مشكلة فى الفرامل

**eemmoo** · 17-09-2012 02:25 AM

من فتره لقيت دواسه الفرامل بقت واطيه اوى روحت للميكانيكى خد هواء من الاربع عجلات لغايه ما الدواسه عليت بعد اسبوع رجعت الدواسه وطيت تانى روحتله تانى عمل نفس الحوار الدواسه عليت والفرامل بقت تمام بعد يومين رجعت وطيت تانى روحتله كرر نفس الموضوع لغايه ما نص قربه زيت الفرامل خلصت
لسه النهارده بركب العربيه لقيت نفس المشكله رجعت تانى روحت سبتها وركبت مواصلات

ياترى ايه سبب تهريب الفرامل ده مع العلم ان التيل ورا وقدام تمام ؟؟

بس ما غيرتش زيت الفرامل من يوم ما جبت العربيه ولو هو بيحتاج انه يتغير بزود الزيت ولا بنزله واحط جديد؟؟

**SYD** · 17-09-2012 02:50 AM

ازيك يا محمد بيه
عامل ايه ؟؟؟

اولا احب أقولك شوية حقائق عن فرامل الفولكس خاصاً والفرامل عاماً
1- فرامل الفولكس مش بيتاخدلها هوا زي مانت والميكانيكي بتاعك متخيلين - انا كنت زيك كدة لحد لما عرفت الحقيقة دي من الميكانيكي بتاعي واكدهالي المهندس ايهاب منصور
2- زيت الفرامل زيه زي اي زيت بيرطب مع الوقت وبيتوسخ نتيجه الرايش والتعامل مع الأجزاء المختلفة للفرامل والبساتم وباقي المكونات - وعليه فيتوجب عليك تغيير الزيت كل سنتين او كل 60,000 ايهما اقرب

ولكن مشكلة التهريب فدي من المؤكد عيب بأحد المساتر اما العمومي او مساتر العجل (جمع ماستر Master) او لا قدر الله في السيرفو

أكشف علي المساتر ومساميرها (تعتبر بمثابة الصمامات اللي حضرتك بتاخد منها الهوا) وعلي السيرفو

وان شاء الله تطلع حاجة بسيطة وتتعمل بسهولة

**ehab_mansour** · 17-09-2012 01:51 PM

المشاركة الأصلية كتبت بواسطة syd

ازيك يا محمد بيه
عامل ايه ؟؟؟

اولا احب أقولك شوية حقائق عن فرامل الفولكس خاصاً والفرامل عاماً
1- فرامل الفولكس مش بيتاخدلها هوا زي مانت والميكانيكي بتاعك متخيلين - انا كنت زيك كدة لحد لما عرفت الحقيقة دي من الميكانيكي بتاعي واكدهالي المهندس ايهاب منصور
2- زيت الفرامل زيه زي اي زيت بيرطب مع الوقت وبيتوسخ نتيجه الرايش والتعامل مع الأجزاء المختلفة للفرامل والبساتم وباقي المكونات - وعليه فيتوجب عليك تغيير الزيت كل سنتين او كل 60,000 ايهما اقرب

ولكن مشكلة التهريب فدي من المؤكد عيب بأحد المساتر اما العمومي او مساتر العجل (جمع ماستر master) او لا قدر الله في السيرفو

أكشف علي المساتر ومساميرها (تعتبر بمثابة الصمامات اللي حضرتك بتاخد منها الهوا) وعلي السيرفو

وان شاء الله تطلع حاجة بسيطة وتتعمل بسهولة

+1
بالاضافة الي حاول تراجع علي مواسير الفرامل في الاجزاء اللي باينه منها تحت جسم العربية و تأكد انها سليمة و لا توجد بها مشكلة لأن ممكن زلطة طايرة تكسرها او تخرمها

**فادى محمد** · 17-09-2012 07:12 PM

-معني ان الدواسه بتنزل ومابتعلاش ان في تسريب في دوره الفرامل واللي ياكد ده ان هتلاقي زيت الفرامل مستواه بيقل في العلبه..
-راجع علي الدوره من اول علبه الباكم للماستر الرئيسي للمساتر الفرعيه والمواسير ولواكير العجل ال4 اكيد هتلاقي زيت ناشع
-اعتقد ان السيرفو ان شاء الله سليم لانه لو بايظ الفرامل هتحجر نتيجه انه مابيدعش ضغط هوا للمساعده ي ضغط الزيت

**SYD** · 18-09-2012 01:51 AM

المشاركة الأصلية كتبت بواسطة agaty1st

طبعا مفيش كلام بعد الكلام اللي أتقال
بس بعد أذنكم أحط التاتش بتاعي

أن شاء الله السيرفو سليم لأنه لو بايظ هايبرجل الموتور و هايحجر الدواسه و مع كل دوسة فرامل هاتبطل

لو الماستر الأمامي بيسرب زيت هاتلاحظه بمنتهى السهوله ......... أزاي ...... هاتلاقي الجنط بيلم تراب و ده نتيجه ترشيح الزيت و علاجه جلد ماستر و بيتباع و بيتركب بحوالي 30 عند بتوع الفرامل

لو الماستر الخلفي لازم تفك الطنبوره عشان تعرف و أول ماتفك هاتلاقى الزيت واضح جدا بمجرد النظر و الحل تغير الماستر كامل و ده رخيص بحوالي 30 جنيه

أما لو الماستر العمومي فالمشكله هنا اكبر شويه بس قدامك أحتمالين يكون شميز الماستر سليم في الحالة دي خد الماستر و روح محل أسمه لهيطه في التوفيقيه مشهور جدا بتاع جميع أنواع الأويل سيل و هايقولك معنديش الكاوتش لأنه عنده كاوتشتين بتوع الماستر و التالته موجوده بس في أطقم جلد الماستر بتاعت الياباني بس و ده هايخليه يفتح الطقم عشان ياخد منه كاوتشه واحده بس مش مهم قوله موافق (أوفرلك) و الراجل محترف و بيقيس الكاوتش من بره و جوه بالبوكوليز و الماستر هاتنساه أما لو الشميز بايظ فهات الصيني من عند محمد لادا اللي عند كوبري الملك فيصل بحوالي 150 جنيه و شغال مع واحد صاحبي بقاله سنتين بدل ما تدفع مبلغ كبير على انه ألماني و هو مش ألماني أما الاستيراد فبيكون الجلد بتاعه نشف من الركنه

و الله أعلم

لو كان في معجب جدا بالمشاركة كنت اختارتها

بالنسبة للسؤال عن نقص الزيت لمحمد امين لا طبعا مايعملش كدة والمفترض ان الزيت ماينقصش منك - طالما بينقص بالسرعة دي يبقي في تسريب والركنة لا علاقة لها بنقص الزيت - انا عربيتي اتركنت 6 شهور والزيت كما هو

عشان تنزله - هتفتح الصمامات (المسامير او اللاكور) بتاع العجلتين الأماميتين - وتسيبها ربع ساعة - هتنزل الزيت كله
هتفك الخزنة - تغسلها بالمياة الحنفية وتسيبها في الشمس تنشف او تنفخها هوا كومبيرسور
هتحط علبة دوت 3 او 4 وترجع تنزلها بنفس الطريقة عشان تغسل الدورة
هتقفل كل حاجة وتحط زيت دوت 4 طبعا لأن دة الموصي بيه

اقولك
شوف المشاركة دي
http://www.nilemotors.net/Nile/22956...post3873615424

**احمد فهمى** · 18-09-2012 02:22 AM

طبعاً زيت الفرامل بيحتاج تغيير بس دى اعراض سيرفو او ماستر اكشف كويس على السيرفو الماستر لو فى مشكله ممكن يسرب زيت وعربيتك هتدخن ابيض فى الحاله دى بس لز سيرفو هتلاقى مفيش فرامل بشكل مستمر انت محتاج ميكانيكى بيفهم

-

-

-

الموضوع: مشكلة فى الفرامل

LinkBack

أدوات الموضوع

عرض