أفضل 7 وسائل أمان لحماية سيارتك من السرقة

**GRADER** · 17-09-2012 10:04 AM

السلام عليكم ورحمة الله

كلنا للأسف معرضين للسرقة خاصة فى الأحوال الى البلد فيها دلوقتى.

أنا واحد من الناس ببحث عن أفضل وسيلة لحماية السيارة من السرقة سواء كانت سرقة العربية كلها أو سرقة شىء من العربية.

فكرت فى العديد من وسائل الحماية ضد السرقة ومش عارف رأيكم ايه فيهم عشان كده قولت هعرض وسائل الامان دى عليكو وكل واحد يقول ايه أكتر وسيلة أمان ممكن تحمى العربية من السرقة مع ذكر السبب.

ووسائل الأمان هى:

1- الايموبيلايزر
2-تركيب جهاز الانذار ضد السرقة
3-استخدام عصا تعشيق الدركسيون
4-فصل البطارية
5-تركيب جهاز تتبع للعربية gps
6-ركن العربية فى جراج
7-التأمين الشامل على العربية ضد السرقة

مع العلم ان مش كل واحد يقدر يستخدم كل وسائل الأمان دى يعنى على سبيل المثال معظم الناس معندهمش جراج قريب من بيتهم أو مايقدروش يتحملو ايجار الجراج الشهرى

و لو فى حد عنده أى فكرة تانيه لحماية العربية من السرقة ياريت يفيدنا بيها.

الهدف اننا نشوف ايه أكتر حل عملى وفعال ومناسب لتأمين العربية

والسلام عليكم ورحمة الله

**S O P H O S** · 17-09-2012 10:49 AM

والله يا باشا انا شايف ان افضل امان هو ان الواحد يسيب العربية وديعة عند ربنا
والي عند ربنا مش بيروح ..

**john55** · 17-09-2012 10:49 AM

-استخدام عصا تعشيق الدركسيون بتساعد شويه في حمايه العربيه

**MoustDash** · 17-09-2012 11:02 AM

كهربائى يعملك زرار فصل كهربا . العربية متدورش غير بتشغيله ويتحط فى مكان متدارى محدش يعرفه غيرك
. تقريبا هو دا نفس طريقة الايموبليزر

**GRADER** · 17-09-2012 11:22 AM

المشاركة الأصلية كتبت بواسطة s o p h o s

والله يا باشا انا شايف ان افضل امان هو ان الواحد يسيب العربية وديعة عند ربنا
والي عند ربنا مش بيروح ..

فعلا يا باشا معاك حق ربنا سبحانة وتعالى هو الحافظ احنا بس بناخد بالأسباب زى ما ربنا أمرنا

**GRADER** · 17-09-2012 11:25 AM

المشاركة الأصلية كتبت بواسطة john55

-استخدام عصا تعشيق الدركسيون بتساعد شويه في حمايه العربيه

فعلا فكرت فى الحل ده وجبتها بس تفتكر الحرامى الى هيقدر يفتح الكالون بتاع باب العربية مش هيعرف يفتح قفل صغير؟

**GRADER** · 17-09-2012 11:27 AM

المشاركة الأصلية كتبت بواسطة moustdash

كهربائى يعملك زرار فصل كهربا . العربية متدورش غير بتشغيله ويتحط فى مكان متدارى محدش يعرفه غيرك
. تقريبا هو دا نفس طريقة الايموبليزر

هو ممكن يكون حل برضة وانا نفسى كنت بعمله زمان بس دا هيبقى صعب شوية لو العربية زيرو عشان ماينفعش تلعب فى الضفيرة عشان الضمان و كده

**MohammedAladel** · 17-09-2012 11:45 AM

ربنا يستر أهم حاجة تغطى العربية بعد ما تركنها دا عامل مهم جدا ويبعد العربية عن الناس إلى حد كبير

بس حكاية فصل البطارية دى مش عملية قوى

هو فى العربيات القديمة لو يعملوا سويتش على قطب البطارية السالب تبقى حلوة تنزل تفتح الكبوت تشيك على المياه والزيت وتفصل تنزل تفتح الكبوت توصل وتدور وتمشى

**GRADER** · 17-09-2012 11:59 AM

المشاركة الأصلية كتبت بواسطة mohammedaladel

ربنا يستر أهم حاجة تغطى العربية بعد ما تركنها دا عامل مهم جدا ويبعد العربية عن الناس إلى حد كبير

بس حكاية فصل البطارية دى مش عملية قوى

هو فى العربيات القديمة لو يعملوا سويتش على قطب البطارية السالب تبقى حلوة تنزل تفتح الكبوت تشيك على المياه والزيت وتفصل تنزل تفتح الكبوت توصل وتدور وتمشى

انا كنت هكتب الاقتراح ده بس فيه بعض الناس بتقول ان غطا العربية بيساعد أكتر على السرقة عشان الحرامى بيدخل بسرعة ويقعد بقى جوة براحتة يفتش او يحاول يشغل العربية من غير ما حد يشوفة

**Menna Hassan** · 17-09-2012 12:04 PM

2-تركيب جهاز الانذار ضد السرقة
3-استخدام عصا تعشيق الدركسيون
4-فصل البطارية........
هما دول الوسائل اللى انا جربتها...
بس حكاية gps دى اخاف اجربها..
ليحصلى زى ما حصل فى عسل اسود
وساعتها هيبقى عوضى على الله........!!!!!!!!!!