الى خبراء ال128 ... أرجو المساعدة

**Mohamed-Saoud** · 01-07-2008 04:17 PM

السلام عليكم
العربية عندي بقالها فتره بتسخن كل شوية (يعني سخنت مني مرتين في مشوار واحد من وسط البلد ل6 أكتوبر الكلام ده في فترة الظهر بس و أنا راجع بالليل ماسخنتش خالص)
و بمعل كل خروجه لازم تسخن و لازم أركن على جنب لغاية ما تبرد و النور الأحمر يروح و بعدين أدور الموتور و أحط شوية ميه حتي لو مش محتاجة علشان أبرد شوية و أروح طالع بيها تاني و أدعي ربنا أنها ماتسخنش تاني:)

قولولي المشكلة ممكن تكون منين؟؟؟ علما بأن الراديتير نضيف (2 زور) و طلمبة المية سليمة و الميه مش بتنقص بمعدل كبير من الراديتير و المروحة شغاله كويس و مش عايز أقلل الثرموستات لأنها كانت كويسة بنفس الثرموستات دي قبل كده!!!

في واحد أقترح اني أحط شوية خل و زيت باكيم (زيت فرامل) في الراديتر و أدور العربية علشان تنضف أي مواسير مسدوده في دورة المية... أيه رأيكوا؟؟؟

**Mohamed-Saoud** · 02-07-2008 01:47 PM

ليه كده ما حدش رد ؟؟؟؟؟؟؟؟؟؟
لوسمحتم اللي عنده معلومه يقولها علشان الكل يستفاد مش أنا بس.

**shoudy2005** · 02-07-2008 02:53 PM

متهيألى الردياتير ال2 مسورة فى الحر بتاع اليوميندول ماينفعش انا كان عندى 2 مسورة و كان شغال كويس لحد ما الحر بقا لا يطاق و لما بقف فى اشارة درجة الحرارة بتوصل ل120 فغيرته ل 3 مسورة اصلى من التوكيل و دلوقتى لو واقف فى اشارة مبتعديش 85 ده اول حاجة تانى حاجة الترموستات اللى عندك رقمه كام؟ على فكرة الصيف ده حر بكتير عن الصيف اللى فات فممكن المشكلة ده مكنتش بتظهر غير اليومين دول و بليل الجو بيبقى معقول فالحرارة بتبقى طبيعية لازم تلحق تعالج المشكلة احسن المكنه تروح فيها

**Mohamed-Saoud** · 02-07-2008 03:22 PM

شكرا لردك... بس التغيير لرايتيير 3 ماسورة هايكون أخر حل ألجأ ليه.
الثرموستات بتاعتي اللي هي في الrange بتاع 80-90 و كان في مناقشة قبل كده مع سبعاوي على الحكايه دي و برده مش عايز أعملها غير لما أعرف السبب الحقيقي للمشكلة.

أنا على العموم عايز أنضف المواسير علشان ممكن تكون مسدودة بس حكاية الخل و زبت الفرامل دي صح و لا لأ؟؟؟

**aliabutaleb** · 02-07-2008 04:37 PM

إن شاء الله الموضوع يتحل على خير

بس ابقى بص على الموضوع ده

صيف ساخن جداً مع الـ 128

كان فيه نصايح كويسة يمكن تطلع منها باستفادة

**Mohamed-Saoud** · 02-07-2008 05:00 PM

شكرا يا علي جدا... الsearch هنا بيكون صعب يطلع اللي انت عايزه لأن المواضيع كتيره و متشعبه.

طب ممكن أعرف أنت عملت ايه علشان تحل المشكلة بتاعت عربيتك؟ و لا المشكلة لسه موجودة؟

**aliabutaleb** · 02-07-2008 05:10 PM

المشاركة الأصلية كتبت بواسطة Mohamed-Saoud

شكرا يا علي جدا... الsearch هنا بيكون صعب يطلع اللي انت عايزه لأن المواضيع كتيره و متشعبه.

طب ممكن أعرف أنت عملت ايه علشان تحل المشكلة بتاعت عربيتك؟ و لا المشكلة لسه موجودة؟

انا طلع عندي مصيبة مش مشكلة
الا وهي ان كان فيه شروخات في الموتور نفسه بتقلل المياه وبالتالي بتسبب السخونة
وللأسف المشكلة لم أجد لها حل إلا تسقيط موتور جديد لها
وبصراحة بعدها العربية ماشاء الله لا قوة الا بالله بقت زي الفل خصوصاً إني قبلها اطمئنيت على كل اللي الأخوة لفتوا نظري إليه في الموضوع اللي الرابط بتاعه محطوط في مشاركتي اللي قبل دي

**Mohamed-Saoud** · 03-07-2008 12:31 AM

أوووف شرخ في الموتور؟!!!! يلا كويس أنك غيرته و الحمد لله ال128 حنينه جدا في الصيانة الصراحة.

أنا شكلي كده يا علي هاغير الراديتيير ل3 ماسورة لو حكاية تنظيف المواسير دي محسنتش الأداء لأن فعلا درجات الحرارة دلوقتي غير 10 سنين فاتوا... سلام

الموضوع: الى خبراء ال128 ... أرجو المساعدة

LinkBack

أدوات الموضوع

عرض

الى خبراء ال128 ... أرجو المساعدة - انشر الموضوع فى :

-

-

-

-

-

-

المواضيع المتشابهه

أرجو المساعدة من خبراء الموتوسيكلات

أرجو المساعدة من خبراء الشيفروليه

الى خبراء البيجو 305 أرجو المساعدة

أرجو المساعدة من خبراء اللانوس

أرجو المساعدة من خبراء الماتريكس

الكلمات الدلالية لهذا الموضوع

المفضلات

المفضلات

ضوابط المشاركة