سؤال عايزلة اجابة لو سمحتو؟

**ahmed sadek** · 13-09-2012 01:21 AM

واحد صاحبي اشتري عربية نيسان صني 2007 لونها اسود سوبر صالون , المهم كان في عربية حكت فية من ناحية الرفرف وسابت بقايا بوهية . المهم انا جبت حتة قطنة باسيتون وطلعت البوهية اثار الحكة , وانا فاتح الكبوت قلت اجرب حوا في الدواخل علي الشنب والكارتيرات من جوه والكبوت من جوه لقيت البوهية بتطلع في القطنة!!!!!! استغربت جامد . المهم جربت في العربية كلها من بره مافيش بوهية بتطلع وجربت في القوايم من جوع مافيش بوهية بتطلع وحربت في الشنطة لقيت البوهية طلعت!!!!! بس مش بنفس الدرجة بتاع الكبوت والشنب ؟؟ اية دا وسببة اية ؟؟ هل حد حرب الحكاية دي في عربية تيسان ولقاها كدا؟

**FBIAhmed** · 13-09-2012 01:43 AM

الحتت الي قريبه من الحراره زي الكبوت و الشنب و الشنطه من عند الشكمان هتلاقي البويه فيها بتتأثر بحرارة الاماكن دي فبتبقى اضعف من غيرها

تحياتي

**hossam_elwani** · 13-09-2012 01:52 AM

اعتقد ان البويه الخارجيه مضاف عليها ورنيش ومصلب وده بيساعد على عدم تأثير اى ماده عليه بسهوله لكن فى الكبوت والشنب من الداخل مافيهوش الاضافات دى يعنى عمرك شوفت حوض موتور بيلمع لمعة البويه الخارجيه

وبعدين ياراجل انت جايب اقوى مذيب وبتجرب بيه ده اقوى من الثنر

**ahmed sadek** · 13-09-2012 02:24 AM

المشاركة الأصلية كتبت بواسطة hossam_elwani

اعتقد ان البويه الخارجيه مضاف عليها ورنيش ومصلب وده بيساعد على عدم تأثير اى ماده عليه بسهوله لكن فى الكبوت والشنب من الداخل مافيهوش الاضافات دى يعنى عمرك شوفت حوض موتور بيلمع لمعة البويه الخارجيه

وبعدين ياراجل انت جايب اقوى مذيب وبتجرب بيه ده اقوى من الثنر

طيب حضرتك ممكن تجرب عندك وتقولي النتيجة اية؟؟

**Youssef.Awad** · 13-09-2012 02:52 AM

فعلا طبقات الدهان والبطانة للدواخل غير الخوارج ..
واغلب دواخل العربية يتم دهانها بنظام الغمر فى احواض (الالبو) وليس بالرش مثل الخارج
فطبيعى جدا يكون سمك الدهان رقيق وليس سميك
كما ان الاسيتون فعلا مذيب قوى للالوان
والافضل منه لازالة اثار الاحتكاكات بدون تأثير قطنة مبللة بتنر مخفف