الموضوع: الستبترونيك فى الميجان

السلام عليكم

أنا حاولت كذا مرة أتعامل مع القيادة الستبترونيك فى الميجان حاولت أعامله كأنه مانيوال لكن معرفتش أو العربية مش متكيفة مع طريقة استخدامى طيب أزاى ؟

كنت بجيب الفتيس شمال عادى وأدى الأول وأطلع أرفع رجلى من ع البنزين وأدى التانى أحس بنتشة
أرفع رجلى وأدى التالت أحس بنتشة
أقرب على مطب أروح مرجع للتانى مثلا العربية تزعق لانى مش ببقى مقدر السرعة قوى

بس أنا عملت الآتى عشان أريح نفسى بس عايزكم تقولولى دا صح ولا غلط
دلوقتى طريقة قيادتى كالآتى :
أدى الأول وأدى التانى والتالت والرابع ورجلى ما بتترفعش من على دواسة البنزين
العربية تجاوبها أفضل ومش بحس بإنها بتتاخد منى
لو ههدى خالص مش بلمس الفتيس العربية أوتوماتيك بترجع للغيار الأول طبعا

الظاهر إن هى دى طريقة التعامل معاه لأنه هو بكل بساطة


فيه سؤال بقى عايز إجابة ليه

لو أنا ماشى على الاول أو التانى وحرقت جامد على الغيار لحد ما المؤشر دخل على الريد زون
هنا العربية هتنقل إجبارى للغيار اللى بعده ولا الموتور هيفصل بفعل الريف أميتر ؟

أصل أنا مجربتهاش بخاف على العربية بصراحة لو حد جربها أو عنده معلومة يقول لى