للخبراء فقط : فيكترا 98 و لا كورسا 2005

**MEDO84EG** · 17-09-2012 10:10 AM

المشاركة الأصلية كتبت بواسطة ahmed_fahmy

هم الاتنين نفس المتور لكن الكماليات والاستحمال لصالح الفيكترا والفيكترا فيها abs الكورسا مفيهاش لو العربيتين نفس الحاله اشتري فيكترا طبعاً

اهو اللي انا شاكك فيه بدأ يبقي حقيقه
يعني الفيكترا 98 تعتبر فئه اعلي من كورسا 2005
بس هل يا تري الاقي فيكترا 98 حاله كويس و لا نادر و مستحيل
و تعمل كام تقريبا

**MEDO84EG** · 17-09-2012 10:20 AM

المشاركة الأصلية كتبت بواسطة kar!m

بما اني امتلكت العربيتين .. فأرشح لك الفيكترا.

ركوبه أحسن .. و قطع غيارها متوفرة أكتر بكتير من الكورسا .. بس لو لقيت حاجه نضيفه .. انت بتتكلم في عربية بقالها 15 سنة تقريبا لو موديل 1998 مثلا.

عيوب الفيكترا باختصار .. البوهيه بتاعتها بتكلح (نفس المشكلة في الكورسا) .. السقف بيسقط و الفرش بتاعها بيتبهدل بسرعة .. بتسخن أحيانا أو ممكن تقول محتاجة اهتمام كبير بدورة التبريد عشان متسخنش .. التكييف بتاعها مشاكلة كتير.

مميزات الفيكترا باختصار .. عربية مكتمة جدا .. ثبات وهمي .. صاج تقيل جدا .. قطع غيار متوفرة جدا و سعرها مناسب جدا.

لو تقدر تجيب الفيكترا 2000 - 2003 .. توكل على الله .. فيها عتب و شكلها شبابي أكتر .. و في منها أتوماتيك .. موتور ايكوتيك ممتاز.

ده ميمنعش ان الكورسا برضه عربية ممتازة .. و ده تقييم أنا كنت عامله ليها.

http://www.nilemotors.net/nile/290084-a.html

بصراحة لما قرات كلامك عن فيكترا قولت خلاص انت اخترت
لكن لما قرات موضوعك عن كورسا انا احترت

طب انت عربياتك الاتنين ( كورسا و فيكترا ) كنتش شاريهم مستعملين و لا حاه فيهم كانت زيرو

**kar!m** · 17-09-2012 02:12 PM

المشاركة الأصلية كتبت بواسطة medo84eg

بصراحة لما قرات كلامك عن فيكترا قولت خلاص انت اخترت
لكن لما قرات موضوعك عن كورسا انا احترت

طب انت عربياتك الاتنين ( كورسا و فيكترا ) كنتش شاريهم مستعملين و لا حاه فيهم كانت زيرو

الاتنين مستعملين .. الكورسا كانت موديل 2004 و كنت شاريها سنة 2010 .. كانت عاملة 65 ألف كيلو تقريبا .. بس كانت استخدام راقي جدا .. و كنت فضلت فترة أدور على حاجة نضيفة.

الفيكترا موديل 2002 .. و اشتريتها من شهرين تقريبا .. برضه استخدام راقي جدا .. و برضه فضلت فترة أدور على ما جبتها .. كانت سادس عربية أتفرج عليها.

عموما الكورسا أسهل انك تلاقي منها نضيف عن الفيكترا .. عشان موديلها لحد 2007 .. غير ان نسبة كبيرة من الناس اللي عندهم كورسا بتكون عربية تانية .. فبيكون استخدامها قليل.

يعني لو دققت و انت ماشي هتلاقي كورسا سيدان كتير لسه بالأكياس على المخادع اللي في الكنبة اللي ورا.

انت بس اصبر و متتسرعش لحد ما تلاقي حاجه نضيفة.

**MEDO84EG** · 17-09-2012 05:45 PM

المشاركة الأصلية كتبت بواسطة kar!m

الاتنين مستعملين .. الكورسا كانت موديل 2004 و كنت شاريها سنة 2010 .. كانت عاملة 65 ألف كيلو تقريبا .. بس كانت استخدام راقي جدا .. و كنت فضلت فترة أدور على حاجة نضيفة.

الفيكترا موديل 2002 .. و اشتريتها من شهرين تقريبا .. برضه استخدام راقي جدا .. و برضه فضلت فترة أدور على ما جبتها .. كانت سادس عربية أتفرج عليها.

عموما الكورسا أسهل انك تلاقي منها نضيف عن الفيكترا .. عشان موديلها لحد 2007 .. غير ان نسبة كبيرة من الناس اللي عندهم كورسا بتكون عربية تانية .. فبيكون استخدامها قليل.

يعني لو دققت و انت ماشي هتلاقي كورسا سيدان كتير لسه بالأكياس على المخادع اللي في الكنبة اللي ورا.

انت بس اصبر و متتسرعش لحد ما تلاقي حاجه نضيفة.

تقصد اني اصبر و سواء فيكترا او كورسا اصبر شوية لحد ما الاقي حاجة نضيفة و لا ترجح مثلا اني ادور علي موديل فيهم و ادور عليه بعينه ؟
و سؤال تاني بايخ : انت جبت الفيكترا بكام؟؟ لو منفعش تقول علي العام قول لي علي الخاص

**MohammedAladel** · 17-09-2012 06:47 PM

أحب أقول لصاحب الموضوع
إن الفيكترا فئة سيدان

والكورسا بعتبرها مينى هاتشباك

اللى تعتبر فى نفس فئة الفيكترا سيدان الأسترا هاتشباك

بس الفيكترا اللى كانت بتنزل لحد أيام قريبة مش عاجبانى لأن سمعت إن محركها بيطلع 105 حصان بس

ودى حاجة قليلة على الجسم القوى دا

إنما الأسترا تربو الهاتشباك اللى لسة نازلة ماشاء الله ما يعيبهاش غير توكيلها الزفت

**kar!m** · 17-09-2012 09:06 PM

المشاركة الأصلية كتبت بواسطة MEDO84EG

تقصد اني اصبر و سواء فيكترا او كورسا اصبر شوية لحد ما الاقي حاجة نضيفة و لا ترجح مثلا اني ادور علي موديل فيهم و ادور عليه بعينه ؟
و سؤال تاني بايخ : انت جبت الفيكترا بكام؟؟ لو منفعش تقول علي العام قول لي علي الخاص

قصدي تشوف انت هتستقر على مين فيهم و تبدأ تركز معاهم .. عاوز تدور على الاتنين لحد ما تلاقي حاجه نضيفه .. مافيش مشكلة .. في ناس كتير بتعمل كده .. بتدور مثلا على فيرنا أو لانوس أو أفيو .. كده يعني.

انا كنت جايب الفيكترا ب 64 ألف جنية .. مش سر ولا حاجة .. الناس كلها هنا عارفه .. و أنا كنت عامل موضوع لما اشتريت العربية كان فيه كل التفاصيل.

**MEDO84EG** · 18-09-2012 09:24 AM

الف شكر يا عمنا
طب ايه رأيك اني اشتري لوجان زيرو
ادفع مثلا 40 الف مقدم و اقسط الباقي
مش هيبقي تعب مادي
بس من وجهه نظرك اللوجان دي عربية كويسة؟؟
خاصة اني اسمع ان توكيلها ممتاز و العربية الكل بيشكر فيها
ايه رأيك

**MohammedAladel** · 18-09-2012 10:04 AM

هو الفيكترا طبعا مينفعش نقارنها باللوجان الفيكترا أعلى طبعا

بس لو إنت عايز عربية جديدة وعلى قد سعرها يبقى لوجان اختيار موفق

**MEDO84EG** · 19-09-2012 10:51 AM

طب انا لو حابب اقارن ايهما افضل : اجيب فيكترا موديل 98 -99-او حتي 2000 المهم حاجه في حدود ال 60 الف
و لا اجيب رينو لوجان زيرو
لو افترضنا اني الاقي فيكترا كويسة و سليمة
ايه رأيكم و شكرا استاذ محمد و استاذ كريم

**MohammedAladel** · 19-09-2012 05:45 PM

المشاركة الأصلية كتبت بواسطة medo84eg

طب انا لو حابب اقارن ايهما افضل : اجيب فيكترا موديل 98 -99-او حتي 2000 المهم حاجه في حدود ال 60 الف
و لا اجيب رينو لوجان زيرو
لو افترضنا اني الاقي فيكترا كويسة و سليمة
ايه رأيكم و شكرا استاذ محمد و استاذ كريم

والله حسب ما حضرتك ترتاح بس هى مقارنة ظالمة

اللوجان عربية ع الزيرو ودى حاجة حلوة

الفيكترا عربية شكلا أفضل وثبات أعلى بالتأكيد ولكن بقالها سنين مستعملة

فأنا محتار أقولك أيه بس دى ترجع لإنت عايز إيه من العربية وبعدين لسة اللوجان الشكل الجديد هتنزل بس معرفش أمتى بالظبط

فإنت شوف إيه احتياجات حضرتك من السيارة وبناءا عليه قرر

الفيكترا مستعملة ولو حالتها مش حلوة هتقرفك جدا عن تجربة لصديق ليا كانت سيارة والده فيكترا وراكنها قدام البيت وهيبيعها حتى من غير ما يصلحها وسبق وشرحت ليه

وبعدين اللوجان زيرو مش ب 60 ألف بتبدأ زيرو من 68 المانيوال والفول أوبشن 72500 والأوتو 79500 راجع الأسعار على كونتاكت خد فكرة

وقبل دا كله حدد إنت عايز أيه من العربية يعنى لو إنت ميال للكورسا ومش هتدفع فيها المبلغ دا قدامك

على سبيل المثال فيات بونتو كيا بيكانتو طبعا فيات بونتو شكلها جميل جدا وعربية جميلة فى حد ذاتها وكثير من الأعضاء قالوا ثابتة ع الطريق ويكفى إنها من فيات وتستاهل كل قرش بتدفعه فيها

أنا أرشحها لك فى الفئة دى وتمنها 72 ألف ومحركها 1300 سى سى مانيوال
البيكانتو بتبدأ من 75 ألف ومحركها 1200 سى سى مانيوال معاك لحد 96 ألف الأوتو الفول أوبشن والعربية دى سعرها مبالغ فيه جدا
وأنا شايف إن البونتو أحسن منها
دا بالنسبة للمينى هاتش باك

فيه اختيارات تانى فى المستعمل دور هتلاقى عربيات كتير حلوة مع الفيكترا بالسعر دا إن شاء الله

بس لو لقيت فيكترا حلوة وواثق من حالتها اشتريها

وخد بالك إن فيه 1600 سى سى و 2000 سى سى عشان استهلاك البنزين وكدا وفرق السعر برضه

بس أنا معنديش خلفية عن أسعارها مستعملة

بس أنا أرشح ال 1600 مانيوال عشان استهلاك البنزين وأعتقد سعرها هيكون أقل وضرايب أقل خصوصا إنهم بيقولوا هيرفعوا الدعم عن السيارات ابتداءا من ال 1600 سى سى

مشاهدة نتائج الإستطلاع: ايهما افضل او اشتري ايه من وجهه نظرك

الموضوع: للخبراء فقط : فيكترا 98 و لا كورسا 2005

LinkBack

أدوات الموضوع

عرض

-

-

-

-

-

المواضيع المتشابهه

مساعدة فى الاختيار ما بين فيكترا ولا استرا ولا كورسا

تعديل فرامل كوبية 2005 للخبراء

كورسا 2005

كورسا 2005

أوبل كورسا 2005

الكلمات الدلالية لهذا الموضوع

المفضلات

المفضلات

ضوابط المشاركة