الموضوع: استفسار سريع بخصوص شراء سيارة

السلام عليكم
معروض عليا نيسان صنى 2003 كاملة اوتوماتيك المبلغ 58000 جنية
المواصفات :
1300 cc - يابانى بالكامل - رشه من الخارج بالكامل - فابريكة دواخل بالكامل - الحالة العامة فوق الممتازة تكاد تكون زيروووو ( موتور- عفشة- فتيس)
كاوتش جديد - بطارية جديدة - انذار- وحدة رفع ارفع ابواب
العيوب :
1) عداد عالى 210 الف كيلو
2) خبطة من الخلف اعتقد انة دخل فى رصيف لكن الستارة الخلفية سليمة و سمكرة على البارد فى الجانب الايمن جزء لا يتعدى 15 سم اعلى بيت الاستبن

فى مجموعة اسئلة كنت ارغب فى اجابتها ؟
1)هل السعر دا مناسب مع توضيح ان السيارة لا تحتاج مليم مصاريف
2) هل الفتيس هو نفس فتيس المودلات اللى بعده وهل يوجد به فلتر ام لا
3) افضل زيت للموتور وللفتيس
4) افضل محل لبيع قطع الغيار فى فيصل او الهرم ولو فى ميكانيكى بيفهم كويس فى النيسان

شكرا واسف للاطالة

اية يا جماعة
حد يرد السلام حتى

اية دا
فين رجالة النيسان
26 مشاهدة ومفيش رد واحد

المشاركة الأصلية كتبت بواسطة youssef.awad

بصراحة رأيى انك تشوف حاجة غيرها افضل لأن الكيلومتر عالى والسعر كمان فيه كلام ومش مغرى بالنسبة لى مع حالتها
الافضل تزود مبلغ بسيط وتجيب حاجة بحالة احسن وكيلومتر اقل وبلاش التفكير فى جانب الاقتصاد فى استهلاك البنزين فقط لا غير عشان موتورها 1300 سى سى يعنى
والاهم هو الحالة وموضوع مصاريف من عدمه ده امر نسبى .. الله اعلم صاحبها كان اول يد ولا اتباعت كام مرة - عمل صيانات فى التوكيل ولا لأ - العفشة سليمة ولا لأ - فتيس سليم ولا لأ - تكييف اخباره ايه -
سيبك من البودى الخارجى .. ممكن تكون من برة حلوة اوى ومن جوة ما اتغيرلهاش اى حاجة غير زيت وفلتر وتيل وبس ..

انا مبفكرش فى البنزين بس دى اللى قدامى وعلى قد فلوسى
والحالة ممتازة زى ما قلت قبل كدة تكاد تكون زيرو وهى ثانى يد يعنى انا الثالث والتكييف ممتاز

المشاركة الأصلية كتبت بواسطة fbiahmed

50000 حلو عليها الموتور بيعمر على 350000 - 400000 حط ده في اعتبارك

يا اخى لاتبخسوا الناس اشياءهم
العربية بتعمل 65 الف تخليها بـ 50 الف علشان عداد عالى