نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل

**Egyzizo** · 23-02-2013 01:25 PM

ممكن ، وممكن لأ
لاحظه كويس فى الفترة القادمة

**Galilioz** · 23-02-2013 03:18 PM

المشاركة الأصلية كتبت بواسطة egyzizo

ممكن ، وممكن لأ
لاحظه كويس فى الفترة القادمة

طيب ممكن الواحد يتاكد ازاى وخاصه زى ما قولت لحضرتك انى باقى ليه شهرين ونص على انتهاء الضمان وانا متابع الصيانات الدوريه فى التوكيل

**م.محمد علاء** · 23-02-2013 03:29 PM

للمعلوميه فقط...
ما يحدث عند تغيير اي شىء في الضمان لا يتحمل كل من المالك أو حتى الوكيل أي شىء..
لأن اللي بيحصل إن اللي بيتحمل كل ده هو المصنع..
و بييجي فاتوره للوكيل على حسابه..
بقيمة كل من ..قطعة الغيار المستبدله..
و قيمة المصنعيات للفنيين اللي إشتغلوا في العربيه نظير عملهم مثلا ساعه او إتنين.
و ده طبقا لجدول بيحدد مدة العطل و الزمن اللي ياخده الفني في الإصلاح..
و بكده بيكون الوكيل كسبان بردو..
أنا شغال في توكيل عربيات نقل أمريكاني..
أحلى شغل شغل الضمان على فكره لأن التسعيره المتفق عليها بتكون شامله كل حاجه
إنتقالات- بدلات-بدل إهلاك للسيارة الصيانه

**Sh_sunsea** · 23-02-2013 05:38 PM

هو احد تأثيرات ان البوابة تبوظ انه rpm يبقى بيتحرك على السلانسيه وواطي ل 500 ويطلع وينزل عنها كأن العربية هاتطفي

علما بما ان العربية لسه عاملة صيانة 60

**Egyzizo** · 24-02-2013 03:07 AM

المشاركة الأصلية كتبت بواسطة Galilioz

طيب ممكن الواحد يتاكد ازاى وخاصه زى ما قولت لحضرتك انى باقى ليه شهرين ونص على انتهاء الضمان وانا متابع الصيانات الدوريه فى التوكيل

لاحظ الـ rpm وانت ماشى ، لو بيزيد لوحده بدون ضغط دواسة البنزين أو لو العربية بتبطل منك يبقى دى عيب البوابة.

**Katkout** · 25-02-2013 12:33 AM

عربيتى لوجان 2012 حصلت معايا فى 10000 كم برجلة فى السلنسيه والعربية تبطل و أنا متأكد انه عيب صناعة و لكن لاحظت انه يظهر أكثر فى الصيف فى درجات الحرارة المرتفعة وفى توكيل الرحاب قالى أعملك صيانة لكن تغيرها فى المقطم اختفى العيب قى الشتاء وأنا مستنى الصيف علشان أغيرها الغريبة انى لاحظت انهم بيماطلوا فى تغييرها رغم انى مواظب على الصيانة فى فرع الرحاب وأنا دلوقتى 24000 كم

**Galilioz** · 04-03-2013 12:32 PM

المشاركة الأصلية كتبت بواسطة egyzizo

لاحظ الـ rpm وانت ماشى ، لو بيزيد لوحده بدون ضغط دواسة البنزين أو لو العربية بتبطل منك يبقى دى عيب البوابة.

هو وانا واقف احيانا الاربى بينزل عن ال500 بالذات وانا بطلع بالعربية بتكركر وينزل عن ال500 وبرضوا وانا نازل من على مطب لاحظتها مره بينزل عن ال500 برضوا

**heldin_67** · 24-03-2013 10:05 AM

شكرا علي المعلومه القيمه و يا ريت كل أعضاء المنتدي المحترمين يعملوا مثلك

**engziada** · 27-04-2013 03:05 AM

طيب يا جماعة أنا خلصت الضمان بتاعي من سنة تقريبا .. و الموضوع بتاع زيادة الـ rpm ده بدأ يتكرر كتير .. دلوني أعمل إيه بالتفصيل .. أغير بوابة كاملة و لا في حل تاني أرخص ؟ و لو هاغير بكام و منين ؟

**Egyzizo** · 27-04-2013 07:16 AM

المشاركة الأصلية كتبت بواسطة engziada

طيب يا جماعة أنا خلصت الضمان بتاعي من سنة تقريبا .. و الموضوع بتاع زيادة الـ rpm ده بدأ يتكرر كتير .. دلوني أعمل إيه بالتفصيل .. أغير بوابة كاملة و لا في حل تاني أرخص ؟ و لو هاغير بكام و منين ؟

للأسف مافيش تجارب كافية فى الموضوع ده ..
كنت قريت ان زميل عرف يجيب ايدل كونترول من خارج التوكيل فى اسكندرية وكلفه 200 جنيه.
لكن بصفة عامة أغلب محاولات العثور على بوابة أو ايدل خارج التوكيل لم تنجح.

التوكيل بيغير البوابة على بعضها ، وسعرها كان 1400 فى شهر 12 اللى فات (قبل انهيار الجنيه) .

مشاهدة نتائج الإستطلاع: بخصوص خلل البوابة (العربية بتبطل ، أو الـ rpm بيعلى لوحده)

الموضوع: نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل

LinkBack

أدوات الموضوع

عرض

-

-

-

-

-

المواضيع المتشابهه

كارثة بجد محتاجة الخبراء (تغيير البوابة بعد التنظييف )

زنة فى البوابة

تجربة تغيير كوعة المياه و تنظيف دورة المياه و البوابة لe46 318i M43 engine بالصور

تغيير حساس البوابة لنوبيرتى

البوابة

الكلمات الدلالية لهذا الموضوع

المفضلات

المفضلات

ضوابط المشاركة