الموضوع: مابعد شراء الماروتى

المشاركة الأصلية كتبت بواسطة axel

الف مبروك مقدما

انواع الزيت فيه شيل كويس ناس كتيير مريح معاهم العربيات و فيه فيسكو بس شايف فيسكو في الشتا اجدع شوية بس خليك في الشيل و عند شيل الاسفر بيقعد 5000 متخليش الزيت يقعد اكتر من كده ده لمصلحة الموتور طبعا

بالنسبة تعمل ايه انا عامة مهما صاحب العربية يقولي انا عامل و عامل اللي يدخل من الودن ديه يخرج من الودن ديه ببدأ مع العربية زي ما تقول صفحة جديدة عشان ابقي ماشي معاها خطوة خطوة

-اولا تغير زيت الموتور و الفلتر و خلي بالك زي ما مسحراتي قالك 3 لتر الا ربع بالفلتر عشان فيه انس بتحط 3 لتر و يقولك كله بيحط كده قوله انا عارف عربيتي بتاخد اد ايه عشان لو حطلك زيادة ممكن يعرق ع البوجيهات و يضربلك الجوانات

-تغير زيت الفتيس عندك موبيل و شيل تحط لزوجة 90 و اوعي تزود من الاسطوانة البرتقالي لأنها عبارة عن شحم ع زيت عربيات و بيخرب الفتيس او حد يقولك زيت الفتيس مبيتغيرش و بيتزود ده غباء ازلي اللي يقولك كده و كمان معني ان زيت الفتيس ينقص ده معناه ان فيه تسريب
انم يحطلك من علبة اتفتحت قدامك عشان تبقي مطمن و سعر لتر زيت فتيس موبيل لزوجة 90 اخر مرة كان 24 ج اللتر الفتيس تقريبا بياخد لترين و ربع

-تغير سير الكاتينة و تشوف بلية الشداد او بلية الكاتينة الاتنين اسم لنفس الشئ لو خشنة تغيرها لأنها لو لا قدر الله خشنة ممكن تقفش و تقطع السير و تجيبلك كاتينة

-شوف سير الدينامو لو حالته كويسة خلاص لو محتاج يتغير غيره كله بـ10-15 ج

- شوف البوجيهات و حالتها لو تعبانة غيرها و كذلك الابلاتين و الكوندينسر

- فلتر البنزين غيره و اوعي ميكانيكي يقولك مفيهاش فلتر بنزين اللي يقولك كده اعرف انه لا مؤاخذة ميكانيكي حمارأنا مقدر مدى الغيظ من الميكانيكية اللى مش فاهمين شغلهم واللى ماليين البلد بس كدا عيب :) مفيش عربية مفيهاش فلتر بنزين و الفلتر هتلاقي تحت العربية قدام العجلة الشمال اللي ورا ناحية السواق هو فعلا مافيش عربية مفيهاش نظام فلترة بنزين بس فيه عربيات كتير مش بتغير فلتر بنزين
و شوف فلتر الهوا اذا كان محتاج يتغير
طيب أعرفه أزاى مهو عادى بيتنظف بالهواء أمتى أحس أنه عايز يتغير بصرف النظر عن عدد الكيلو مترات اللى قضاها ؟
- غير زيت الفرامل بزيت بيندكس بمعني ينزلك كل الزيت اللي في الدورة و ينضفلك العلبة و تحط زيت جديد لأن زيت الفرامل بيتغير كل سنتين لأنه بيفقد خواصه و بيلم شوائب و رطوبة

- مية الريداتير كذلك لو لقيتها غامقة غيرها لأنها بتتغير كل سنتين برده و حط تلت ارباع الريداتير مية خضرا و الباقي مية مقطرة

- البطارية اوعي تنساها لو سائلة و تعملها صيانة

- بص ع حالة الكاوتش

- شوية حاجات دلع بقي ربط العفشة و ظبط زوايا و رصص الكاوتش لو محتاج
و ربط اي مسامير في العربية و زييت مفصلات الابواب
نضف البوابة و الكربراتير
و بص ع اللمبات كلها شغالة

بس معتقدش فيه حاجة تاني و ظبط بقي العربية بعد كده كماليات و اكسسوارات زي ما انت عايز


فيه حاجة مهمة هقولك عليها اوعي تخلي الميكانيكي يقلبك في قطع الغيار اللي تغيرها و خاصة لو فبريكة اي حاجة تغيرها للمرة الاولي شيلها في البيت احتياطي و في نفس الوقت عشان تجيب عليها القطع بعد كده بدل ما تفك العربية و تروح تدور عليها لأ تشيلها في البيت اما اي قطع بعد كده خلاص عايز ترميها عايز تدهاله انت حر لأن الميكانيكية بيعملوا حركة صياعة يقلبوا قطع الغيار ياما يستخدمها في عربيات تانية تبعهم ياما يبيعوها لبتوع الحديد اللي بيعدوا عليهم

شئ اخير عايز قطع غيار اصلية و نضيفة يبقي اكرم حمدي في ش دمشق بس اسعاره عالية لكن حاجته نضيفة مش مضروبة يعني عايز اي حاجة تقيلة زي دبرياج سير كاتينة اي حاجة شديدة يبقي اكرم حمدي
اما باقي الحاجات الخفيفة ممكن من احمد حلمي او التوفيقية سوزوكي سنتر او من اكرم حمدي و خلاص
و فيه موضوع مثبت في القسم فيها اسعار اغلب قطع غيار العربية

و في انتظار تقرير عن العربية ان شاء الله :)

جبت من الآخر والكلام دا مع كل العربيات :018a1d~146: