حرارة العربية - ارجوا الرد بسرعة

**prs_eg** · 15-09-2012 02:10 AM

ارجو منكم تحملى وقراءة الموضوع جيدا قبل ما اروح للميكانيكى ..... المياه بتنقص عندى من زمان وغيرت كل حاجة طلمبة مياه ورادياتير وقربة وغطاها وكام كوعة المهم كانت المياه لسه بتنقص وبزودها وخلاص .. من 3 ايام لقيت مؤشر الحرارة بيرفع اكثر من النص ولما اشوف المياه الاقيها ناقصة .. (((الشئ المهم )))) لاحظت حاجة جديدة .. المياه لما بزودها والعربية دايرة مش بتمشى فى دورة التبريد --- يعنى فكيت خرطوم المياه الخارج من الرادياتير للقربة وبدأت ازود المياه فى الأول لما ازود المياه تمشى فى دورتها ويطلع من الرادياتير مياه بعد كده لاقيتها ((((قفلت)))) وبطلت تطلع والقربة زادت فيها المياه حتى خرجت منها ولما طفيت العربية المياه بطلت تخرج من القربة وقل منسوبها جداً .... الموضوع ده حصل اكتر من مرة لحد الآن .. انا اتصلت بالميكانيكى وشرحت له اللى بيحصل وقلت له هل ده ممكن يكون ثرموستات الكوعة -- قاللى ان ده ممكن يكون جوان وش سلندر -- بس انا الزيت شكلة كويس والمياه كمان ما فيهاش اى زيت ... ؟؟؟

**E_medo77** · 15-09-2012 02:30 AM

المشاركة الأصلية كتبت بواسطة prs_eg

ارجو منكم تحملى وقراءة الموضوع جيدا قبل ما اروح للميكانيكى ..... المياه بتنقص عندى من زمان وغيرت كل حاجة طلمبة مياه ورادياتير وقربة وغطاها وكام كوعة المهم كانت المياه لسه بتنقص وبزودها وخلاص .. من 3 ايام لقيت مؤشر الحرارة بيرفع اكثر من النص ولما اشوف المياه الاقيها ناقصة .. (((الشئ المهم )))) لاحظت حاجة جديدة .. المياه لما بزودها والعربية دايرة مش بتمشى فى دورة التبريد --- يعنى فكيت خرطوم المياه الخارج من الرادياتير للقربة وبدأت ازود المياه فى الأول لما ازود المياه تمشى فى دورتها ويطلع من الرادياتير مياه بعد كده لاقيتها ((((قفلت)))) وبطلت تطلع والقربة زادت فيها المياه حتى خرجت منها ولما طفيت العربية المياه بطلت تخرج من القربة وقل منسوبها جداً .... الموضوع ده حصل اكتر من مرة لحد الآن .. انا اتصلت بالميكانيكى وشرحت له اللى بيحصل وقلت له هل ده ممكن يكون ثرموستات الكوعة -- قاللى ان ده ممكن يكون جوان وش سلندر -- بس انا الزيت شكلة كويس والمياه كمان ما فيهاش اى زيت ... ؟؟؟

يا باشا اكيد ثرموستات الكوعة لانها كانت بتعمل معايا كده كان الرادياتير نصه بيبقى سخن ونصه بارد

**broadband** · 15-09-2012 05:34 PM

اوعى تشيل ترموستات الكوعه ....غييره لو بايظ و راجع اذا كان فيه بخار او تنقيط والعربية سخنة .. و اتاكد من ان الدائرة مضغوطة

**MMamdouh** · 18-09-2012 12:58 PM

انت بتحط مية من الحنفية... صح؟

MMamdouh

**prs_eg** · 12-10-2012 01:44 AM

انا زهقت فعلا من العربية دى ... الأول انا بشكر كل اللى رد على الموضوع ... وبعد الغياب الطويل ده هاحكى اللى حصل واكمل الموضوع .... فى الأول انا خليت الميكانيكى يغير الكوعة ويشيل ثرموستات الكوعة عارف فايدته وعارف انه غلط يشيله بس انا عاوز اتأكد انه السبب فى ارتفاع حرارة العربية .. فقلت للميكانيكى نشيله ونجرب لو العربية ما سخنتش نبقى نشترى واحد اصلى ونركبه ونجرب ...... المهم ركبنا الكوعة وشلنا الثرموستات ومشيت بالعربية ... فى نفس اليوم بالليل سخنت تانى ... والمؤشر كان قرب يوصل للعلامة الحمراء والمراوح بتشتغل .... وما فيش فايدة ... رحت للميكانيكى تانى يوم قالى خلاص لازم جوان وش سلندر ... ماشى ياعم ... غير الجوان وكام كوعة منهم كوعة معدن بالخلف وقفل الدنيا ومشيت بالعربية فى نفس اليوم سخنت تانى ... بس كانت بترفع فوق النص وبعدين ترجع تانى وهكذا .. رجعتله وجرب العربية و قالى بص المراوح مش بتشتغل الا بعد ما المؤشر يعدى النص يبقى السبب ثرموستات المياه ... ماشى الكلام ده كان بالليل متأخر واضطريت اشترى اى ثرموستات شكله غريب .. المهم العربية مشيت تمام والمؤشر تحت النص .... لسه .... باقى الحكاية ان العربية ما زالت بتنقص مياه حوالى كوب او اثنين كل 3 أو 4 ايام يعنى يتنقص ... كمان العربية امشى بيها مهما امشى فى الزحمة والحر مش بترفع للنص لكن لو شغلت التكييف بعد نصف ساعة ترفع الحرارة فوق النص ليه مش عارف ......؟؟؟؟؟؟؟
ملحوظة : الحاجات دى غيرتها فى العربية ... الرادياتير - القربة - الغطاء - طلمبة المياه - تقريبا كل الأكواع بتاع الميه - طبب الفرن - جوان وش السلندر ..... ناقص إيه اغيره ؟؟؟؟

**mado_xxx** · 12-10-2012 04:27 AM

خدت الهوا بتاع دورة التبريد

**MMamdouh** · 14-10-2012 12:38 PM

المشاركة الأصلية كتبت بواسطة prs_eg

اولا انا بشكر حضرتك على الرد ،، وياريت حضرتك تكمل قراءة اللى حصل معايا فى ( هاكتبة بعد شوية) ،، فعلاً ده صحيح انا بستعمل مياه الحنفية لأن انا جربت مرتين احط مياه خضراء وكل مرة تنقص وتخلص بسرعة فمش معقولة اننى اشتر جركن كل يومين.

مهو عشان كدة لازم الاول تكبس دورة التبريد و تعرف التسريب منين و بعدين تعالجة و فى الاخر تحط ميه خضراء

و حسب اللى كتبتة تحت انت محتاج ميكانيكى كويس يحدد العيب صح و يعالجة لان واضح ان اللى فات دة كلة نظام trial and error

MMamdouh