زيت الجيربوكس للميجان بيتزود ولا بيتغير ؟؟؟؟؟؟؟

**a_hmed** · 17-09-2012 06:18 AM

كشفت على العربية من فترة كمبيوتر قالى ان زيت الجيربوكس عايز يتزود

الميكانيكى بيقولى هات 4 لتر زيت ابيض تقريبا من محل قطع غيار الرينو و هيغيره كله .. علشان العربية بتنتش جامد و ساعات لما بدوس بنزين ال rpm يعلى و هى ثابتة فجأة تنط جامد !!

و سمعت ان فيه عربيات زيت الجيربوكس بتاعها بيتزود مش بيتغير .. الميجان إيه نظامها ؟؟؟

يا ريت الرد بسرعة علشان هعمله النهاردة ان شاء الله و شكرااا

**shawkylotfy** · 17-09-2012 06:28 AM

غيرة عادى هات 5 كيلو زيت توتال فتيس اوتو بيتباع فى التوكيل برضة اللتر ب 33 جنية لزوجتة لازم تكون Dexeron III

**dr.hazem** · 17-09-2012 08:32 AM

مفيش حاجه اسمها زيت فتيس بيتزود!!!! لا مانوال ولا اوتو وكله فتي صنايعيه مع احترامي

بالذات الاوتو الزيت بيتغير ضروري كل 40-60 ألف كيلو

وواضخ ان عندك مشكله غير الزيت لانك بتقول بتدوس بنزين والار بي ام بيعلى وبعدين تنط مره واخده
ده معناته في خلل بيخلي العصايه متكونش في مكانها الصحيح زي متكون معلقه بين الان والدي...
اعتقد ده بيبقى خلل في سوتش العصايه او الحساس بتاع العصايه...
وانتظر راي الخبراء

تحياتي

**dr.hazem** · 17-09-2012 08:58 AM

الموضوع متعلق بقد ايه الزيت ده معرض للحراره وكلنا عارفين قد ايه بلادنا حر وزجمه والجير الاوتو بالذات موته وسمه الزحمه والحر....
اقرأ هنا شويه...

How often should the automatic transmission fluid... — Yahoo! Autos

تحياتي

**wael2sh** · 17-09-2012 11:23 AM

المشكلة عندك مش تزويد أو تغير حاول تروح التوكيل أو صقر قريش عند حد فاهم وخليه يجربوا ,,ممكن تغير الزيت والمشكلة تفضل زي ماهيا إنت محتاج كشف على الفتيس و واحد فاهم يقولك الفتيس فيه إيه بالضبط

**wael2sh** · 17-09-2012 02:54 PM

المشاركة الأصلية كتبت بواسطة solly1979

انا لسه مغير الزيت فى فرنش موتور الرحاب قريب كان كل تكلفته بتاع 120 جنيه
المهم المهندس قالى ان الفتيس بتاع الميجان بياخد فى حدود 8 لتر او 6 مش فاكر واحنا بنغير 4 بس
يعنى مش بنشيل كل الى فيه الا لما يكون فى عمرة او بنفك الفتيس كله

ممكن حضرتك تقولنا غيرته ليه ,,يعني مجرد صيانة عند عدد كيلومتر معين ولا حضرتك حصلك مشكلة وكان حلها تغير الزيت و هل حسيت بتحسن في أداء الفتيس أو المشكلة راحت ؟
العربية عندك ماشية كام كيلو ؟

**solly1979** · 17-09-2012 03:04 PM

المشاركة الأصلية كتبت بواسطة wael2sh

ممكن حضرتك تقولنا غيرته ليه ,,يعني مجرد صيانة عند عدد كيلومتر معين ولا حضرتك حصلك مشكلة وكان حلها تغير الزيت و هل حسيت بتحسن في أداء الفتيس أو المشكلة راحت ؟
العربية عندك ماشية كام كيلو ؟

انا الحمدلله مكنش عندى حاجه العربيه كانت عامله 60 الف وانا دائما بخاف من موضوع الفتيس دة
كان معايا اوكتافيا a4 وكان بيحصل مشاكل كتير فى الفتيس لو متغيرش الزيت وكان بيتكلف 800 جنيه
ولما قالى بيتكلف 120 وكل 60 الف مترددتش لحظه ونزل مهبب انا مش عارف الناس بتقول مش بيغير ليه؟

والاداء بعد التغيير الصوت هدى شويه لما بقرص بقالى 6 الاف مغيرة والحمدلله تمام