نداء إلى Seatlover و Mohammed Ibiza

**mohamed ibiza** · 02-07-2008 04:13 AM

المشاركة الأصلية كتبت بواسطة Ahmed Samy

يا محمد احنا مش هنا علشان الادارة

احنا هنا علشان الحد ده

و الحد ده انا و انت و اخواننا الأعضاء

ركز يا عم علشان نشوف احتفالية الابيزا اللي لسة ماغيرتش مساعدين دي :)

الابيزا غيرت مساعدين الفابريقة بعد 12 و اللي اتحطوا بعدهم لسه فيها:):) هي دلوقتي بتلعب في 396 الف كيلو

انا بقالي 3 ايام مستلمها مشاوير

**mohamed ibiza** · 02-07-2008 04:25 AM

المشاركة الأصلية كتبت بواسطة Chicco

إيه يا عم محمد الكلام ده .....أرمي ورا ضهرك يا باشا .....الموضوع خلص خلاص و ما يستهلش أنك تسيب المكان و الناس اللي أنت بتحبهم عشانه

ألا بقى لو حاسس أن الابيزا ديه عربية أي كلام و ما تستهلش حد يحتفل بيها وسط أهله و صحابه

شيكو بينكشني هههه:) والله يا جماعة انا اضايقت بس من التصرف الصادر ضدي ليه يعني بس عموما انا بس محتاج كام يوم كده انسي التصرف اده و كمان سيات لافر لازم يبقي معايا و نتكلم في الحوار ده ولا انتوا رأيكوا ايه

**ashour** · 02-07-2008 04:40 AM

المشاركة الأصلية كتبت بواسطة Ahmed Samy

يا محمد احنا مش هنا علشان الادارة

احنا هنا علشان الحد ده

و الحد ده انا و انت و اخواننا الأعضاء

ركز يا عم علشان نشوف احتفالية الابيزا اللي لسة ماغيرتش مساعدين دي :)

انا بضم صوتي لرائي ا/احمد
لو قي أي أختلافات بينكم و بين الادارة.. فيا ريت متحرموناش من مشاركتكم و مواضيعكم..
و إن شاء الله الاجواء تصفي تاني.

**Chicco** · 02-07-2008 04:44 AM

خد وقتك يا محمد باشا بس ما تتأخرش..... يوم و لا اتنين و عايزين موضوع من بتوعك الجامدين .....و ما تنساش تغير التوقيع الكئيب ده .. عايزين حاجة مطرقعة :biggrinjester:

فينك يا سيات لوفر ......واحشني جدا جدا و محتاج رأيك ضروري:)

**Islam_galal** · 02-07-2008 08:13 AM

العودة . . . العودة

بسرعة بسرعة بسرعة

الموضوع مش مستاهل

**OlaOsman** · 02-07-2008 08:27 AM

عد يا سيات لافر.. عد لأخواتكم في المنتدى.. عد قبل شروق الشمس.. موعدنا شروق الشمس :)

ما ينفعش نسيب الدنيا و نمشي عشان حصل خلاف مع حد من المنتدى.. كده ما حدش هايشارك في أي حاجة.. كل عمل جماعي بيحصل فيه خلافات.. كده بجد ماحدش هايعمل حاجة.

**Ayman_Abdullah** · 02-07-2008 09:07 AM

المشاركة الأصلية كتبت بواسطة mohamed ibiza

رغم امتناعي عن المشاركة بس انا هرد هنا عشان خاطر الناس اللي سألت عليه شريف و احمد و شيكو الف شكر ليكو:)
انا عندي سببين للامتناع عن المشاركة الاول قرار لجنة فض المنازعات و ما صدر في حقي من انذار انا مش مقتنع بيه و فضلت الانسحاب بهدوء بدون جدل و مهاترات و مناقشات حول موضوع مش هيجيب نتيجة انا حسيت انهم مش عايزيني فأنسحبت بهدوء بصراحة حسيتهم بيقولولي امشي فمشيت بدون مناقشات
والله انا بحب المنتدي و بحب الناس و بحب قسم سيات و احب افيد الناس و صعبان عليه المجهود اللي بذله سيات لافر و انا في احياء قسم سيات بعد ما كان ميت بصراحة انا مكنتش متوقع كده من الادارة انها تعمل معايا كده خصوصا اني مكنتش بتاخر عن حد و بدي بكل جهدي و اي حد بيسأل مبتاخرش ليه بقي القرار ده بصراحة انا مضايق جدا جدا جدا و رديت بس عشان خاطر الناس الكبيرة اللي سالت عليا ربنا يخليكوا ليا

يا باشا أعتبره إنذار فى ماتش كورة
يعنى مثلا ينفع لو أبو تريكة خد إنذار يقوم قايل للحكم مش لاعب و يسيب الماتش و يمشى ويقول مثلا انا اللى جبت كاس أفريقيا!!

**Yarisawy** · 02-07-2008 09:49 AM

خلاص يا جماعة بقى ... صلوا على النبى ...ذى ماكان معاذ قال ده مطب الناس فى المنتدى كلها عدت عليه فى اللى اتخبط واتعور وهو ملوش ذنب اصلا

ارجعوا عشان الناس بقى

ارجعواااااااااا