.

المشاركة الأصلية كتبت بواسطة lenovo

الريو 15 لتر في 100 كم ليييييييييييييييييييييييي ييييييييه ... احب اقولك ان استهلاك الريو 10 لتر داخل البلد مع تشغييل التكييف ومن فضلكم محدش يضرب ارقام وهو مش عارف حاجة .

لما هى كده ليه كل ملاكها بيشتكوا من موضوع أستهلاك البنزين ولا هما بيقولوا كده وخلاص عشان محدش يركبها غيرهم
ياريت حضرتك تفهمنا الحقيقه ايه

استاذي الفاضل عيب جدا لما تقول حضرتك ان انا بضرب ارقام ومش عارف حاجة فعلا السيارة كيا ريو حريقة بنزين انا بتكلم عن الشكل الجديد ومش بتكلم اي كلام انا صديقي اسمه احمد حسين معاه السيارة وبيشتكي من البنزين بيقول من 14 الي 15 لتر وده صديقي جدا مش واحد عادي وايضا جاري الاستاذ احمد عبد العظيم عنده السيارة وقاللي نفس المشكلة ولو عايز ارقام تليفوناتهم وتكلمهم بنفسك انا تحت امرك وكمان ناس في المنتدي قالت نفس الكلام وغيرهم كتير خد عندك وبالمستندات مش من عندي http://www.nilemotors.net/Nile/303818-100.html وكمان ده يا باشا http://www.nilemotors.net/Nile/305669-a.html وده كمان يا باشا http://www.nilemotors.net/Nile/305111-a.html وده كمان يا باشا نايل موتورز - NileMotors.net -2012.html

الله يبارك فيك يا افندم

المشاركة الأصلية كتبت بواسطة saint2011

لما هى كده ليه كل ملاكها بيشتكوا من موضوع أستهلاك البنزين ولا هما بيقولوا كده وخلاص عشان محدش يركبها غيرهم
ياريت حضرتك تفهمنا الحقيقه ايه

ما انا معايا واحدة ومش بشتكي منها خالص ولا هو علشان عربية واحدة فيها مشكلة يبقى كله في مشكلة ... من فضلك متحكمش على حاجة الا لما تكون جربتها ....... شكرا

استاذي الفاضل عيب جدا لما تقول حضرتك ان انا بضرب ارقام ومش عارف حاجة فعلا السيارة كيا ريو حريقة بنزين انا بتكلم عن الشكل الجديد ومش بتكلم اي كلام انا صديقي اسمه احمد حسين معاه السيارة وبيشتكي من البنزين بيقول من 14 الي 15 لتر وده صديقي جدا مش واحد عادي وايضا جاري الاستاذ احمد عبد العظيم عنده السيارة وقاللي نفس المشكلة ولو عايز ارقام تليفوناتهم وتكلمهم بنفسك انا تحت امرك وكمان ناس في المنتدي قالت نفس الكلام وغيرهم كتير خد عندك وبالمستندات مش من عندي http://www.nilemotors.net/Nile/303818-100.html (سوال عن عداد حسابات استهلاك البنزين لكل 100 كيلو) وكمان ده يا باشا http://www.nilemotors.net/Nile/305669-a.html (عربية سيئة السمعة) وده كمان يا باشا http://www.nilemotors.net/Nile/305111-a.html (أسئله عن كيا ريو الجديده (ضرورى))