الموضوع: تقرير استلام نيو صني والقول الفاصل في المزايا والعيوب

المشاركة الأصلية كتبت بواسطة احمد سيف النصر

حضرتك فعلا الرينو فلوانس فيها مزايا الاوروبي كله بس فيها نتشة في الفتيس يعني العربية بترجرج وتفط بين الغيارات وكمان استهلاكها عالي شوية في البنزين ..مع احترامي لراي حضرتك الصني الجديدة ممتازة وعايز اسال حضرتك سؤال واحد ايه سر طوابير الحجز عليها يعني ناس حاجزة من شهر 6 ولسة مستلمتش تفتكر ليه اكيد عشان ان العربية فيها امكانيات واتساع وراحة وتوفير للبنزين وسعرها يعتبر تحفة بالنسبة لامكانياتها لكن الفلوانس بينها وبين الصني 32 الف جنيه هل هذا المبلغ قليل السؤال ايه اللي هاخده زيادة في الرينو فلوانس عن الصني عشان ادفع 32 الف جنيه فرق انا يوم ما احب ادفع فرق كبير يبقي في عربية زي الفانتازيا او الالماني

فعلا كلام محترم و موضوع نتشة الفتيس ده موجود فى الرينو بصفة عامة و هو مش عيب فى الفتيس
هو الفتيس الأتوماتيك انواع فى فتيس تحس بالنقلة بتاعته زى الرينو الفوانس و اللوجان و فى فتيس لأ زى الصنى

المشاركة الأصلية كتبت بواسطة ultramisho

أستاذ أحمد قرأت موضوعك اليوم فقط
والحقيقة أحييك على تحليلك وطريقتك المنهجية في اختيارك
وان شاء الله تكون موفق
لكني بجانب احساسي بعدم ذكر أي عيب حقيقي في النيسان صني رغم اقراركم بان العربيات بالسعر ده لازم فيها عيوب
اندهشت لعدم ذكر النيسان تيدا خاصة انكم كنتم بتقارنوا العربيات حتى 140 الف
وبالطبع ليس من الممكن السهو عن التيدا طالما اختياركم كان في النيسان
وهل الصني افضل من التيدا
لا اعتقد مطلقا
صحيح التيدا شكلها مش رومانسي لكن الهاتشباك بتاعها لا يقل كثيرا عن الصني الجديدة من وجهة نظري
ويمكن تكون من وجهة نظركم غير مقبولة ولكن تقبل من شخص اخر
انا قرأت تعليقات الزملاء ايضا وان كان بسرعة
ولكني لم اقابل تعليق واحد عن التيدا ايضا
شعرت ان الموضوع اصبح لتعظيم الصني
وهي عربية جيدة بالفعل بالنسبة لسعرها لا شك
ولكن اذا وصلنا ل 140 الف كما ذكرتم فاختلف كثيرا
واضع التيدا والسيراتو واللانسر والفلونس قبلها رغم عيوبهم
مجرد رأي
تقبل مروري

كلام حضتك صحيح وموضوع شكل التيدا و الصنى أواق يعنى أنا مش بحب شكل التيدا من قدام و بحب شكل الصنى الجديدة بس فى الآخر الشكل بالنسبة ليا عامل مش مؤثر فى قرارى لشراء الصنى
طبعا التيدا الهاتشباك حاجة جامدة و افضل من الصنى فى التقفيل و موتور
لكن الصنى الجديدة فيها كل حاجة أنا عاوزاها الحمد لله يبقى أدفع ليه أكتر
ثم العربيات التانية الفلوانس و اللانسر أكيد أفضل طبعا لكن هأدفع فرق الفلوانس ده مقابل و هل المقابل ده يستحق و أنا محتاجه و لا لأ
لكن السيراتو ابعد عنها فيها مشاكل أقلهم موضوع الحدفة الشمال غير لما ركبت العربية الوكيل لقيت نفسى قاعد تحت على الأرض و تقفيلها معجبنيش خالص لكن الخليجى منها أفضل و أعلى شوية لكن بـ 140 اللى شفتها

عيوب الصنى هأقولك وجهة نظرى لانى سايقها بقالى شهر الحمد لله بس طبعا المدة دى غير كافية انى احكم برضه
لكن طبعا عيوب التقفيل فى المساحات الواسعة فى التابلوه ومكان الكونتاكت تحس الدايرة الحديد الفنش بتاعه مش كويس أوى - بلاستيك الباب من الداخل تحس مش ثابت أوى فى الباب مش زى التيدا مثلا - التابلوه شكله عادى بس مش وحش و لا حلو أوى - الكنبة من ناحية الباب اليمين الخلفى عند زواية التقاء الضهر مع القاعدة من ناحية الباب فى فتحة تشوف منها حديد العربية ودى موجودة فى كل الدفعات فلما تيجى تفرش الكراسى جلد مثلا لازم تقول للراجل لانه مع شد الجلد ممكن الفتحة توسع و تبان اوى فلازم يتخن السفنج فى الحتة دى - مفيش غير يد واحدة فى السقف عند الراكب الامامى - مراية فى شماسة السائق فقط
كل اللى بأقولهولك ده أى كلام بالنسبة ليا و مش فارق معايا خالص الحمد لله
نيجى بأة لعيـبـيـن فارقين معايا

الكاوتش سئ طبعا و بيلم زلط كتير وصوته التكتكة ملوش حل حتى لو كل يوم بتشيل الزلط
والكاوتش ليه علاقة بالثبات
يعنى لما جبت 130 على الطريق الدولى فى اسكندرية فى مطالع الكبارى و المنازل و مطبات الهوا تحس العربية بتطير من على الارض لفوق
دى العيوب من وجهة نظرى الشخصية حتى الآن لو حد ليه رأيى تانى يتفضل

المشاركة الأصلية كتبت بواسطة احمد سيف النصر

استاذي الفاضل لك مني خالص التحية والتقدير ..اولا انا لم اتجاهل التيدا عن عمد ولكن سهوا مع انها كانت من افضل اختياراتي وهي كسيارة ممتازة بلا شك ولكن بالنسبة لي شكلها لم يتغير منذ فترة كبيرة علي عكس الصني لكن لو كان نزل منها شكل جديد كنت ساعيد حساباتي من جديد ..اما بالنسبة للسيراتو والفلوانس والانسر بينهم وبين الصني ما لا يقل عن 35 الف جنيه فرق سعر مثلا الفلوانس ب 140 الف والانسر ب 135 الف وده فرق كبير عن الصني يا استاذي قد تكون هذه السيارات افضل من الصني لكن لامش الفرق اللي يخلي واحد يدفع 40 الف زيادة..انا ايه اللي هاخده زيادة عشان ادفع 40 الف زيادة وكمان حتي لو فيه زيادة في التقفيل وبعض الاوبشن هل يستحق ان ادفع هذا المبلغ

ميه ميه يا باشا

المشاركة الأصلية كتبت بواسطة dodyam

فعلا كلام محترم و موضوع نتشة الفتيس ده موجود فى الرينو بصفة عامة و هو مش عيب فى الفتيس
هو الفتيس الأتوماتيك انواع فى فتيس تحس بالنقلة بتاعته زى الرينو الفوانس و اللوجان و فى فتيس لأ زى الصنى



كلام حضتك صحيح وموضوع شكل التيدا و الصنى أواق يعنى أنا مش بحب شكل التيدا من قدام و بحب شكل الصنى الجديدة بس فى الآخر الشكل بالنسبة ليا عامل مش مؤثر فى قرارى لشراء الصنى
طبعا التيدا الهاتشباك حاجة جامدة و افضل من الصنى فى التقفيل و موتور
لكن الصنى الجديدة فيها كل حاجة أنا عاوزاها الحمد لله يبقى أدفع ليه أكتر
ثم العربيات التانية الفلوانس و اللانسر أكيد أفضل طبعا لكن هأدفع فرق الفلوانس ده مقابل و هل المقابل ده يستحق و أنا محتاجه و لا لأ
لكن السيراتو ابعد عنها فيها مشاكل أقلهم موضوع الحدفة الشمال غير لما ركبت العربية الوكيل لقيت نفسى قاعد تحت على الأرض و تقفيلها معجبنيش خالص لكن الخليجى منها أفضل و أعلى شوية لكن بـ 140 اللى شفتها

عيوب الصنى هأقولك وجهة نظرى لانى سايقها بقالى شهر الحمد لله بس طبعا المدة دى غير كافية انى احكم برضه
لكن طبعا عيوب التقفيل فى المساحات الواسعة فى التابلوه ومكان الكونتاكت تحس الدايرة الحديد الفنش بتاعه مش كويس أوى - بلاستيك الباب من الداخل تحس مش ثابت أوى فى الباب مش زى التيدا مثلا - التابلوه شكله عادى بس مش وحش و لا حلو أوى - الكنبة من ناحية الباب اليمين الخلفى عند زواية التقاء الضهر مع القاعدة من ناحية الباب فى فتحة تشوف منها حديد العربية ودى موجودة فى كل الدفعات فلما تيجى تفرش الكراسى جلد مثلا لازم تقول للراجل لانه مع شد الجلد ممكن الفتحة توسع و تبان اوى فلازم يتخن السفنج فى الحتة دى - مفيش غير يد واحدة فى السقف عند الراكب الامامى - مراية فى شماسة السائق فقط
كل اللى بأقولهولك ده أى كلام بالنسبة ليا و مش فارق معايا خالص الحمد لله
نيجى بأة لعيـبـيـن فارقين معايا

الكاوتش سئ طبعا و بيلم زلط كتير وصوته التكتكة ملوش حل حتى لو كل يوم بتشيل الزلط
والكاوتش ليه علاقة بالثبات
يعنى لما جبت 130 على الطريق الدولى فى اسكندرية فى مطالع الكبارى و المنازل و مطبات الهوا تحس العربية بتطير من على الارض لفوق
دى العيوب من وجهة نظرى الشخصية حتى الآن لو حد ليه رأيى تانى يتفضل


ميه ميه يا باشا

أشكرك على رأيك الموضوعي
فعلا أعضاء قسم نيسان كلهم ناس محترمين وفاهمين كمان
هو طبعا الصني خاصة الجيدة عربية تنال تقدير الجميع
وزي ما انا قلت هي احسن صفقة مقابل السعر
لكن ليس دائما الاختيار بيكون على هذا الاساس
يعني انا لما باختار باحط متوسط لمتطلباتي وابحث عن انسب عربية تحققه
ممكن صح الفرق يكون مايستاهلش عند ناس تانية لكن عندي يهمني
علشان كده فكرت في التيدا بعد زهقي من السيراتو ومشاكلها ونشوفية عفشها العجيبة لا تقولي نيتروجين ولا الكلام ده الموضوع عفشة

والي لفت نظري للتيدا في بعض مشاركاته في المنتدى منذ فترة كان سوناستيل خبير النيسان جزاه الله خيرا
بس لاحظت ان مواضيع التيدا قليلة
وحسيت انها فعلا منسية رغم انها عربية ممتازة
بدأت أقلق لحسن تكون قطع غيارها قليلة او غالية اوي

ياريت لو حد من اعضاء هذا القسم المحترم عنده تيدا يعمل موضوع تقييمي شامل ليها
سحب تقفيل تكييف اتزان قطع غيار اعادة بيع وكده
اكيد هيفيد ناس كتيرة

مرة اخرى شكرا لهذا القسم من المنتدى والذي يستحق كلمة رائع
تقبلوا مروري

معلش بس لو انت معاك 30 الف جنية وممكن تدفعهم و انت مرتاح ,يعنى معاك فلوس تانية شايلهم ليك يبقى طبعا الفلوانس ,لان الفرق الى هاتدية الفلوانس ليك هو احساس الاكتفاء والاستمتاع برفاعية الصالون و الماركة.
لكن لو دى اخرك فى الفلوس يبقى فعلا الاختيار العملى تماما للنيسان و ربنا يرزق,

مبروك يا باشا على العربيه والموضوع الممتاز واسلوب التفكير والتنسيق الرائع

الف مبرووووك ياباشا ع العربيه وربنا يدينا خيرها ويكفينا شر الطريق

المشاركة الأصلية كتبت بواسطة saint2011

أ/ عادل كلام حضرتك مظبوط جدا ومحترم أيضا واحب أقول لحضرتك أن بمجرد تغيير الكاوتش بماركة محترمة ميشلان او بريدجستون او كونتيننتال مع تعريض المقاس 195-60-15 هتشعر أنك راكب عربية تانية خالص وهتلاقى العربية ذى مبتتمناها عفشة وثبات والباور هيتوازن يعنى مش هيتقل هتلاقيه مظبوط وتحياتى لحضرتك

شكرا أستاذ حاتم
وياريت فعلا يفرق معايا فى الثبات و الزلط

حاليا بأدور فى اسكندرية على حد يشترى الكاوتش الماكسيس و لو تعرفوا حد يا ريت خلال اليومين دول أنا مشيت بيهم 700 كيلو بس يوم السبت رايح ان شاء الله صيانة الألف فى أوتو ايجيبت ابورواش فمتوقع أكون طبعا عديت 1000 كيلو
وبما إن أنا فى القاهرة السبت لو حد عاوزهم مفيش مشكلة بس أنا ما أعرفش أروح أى حتة فى القاهرة بالعربية
آخرى تاكسيات و مترو أنفاق