الموضوع: ميجان 2006 بانوراما - تعمل كام !!

والله يا جماعه انا احترت وكمان الحالات النظيفة والمتصانة مش اي حد يفرط فيها الا اذا كان عاوز يركب فلونس مثلا فانا تعبت وياست

توكل على الله ال 5 آلاف مش هتفرق خصوصا لو كان الكاوتش جديد أو حالته كويسة أعتبر إنك غيرته

وحاول تنزل معاه برضه بس والله لو مكنتش اشترينا اللى معايا وكانت قدامى العربية دى بالحالة اللى بتقول عليها

كنت هدفع فيها المبلغ دا وبدون تردد متنساش إن العربية دى زيرو كانت ب 160 ألف مش محصل نص سعرها حتى

المشاركة الأصلية كتبت بواسطة hossam_elwani

انا معاك بس متنساش انها 2006 والسوق فى الاول والاخر بيحكم علينا فى البيع والشرا رغم مانعتقده

ايوه يافندم السوق يحكم على العربيات السوقي اما العربيات الصح ليها الى يقدرها وصدقني لما بتدفع زياده في عربية صح مش خسارة فيها لأن لو حسبتها انك هتجيبها ومش هتصرف عليها حاجه غير لما تجيبها سوقى وتصرف عليها الى وفرته ومثال على كده مثلاً انا عربيتى لما اشترتها كانت عاملة 121000 كم وكان صاحبها لسه عامل صيانة 120 ومركب طقم كاوتش جديد 5 فرد بريدجستون احسب دول بس تمنهم كام وتحياتي ليك

المشاركة الأصلية كتبت بواسطة sleepyhammer

والله يا جماعه انا احترت وكمان الحالات النظيفة والمتصانة مش اي حد يفرط فيها الا اذا كان عاوز يركب فلونس مثلا فانا تعبت وياست

فعلاً النضيف المتصان مش بيتفرط فيه بسهولة بس إن شاء الله تلاقي حاجه بس خلى عندك صبر شويه لآن فعلاً الموضوع مش سهل

اديني صابر والله وبصراحة العربية دى شكلها كويس انا ان شاء الله هروح اكشف فى التوكيل وربنا يكرم
وابقى اوافيكم بالاخبار
شكرا ليكم يا شباب

الحمد لله الموضوع باظ
كنت كلمت التوكيل اخد ميعاد يوم السبت قالولى السبت مينفعش من الاحد للخميس بس لان السبت نص يوم ومبيعملوش كشوف على عربيات لان التقرير بياخد وقت (كلام فارغ بصراحة) وانا دخلت فيهم شمال الصراحة وقولتلهم مش انتوا فاتحين وده شغل يبقى ازاى مينفعش وده يوم اجازتى كمان فكان استهبال. المهم بعد معاناه قالتلى ممكن فى العامرية (كمان) مع انى كنت كلمت فرع سموحة قالى ممكن تييجي عادى بس تحجز الاول على 16202 وحصل اللى فات كله بعد كده ده غير ان سموحة كنت هدفع 330 بس علشان من غير الدهان والسمكرة ومكنتش مستدعية لكن طبعا بعتونى سموحة علشان ادفع ال500 جند
المهم قولت ما علينا بس بصراحة حسيت ان الموضوع واقف من ناحيتى ومن العربية دى خصوصا بردو انى روحت معاه قبليها بيوم عند سامح الهوارى قولت اشوفها هناك وخلاص بس ملقتش الدكتور المهمندس اللى هناك وكمان كان الوقت اتاخر فطبيعي افشت من العربية حسيت ان ربنا بيبعدنى.
كلمت الراجل وقولتله على العامرية طبعا معجبهوش الكلام وقالى انتا هتتعبنى معاك رايح جي وانتى قلقان زيادة و و و قولتلو انا عاوز اطمن بلاش ؟؟
المهم اللموضوع فركش
لا وايه انا روحت توكيل سموحة وسألت برقم شاسيه العربية ولقيتها اخر صيانة كانت ال40 الف سنة 2009 وبعد كده ملهاش علاقة بالتوكيل يعنى قالى انها عاملة كل صيانتها فى التوكيل ومعايا الفواتير لحد صيانة ال 110 الف !!!! يبقى اكيد راح مراكز معتمدة!!! والله اعلم بقى
وكل ده ووصلت معاه فى السعر ل 73 الف يعنى موديل 2006 وكل ده حصل وادفع كمان حرام ولا لأ
انا مستعد ادفع ال 75 الف كمان بس فى عربية من التوكيل لاخر صيانة فيه لانها حتكون مضمونة ومش ملعوب فيها

بصراحة انا اتخنقققققققققققققت من النااااااااااااااس محدش عندو ضمير ولا حد بقدر حد
انا اللى معايا لبستها لانى وثقت فى صاحبها واديني لبست ولحد دلوقتى بقول فيه منه لله
ليه مصر عاملة كده او عربيات مصر....بس بصراحة الشعب معظمه هوه اللى كده النصب والفهلوة وكله عاوز يكسب على حساب التانى
وبجد الواحد بيشوف الناس بره محدش بينعى هم عربية زى ما احنا بنعمل بالعكس عربيات رخيصة وناس عندها ضمير وعربيات نضيفة كمان

أسف يا جماعه انى طولت وطولت اوى كمان فى الكلام بس من زهقى معلش وشكرا على مساعدتكم ليه

معلش الكلام دا مش فى العربيات فى كل حاجة وبتبقى نصيب

بس هقولك حاجة الراجل دا جايز يكون فعلا كان مكمل مع المراكز المعتمدة

وبصراحة لما تيجى تبيع عربيتك وتلاقى اللى هيشترى محسسك إنك محتاج تبيعها قوى بتاخدك عزة نفسه مهما كان يعنى إنت كدا بتقوله أنا مش واثق فيك علنى

يعنى لو من مشوار واحد حجزت ورحت شفتها فى التوكيل كان هيبقى أفضل لكن حضرتك كدا أتقالت شوية على صاحب العربية :) لازم نقول اللى لينا واللى علينا

ومتنساش حضرتك إن عربيات تانية كتيرة من غير كشف فى توكيل وأساسا تقريبا مبتروحش توكيلات وبإمكانيات أقل من ميجان وماسكة سعر وبتتباع من غير كشف توكيل ولاحاجة

يعنى كان ممكن العربية تكون حالتها حلوة خصوصا إنك راكب ميجان يعنى مش هينضحك عليك فيها تانى بسهولة


للعلم أنا عربيتنا أخدناها من غير كشف ولا حاجة ولا حتى غطاء الكبوت رفعته بس بجد ربنا يبارك لصاحبها مفيش حاجة بالغ فى وصفها

كل حاجة قالها فى العربية بالسنتى والسعر عرضه وغير قابل للتفاوض

وللعلم صياناتها لحد 60 ألف كانت فى التوكيل بعدها فى مراكز معتمدة زى فرنش موتورز

وبعدين هى إيه الصيانات الدورية دا إنت ممكن تعملها بنفسك المشكلة فى الأعطال وقطع الغيار الأصلية مش أكتر ولا أقل

تغيير زيت وفلتر

تغيير فلتر هواء
تغيير فلتر بنزين

تغيير سيور

تغيير تيل فرامل

كل دى حاجات أى صنايعى محترم بيعملها بسهولة

يعنى بكل بساطة ممكن تلاقى واحد فاهم وحابب عربيته ومصينها كويس من غير توكيل ولا حاجة

وممكن عربية متصينة فى التوكيل آه بيبقوا مراجعين أول بأول على كل حاجة

بس ممكن صاحبها يكون طاحنها برضه