الموضوع: الايريال وال modulator

لا مبيأثرش على الصوت خالص انا كان عندى الايريال مكسور وبرضه بيلقط ولما اتصلح الايريال نفس الصوت برضه
نصيحة منى متشتريهوش الصوت بتاعه وحش جدا تحس ان البيز بيسحب الصوت من السماعات - ده اللى اقدر اقولهولك

انا عندى كويس وانا مش عندى اريل خالص لانه مكسور وهو ملوش علاقه بالاريال
لو عايز تجربه الاول وساكن قريب من جسر السويس او مدينه نصر قلى وانا اخليك تجربه الاول

أنا جايبه وصوته ممتاز مفيش لا وش ولا زنة والبيز والصوت تمام وأحسن حاجة فيه انه بيشتغل بكارت ميموري يعني مش هتحتاج لا شرايط ولا غيره يعني كارت ميموري كبير هيغني عن 100 شريط ، ومش هيفرق خالص لو عندك اريال أو مش عندك عشان هو ارساله قوي ولما بيكون راكب في الولاعة الكاسيت قريب منه فبيلقط على طول وإرساله أقوى من اي محطة راديو فصعب يحصل تداخل كمان .

والله اصلا انا اتعقدت منه ورميته فى الدولاب
انا جربته عندى على كاسيت العربية الكلاريون وصوته مش قد كده
ايوه صحيح هو صوته نقى بس زى ما قلتلكم تحس ان البيز غبى بيخطف الصوت من السماعات وبقلل البيز على الأخر ومفيش فايده
ياريت اللى جرب يقول النوع ايه عشان فى انواع اصلا فيها Eq زرار موجود فى الريموت زى الإنفنتى والجيجا ماكس

المشاركة الأصلية كتبت بواسطة mody_2002_mody

والله اصلا انا اتعقدت منه ورميته فى الدولاب
انا جربته عندى على كاسيت العربية الكلاريون وصوته مش قد كده
ايوه صحيح هو صوته نقى بس زى ما قلتلكم تحس ان البيز غبى بيخطف الصوت من السماعات وبقلل البيز على الأخر ومفيش فايده
ياريت اللى جرب يقول النوع ايه عشان فى انواع اصلا فيها Eq زرار موجود فى الريموت زى الإنفنتى والجيجا ماكس

انا جربت النوع اللي اسمه
Infinity Car FM Transmitter IFM-4001
وصوته ممتاز وستريو والصوت والبيز تمام ، وهو فيه زرار إكواليزر ، وأنا مشغله على كاسيت العربية الأصلي بتاع اللانوس.