للخبراء فقط : فيكترا 98 و لا كورسا 2005

**MEDO84EG** · 20-09-2012 12:35 PM

و الله بجد الف شكر
يعني افهم من كده ان الفيات البونتو احسن من الرينو لوجان لو بنقارن الاتنين و انا اسرتي مش كبيرة و بفكر اقسط ( بس تقسيط ميكنش فيه حرمانية يعني )

**MoStAfA-StabS** · 20-09-2012 03:07 PM

انا رأىى الكورسا .. الموديل الجديد له قيمته برده ! و بالأخص صعب تلاقى فكترا حالة حلوة !

**MohammedAladel** · 20-09-2012 04:48 PM

ياباشا الفيات بونتو فئة واللوجان فئة تانية

البونتو عربية شيك جدا جدا بصراحة وصفقة رابحة

الأوبل كورسا غالية جديدة وحضرتك عايز عربية فى رينج ال 60 وا ل 70 عشان كدا رشحتلك البونتو أدخل قسم فيات واسألهم عليها وإن شاء الله هتلاقى كلام يعجبك عنها

ممكن تدخل رينو سانديرو معاهم فى المقارنة وتشوف متهيقلى السانديرو ممكن تكون أوسع شوية من البونتو بس أنا مركبتش لا دى ولا دى بس بالنظر من برا يعنى
هى تعتبر الهاتشباك بتاع اللوجان

وال 3 عربيات سواء لوجان أو سانديرو أو بونتو عربيات محترمة وإسمك راكب عربية زيرو وبالك مرتاح

وأى عربية مستعملة فى الدنيا كلها ممكن تاخد فيها مقلب عشان يكون فى علمك وممكن تشترى عربية مستعملة تريحك قوى برضه
وقل كل دا تدخل قسم المقارنات وتعمل موضوع عن العربيات اللى محتار بينها وإن شاء الله هتلاقى الإفادة

وتقارن مع نفسك فى الأوبشن بتاع العربيات اللى إنت وصلت ليها وتستخير ربنا وتختار الأفضل

بس طالما إنت قلت لوجان من الأول يبقى بلاش الفيكترا عارف ليه ياباشا ؟؟
لأن اللى بيشترى الفيكترا غاوى فيكترا ومش بسهولة هيغير رأيه للوجان
دى عملية نسبية طبعا تخ تلف من واحد للتانى

بس أنا ميال أكتر للبونتو :)

**MohammedAladel** · 20-09-2012 05:33 PM

والسانديرو مانيوال نفس محرك اللوجان مانيوال بيطلع 90 حصان والسانديرو أوتو نفس اللوجان أوتو بيطلع 110 حصان سمعت إنه نفس محرك الميجان بس مش نفس سحب الميجان أقل برغم صغر حجم العربية عن الميجان !!!!!

طبعا دى محركات 1600 سى سى

الفيات بونتو محركها 1300 سى سى ودى ميزة فى توفير البنزين ومحركها 74 حصان وهى تقريبا سعتها اللترية الحقيقة 1248 سى سى وعزم العربية دى عالى عند عدد لفات قليلة أتوقع إن تسارعها هيكون جيد جدا

ولك حرية الأختيار وأبحث تانى مع نفسك وشوف يمكن تلاقى حاجات تانى تعجبك

**MEDO84EG** · 22-09-2012 09:37 AM

شكرا يا باشا بس انا دخلت قسم الفيات و سألت علي البونتو و لقيت كلام ميطمنش زي مشكلة صوت التصفيق بتاع الموتور اللي التوكيل مش عارف يحلها

**MohammedAladel** · 22-09-2012 09:48 AM

المشاركة الأصلية كتبت بواسطة medo84eg

شكرا يا باشا بس انا دخلت قسم الفيات و سألت علي البونتو و لقيت كلام ميطمنش زي مشكلة صوت التصفيق بتاع الموتور اللي التوكيل مش عارف يحلها

والله مش عارف أقول لحضرتك إيه بس الأكيد العربية دى أثبتت نفسها

وأنا جبت لحضرتك كام خيار تانى معاها مش هى بس وإنت بتختار بناء على رغبتك واحتياجك

وأنا جبت لحضرتك العربيات اللى أعرفها فى الفئة السعرية اللى حضرتك عايزها

**MEDO84EG** · 22-09-2012 03:42 PM

انا اسف اني ضايقتك استاذ محمد و اسف بجد لتعبك
الف شكر

**MohammedAladel** · 22-09-2012 04:20 PM

ضايقتنى إيه بس أحنا كلنا مع بعض هنا للإفادة والمنفعة وأنا والله غرضى إنك تركب العربية المناسبة ليك وبالسعر المناسب وتركب أفضل حاجة مش من وجهة نظرى بس من وجهة نظر كل الناس

ونصيحة اصبر على مهلك خالص وانت بتختار عشان تختار الحاجة الصح وسط اختيارات عدة

أول حاجة تشوفها نوع السيارة ومدى رضاء العملاء من وكيلها

وشكل السيارة

ونوع فئة السيارة سواء هاشت أو سيدان وماشابه ذلك

وسع السيارة اللى إنت عايزه

نوع المحرك اللى غايزه عايز المحرك الأكبر

ولا عايز المحرك الاصغر وموفر فى البنزين

عايز محرك بيشتغل بأوكتان 95 ولا عايز محرك 90 و 9 يمشى زى الفل ؟

طبعا الثبات والفرامل لا غنى عنه بل أهم من قوة المحرك بالنسبة لى

وبعد كدا تقارن وتشوف الأفضل من كل الجوانب وتشاور عليه

وأعمل مواضيع هنا فى المنتدى فى أقسام المقارنات وإن شاء الله هتلاقى الأفادة

واستخير ربنا قبل كل شئ

**MEDO84EG** · 22-09-2012 05:47 PM

و الله يا استاذ محمد الف شكر

**tananybasha** · 23-09-2012 10:54 PM

رينو كلها منورنا
يا دى الهنا اللى احنا فيه

مشاهدة نتائج الإستطلاع: ايهما افضل او اشتري ايه من وجهه نظرك

الموضوع: للخبراء فقط : فيكترا 98 و لا كورسا 2005

LinkBack

أدوات الموضوع

عرض

-

-

-

-

-

-

المواضيع المتشابهه

مساعدة فى الاختيار ما بين فيكترا ولا استرا ولا كورسا

تعديل فرامل كوبية 2005 للخبراء

كورسا 2005

كورسا 2005

أوبل كورسا 2005

الكلمات الدلالية لهذا الموضوع

المفضلات

المفضلات

ضوابط المشاركة