الموضوع: وش السلندر

المشاركة الأصلية كتبت بواسطة tananybasha

هو الوش اتاكل و لا اتكسر عشان تغيره

الوش قفع كان حصل عندى مشكلة من طلمبة المية وغيرتها وربنا بقى يسامحه الصنايعى مبصش على الماسورة بتاعتها الأسبوع اللى بعده وأنا مسافر على اسكندرية الزراعى العربية جابت وش سلندر وطلعت المشكلة ان الماسورة كانت منتهية واتسببت فى تسريب مية كامل جابت وش سلندر
جبت وش... الراجل فكه ادامى من المكنة ب 1000ج

الله يسامحه بقى مش عارف اللى اشتريت منه هو السبب ولا الصنايعى اللى قفل الوش
بعد ماركب يدوبك العربية مشيت مفيش 5 كم للبيت وباتت وتانى يوم رحت أغير الزيت والفلتر
بدور ....درات وسمعت صوت دربكة وبعدها منطقتش
روحت للميكانيكى اللى فك وركب اكتشفت ايه بقى صباب اتكسر خبط فى بستم كسر البيل والبستم خبط فى الكرنك عوجه
طلمبة ميه هيبو ألمانى 175ج
سير كاتينة 85ج
سير دينامو 50 ج
مخرطة لعمل الماسورة 100ج
زيت (بترومين) وفلتر 75 ج
مصنعية 150 ج

يا إلــــــــــهـــــــــى
مش عارف بقى الموضوع ده بقى عيب من الصنايعى اللى ركبه ولا عيب فى الوش نفسه

المهم الموضوع بقى دخل فى عمرة طبعاً
أنا كان عندى كرنك قديم استاندرد طلعته بقى وخرطته 010
وكان عندى برده 3 بستم لأن الموضوع ده حصل معايا قبل كده وبستم اتكسر برده(حظى حلو بقى)
جبتهم وجبتلهم طقم شنبر وطقم السبيكة ركب عليهم عشان الكرنك اللى كان راكب كان مخروط 010
وعملت شمايز جديدة
نسيت ...وش السلندر القديم وديته المخرطة زوده ولحمه وكشطه

خراطة الكرنك والشمايز 400ج
تزويد ولحام وكشط وش السلندر 280 ج
ملو أسطوانة الدبرياج (لوك) 50ج الديسك كان سليم
طقم شنبر كوفاب برازيلى 220ج
طقم جوانات كامل 200 ج
زيت موتور 4 ك إسو 68 ج
زيت فتيس 1.5 ك 20ج
زيت باور عادى علبتين ب 20 ج
طقم بوجيهات بوش 55 ج
4 عبة سليكون 32 ج
جوان لوش الكامة 20ج
وفى الطريق بقى
راس كوبلن داخلى يمين استيراد ب 180 ج
شبكة نيكل كانت مكسورة ب 75 ج
شجرة تكييف تايوانى 210 ج
خرطوم باور استثمارى ب 230ج

بص أنا مش هجمع احسب بقى وده كله بسبب غباوة صنايعى وهو بيغير طلمبة الميه مبصش على ماسورتها اللى جرت وراها البلاوى دى

عامة قدر الله وما شاء فعل