الموضوع: زيارة فى السريع الى مرسى مطروح

يوم الاتنين روحت مرسى مطروح اتحركت من القاهرة من زهراء مدينة نصر الساعة 5 الصبح روحت المعادى اخدت زميلى وطلعت على اسكندرية الصحراوى وبعدين العلمين او وادى النطرون الى مطروح وصلت الساعة 10 الصبح

طول الطريق تقريبا ماشى على 140 ما عدا وصلة من بعد مارينا الاسفلت مش كويس مشيت فيها 100- 120 من ساعة ما اتحركت والحرارة على 90 طول الطريق ولما زادت بقت 91-92 ومطولتش رجعت تانى على 90

زميلى قاللى جرب التكييف على الطريق السريع ونشوف ايه اللى هيحصل وجربته فعلا ووصلت الحرارة ل 98 فى ربع ساعة تقريبا وبعدين طفيته تانى

جوا البلد برضه فضلت الحرارة على 88-90

يوم الثلاثاء امبارح اتحركت من مطروح الساعة 1 ظهرا ومشيت مسافة كبيرة على 140 الحرارة كانت على 92 ولما زودت السرعة ل 150-160 وال rpm وصل 3.5-4 وصلت الحرارة ل 98 وبمجرد ما هديت السرعة ل 140 تانى رجعت الحرارة على 92 وطبعا كل ده من غير تكييف (من الساعة 1 ظهرا لغاية 7 مساءا) وبصراحة الجو كان جميل جدا ومكنش حر يمكن لو كان حر شوية مكنتش الحرارة ثابتة على 92 وزادت

المشكلة الوحيدة كانت فى صوت الهوا الشديد وانا فاتح نص الازاز عملى صداع فى الاخر

ودى صورة للبحر لانه طلب يتصور معايا ومرضيتش اكسفه