الموضوع: صور - فيديو - اخبار .. اي حاجة يا اسبيرانزاويه . كفايه نوم و صحصح معايا يا عم الحج

كان نفسي اعمل تقرير عن استلام عربيتي الا اني ملحقتش اصورها لان ربنا بعتلي بعد ما استلمتها ب 10 ايام (تالت يوم العيد) واحد خبطها على باب البيت ومكنتش لسا حتى خلصت الالف كيلو
عربيتي شيري 2011 (ستوك وهي هي ال 2012)

آدي صور من الحادثه

خرجت من البيت لقيت المنظر ده:



ودي العربية اللي خبطت عربيتي


البيت جاي على منزل وهوا نازل (على كلامه) ان المرايه الداخليه وقعت لوحدها فهو ارتبك والعربية حودت منه ومعرفش يسيطر عليها وجه خب عربيتي وطلع الرصيف خبط الشجره (شجرة زتون) ووقف بالظبط عالحيطه

عربيتي كنت رافع الهاند ومعشقها عالاول
نطت نط من عالشارع عالرصيف...



والحقيقه الحادث ملابساته غريبه ومتفهمش حصل ازاي خالص لكن الحمد لله اللي بتيجي على قد كده انا قلت العربيه راحت وخفت يكون الشاصيه حصله حاجه والعفشه قلت الله المستعان مش قادر افهم ازاي نطت العربيه وطلعت الصيف اللي لا يقل ارتفاعه عن 20 سم



انا خرجت سألته سؤال واحد... حضرتك مأمن؟؟
قالي مأمن للغير

قلتله الحمد لله حمد لله على سلامتك

انا مأمن شامل كده كده لان العربية اقساط
لكن هنا التأمين للغير اجباري
يعني تأمينه هيتحمل كافة تكاليف الصيانه لو فيه ضرر بالشاصيه او نقصان قيمه مطالبين بتعويضك

اما عربيته فهو هيتحملها شخصيا...

صورة مقرب للاضرار...
فانوسين
صدام
الباب الخلفي للشنطه...
غير ان العربية من ورا دخلت شويه لجوه وهتحتاج تتشد...





اتصلنا بالمرور وجالنا بعد ساعه تقريبا عشان عيد

جه وعاين عمل الكروكي للحادث ودفعه غرامه واداني نسخة الكروكي عشان اخدها للتامين وسالني لو عايز اقاضي الراجل عن الاضار الماديه اللي في البيت (الشجره وباب البيت البراني اتخلع) قلتله لا

وبس وابتديت قصه المعاناة فيما بعد لما حت لشكه التامين وقالولي الكروكي مفهوش فانوس يمين وعدله واتسحلت 10 ايام بدون عربيه لحد اما فرجت واستلمتها من يومين بس مصورتها

التأمين كان ملتزم معايا بالاصلاح في التوكيل
في الاول قالولي هنصلح بره قلتله بقولك العربية مكملتش اسبوعين
قالي آسفين وهنصلح توكيل
التوكيل رحتلهم قبلها بيوم قلتلهم ابوس ايديكو مش عايز سمكره وتستبدل القطع تبديل (اقصد الباب الوراني لانه اتعوج واتبهدل

قالولي اطمن الباب هيتبدل وكله هيتغير وهترجع زي مكانت
والحمد لله طمنوني ان الشاصيه سليم والعفشه سليمه الحمد لله

تم تغيير الباب بالكامل
الفانوسين
الصدام بكل ملحقاته

وقلتلهم يشدو فرامل الايد لانها ارتخت مع الحادثه وانا راجل بركن على منزل يوميا

ملحقتش اصور العربيه بعد التصليح لكن الحمد لله رجعت زي ما كانت بنسبه 90% وال10 % دول طبيعي ان الواحد مش هياخدها ي مكانت
في فبره بلاستك خربشوها وباينه وقاللي معندناش بدالها للاسف
باب الشنطه الجديد مكنش مظبوط ولقيته مبيفتحش من جوه ورجعتلهم عليه وظبطوه الحمد لله


ودي قصتي مع عربيتي الشيري لحد دلوقتي وربنا يستر علينا جميعا ويكملها علينا بالستر...

تحياتي