الموضوع: بيدى لا بيد الميكانيكى

المشاركة الأصلية كتبت بواسطة hesham.h

أخواتى الحلوين جميع الأوبيلاويه الكرام .... تحياتى
أول تجربه أحب أنقلها ليكوا رغم إنى أوبيلاوى جديد هى :-
أول أما اشتريت العربيه من شهرين كل المشاكل اللى فيها كانت حاجات خفيفه
بس الحاجه الملحه كانت عطل بسيط فى المساحات وهو انها لما تشتغل وتيجى تفصلها كانت بتقف فى أى حته غير مكانها المعتاد
يعنى ممكن تقف فى نص البربريز
روحت لأخونا الصنايعى ... قاللى دا تايمر مساحات يا بيه ... غيره والعيب زى ماهو .... قلت الحمد لله لأنه كان حته بتاعه ملهاش لازمه قد البلحه وبيقوللى ب ٢٠٠ جنيه !!!!!
رجع قال انها عاوزه موتور جديد روحت منفضله واما روحت فكيت المساحات وشيلت الفبره اللى تحتها وعرفت ان العيب ان سلك من الاربع سلوك اللى داخله موتور المساحات مقطوع !!!!! هههههههههه والحمد لله فى خمس دقايق كانت المساحات فابريكه ....
انا عارف انها حاجه بسيطه بس انا حبيت انقلها يمكن تكون عند حد ومش عارفها
وبعد ما زهقت من ال abs وزهقت فادى معايا ( معلش يا عم فادى انا مزهقك معايا ) برضو نويت انى احاول اظبط الحساسات
ادعولى ربنا يوفقنى ويا رب نتفق اننا نحاول نشتغل بادينا
تحيااااااتى

تايمر مساحه هى ١٢٨ انتو بتروحو لناس فين اكتب اسم وعنوان الميكانيكى ده عشان نعمل قائمه بالتحف اللى فى البلد وبصراحه كويس انك مسبتوش يكمل اختراعات كان زمانو بعت جابلك مساحه من الهلال والنجمه وموضوع الأى بى اس ٩٠ ٪ الوحده الرئيسيه اللى ورا البطاريه يفضل تغير الزيت كلو وتجيب دوت ٤ وتفك كبل البطاريه وتجرب تانى وحساسات العجل اديها سبراى

الشكر لله وان شاء الله خير ... لا والراجل اسمو عادل اوبل كمان يا عينى عمتاً هنعمل قائمه للعباقره دول ونسجل كل موقف موثق بصاحب المشكله