الموضوع: SiR

**ahmedeihab** · 17-09-2012 02:48 PM

المشاركة الأصلية كتبت بواسطة hany_bendary

بالنسبة للبطاقة الإستيرادية أنا معاك وموجودة بإذن الله

عندى واحد صاحبى عنده شركة إستيراد وتصدير معدات

بالنسبة لحد يسافر فمش محتاجة لأنك هتشتريه عن طريق النت بالفيزا كارد

ولا أنا كلامى غلط ؟؟

.

مفيش حاجه أستيراد تقدر تشتريها بلفيزا كارد الا لو جديده و نازله من شركه

زى الحاجه اللى على Ebay كده

فى الحاله دى اقدر اقولك اه ممكن

لكن اكتر من كده مش ممكن

^_^

**khaleddapino** · 17-09-2012 05:14 PM

لازم حد يسافر مستحيل توصل الجمارك من غير ما تكون رحت جبتها بنفسك لانها مش جديده و حوار البطاقه الاستراديه مش صعب...انا معايا واحده بس الحوار كلو فى السفر و الاماكن و مكاتب الشحن !!

**abo-berry** · 17-09-2012 06:39 PM

زي ماقلك سامح و أحمد إيهاب ، العملية بقت مكلفة بسبب جشع التجار والصانيعية .
وطبعا مع التكلفة اللي قالك سامح و أحمد عليها لازم يكون معاك 2000 احتياطي لأن أثناء التسقيط و الشغل هايطلعلك خوازيق ولازم تعملها عشان التسقيط يبقي علي نظافة

**mohammadaolo** · 17-09-2012 07:53 PM

المشاركة الأصلية كتبت بواسطة semsem kane

التكلفة هتبقى غالية طبعا هتعمل بالمصنعية 18 الف جنية

محرك ب 13 الف جنية من القاهرة بورسعيد ممكن يعملة 12000 الف جنية

مصنعية ميكانيكى وكهربائى 2000 جنية , شاملة علبة فيوزات

لو هتقلب العربية مانيوال هتجيب كنسولة وعصاية ب 300 جنية + بوكس بدالات مانيوال ب250 جنية

لو هتخليها اوتو هتجيب select اوتو sir بيبقى فية النقلة ال 1 زيادة 200 جنية

سلك كيك داون للاوتو 150 جنية

لو هتقلبها مانيوال هات ماستر دبرياج بالمواسير هيعمل 250 جنية

وطبعا زيوتك وحاجتك هتعملها 200 جنية اول 1000 كم و370 بعد كدة

الحوار كبير ومكلف مواتير ال sir بقت مكلفة جدا وغالية جد

شكرا... مالو الماتور اللي معايا زي الفل

**mohammadaolo** · 17-09-2012 07:54 PM

المشاركة الأصلية كتبت بواسطة abo-berry

زي ماقلك سامح و أحمد إيهاب ، العملية بقت مكلفة بسبب جشع التجار والصانيعية .
وطبعا مع التكلفة اللي قالك سامح و أحمد عليها لازم يكون معاك 2000 احتياطي لأن أثناء التسقيط و الشغل هايطلعلك خوازيق ولازم تعملها عشان التسقيط يبقي علي نظافة

بس اكيد هيجي يوم و الاسعر هتبقي في الارض.

**M_Nabil** · 17-09-2012 08:05 PM

المشاركة الأصلية كتبت بواسطة mohammadaolo

السلام عليكم ..

انا بفكر اسقط ماتور sir مع ان اللي معايا ما شاء الله يعني بجد كل ماوتير هوندا عافيا
المهم عاوز بس العربيه تبقي من الاخر الاسعر عامله ايه دلوقتي من نحيت الماوتير لو هركب اعمل ايه ابداء ازي
انا عربيتي si و هل لو العفشه عندي sir هتسعدني في السعر و لو عاوز ابيع الماتور بتاعي يتباع ؟
الميزانية كام يعني ؟

و معلش علي الاطاله

وعليكم السلام ورحمة الله

هقولك حاجه

طلما الماتور اللى عندك سليم وتمام يبقى مانصحكش تسقط وده يرجع لعدة اسباب أولهم ان المواتير قليلة الفترة دى بالتالى اللى عنده ماتور معزز سعره ورافع فيه .. الماتور مش بيقل عن 10 الاف جنية حالياً

تانى حاجه الماتور بتاعك مهما كانت حالته ممتازة هيتباع على انه خلع أو كاقطع غيار بالتالى هتسمع فيه أسعار تزعلك وده حال سوق المواتير المستعملة في مصر

لما الماتور يوصل لى 15 الف جنية بتسقيطة! طيب ما الأوفر تجيب كورسليه كامل بـ 18 ولا 20 ألف بقى وده كتير برضه

المعلومات اللى عندى في SiR كورسليه كامل 98 في بورسعيد أوتوماتيك دركسيون يمين بـ 20 ألف

**abo-berry** · 18-09-2012 12:06 AM

الكورسليه ده اللي عند محمد عيد ؟؟
سيفيك سوده كوبيه ، لو هي اللي بتقول عليها هو لسه بايع المكنه ب 12000 بكل حاجتها

**M_Nabil** · 18-09-2012 12:46 AM

المشاركة الأصلية كتبت بواسطة abo-berry

الكورسليه ده اللي عند محمد عيد ؟؟
سيفيك سوده كوبيه ، لو هي اللي بتقول عليها هو لسه بايع المكنه ب 12000 بكل حاجتها

تمام بالظبط كان عنده كوبيه 94 لونها فيرانى غامق من فترة و الجديدة من يومين لون أسود بس سيدان أوتوماتيك 98

وفي عند حد تانى مش فاكر مين كوبيه أبيض 98 امريكى بماتور 1600 كامة واحدة vtec اوتوماتيك

بس شغل امريكا ماتخودش منه مكن صاحى نفس جو هونج كونج كدة

**M_Nabil** · 18-09-2012 01:34 AM

أسعار المواتير دى في الامارات رخيص لكن المشكلة في الشحن والجمارك ..

وفي ناس بدأت تجيب شغل من هناك فعلأ بس في الأخر بيبعها بنفس الأسعار اللى هنا وهو الكسبان و طبعاً احنا كامستهلكين مافيش اى استفادة بتعود علينا

**mohammadaolo** · 18-09-2012 05:37 AM

المشاركة الأصلية كتبت بواسطة m_nabil

وعليكم السلام ورحمة الله

هقولك حاجه

طلما الماتور اللى عندك سليم وتمام يبقى مانصحكش تسقط وده يرجع لعدة اسباب أولهم ان المواتير قليلة الفترة دى بالتالى اللى عنده ماتور معزز سعره ورافع فيه .. الماتور مش بيقل عن 10 الاف جنية حالياً

تانى حاجه الماتور بتاعك مهما كانت حالته ممتازة هيتباع على انه خلع أو كاقطع غيار بالتالى هتسمع فيه أسعار تزعلك وده حال سوق المواتير المستعملة في مصر

لما الماتور يوصل لى 15 الف جنية بتسقيطة! طيب ما الأوفر تجيب كورسليه كامل بـ 18 ولا 20 ألف بقى وده كتير برضه

المعلومات اللى عندى في sir كورسليه كامل 98 في بورسعيد أوتوماتيك دركسيون يمين بـ 20 ألف

ان شاء الله الاسعر تنزل