الأمبليفاير بيفصل ولحده

**HNaga** · 02-07-2008 11:22 AM

سلام ياشباب
لو سقت مسافة طويلة يعنى مثلا ساعة او اكثر الاقى الجى إم فصل لوحده وبعدين يرجع بعد 5 او 10 دقايق
أعتقد الموضوع ليه علاقة بالسخونة رغم انى مش بعلى على الأخر تقريبا على النص - 15 من 30

ياترى دى عادى؟ وايه الحل؟

**hero** · 02-07-2008 11:29 AM

غالبا هو بسبب السخونة لمكونات الامبليفير نفسة ....دي ممكن تشوفها في المانيوال بتاعه...وتشوف تيار الفصل قيمتة كام....ووممكن تودية لواحد يغيرلك القيمة دي في حدود امان الجهاز علشان الفصل دة معناة حماية للجهاز بدل ما يتحرق ....او ممكن تزود التهوية علية....يعني مثلا تغير مكانة لو مكانة مقفول قوي وتهويتة وحشة....او تركبلة مروحة 12 فولت صغيرة تساعد علي تبريدة....او تعملة Heat Sink تساعد برضة في توزيع الحرارة...

**HNaga** · 02-07-2008 11:42 AM

هو فى الشنطة يعنى مش مقفول اوى
ماهو برضه لو غيرت القيمة ممكن فعلا يتحرق

**HNaga** · 02-07-2008 10:12 PM

عرفت المشكلة فين
الجى إم مش متوافق مع السمعات الأمامية الإنفينيتى كابا
بس بصراحة جى إم محترم بيفصل نفسه عشان مايحصلوش حاجة

والجى معروض للبيع
http://www.nilemotors.net/Nile/showthread.php?t=30896

**Adham** · 07-07-2008 12:09 PM

انفينتي كابا من احلى اصوات السماعات و اعلاهم جودة انت جايبهم من الامارات وللا منين ؟؟

على فكرة الامبليفير بيفصل علشان التوصيلات بتاعته مش صح يعني فية اوفر لود علية بيخلية يفصل مافيش حاجة اسمها مش متوافق مع السماعات

يا الامبليفير ضعيف عالسماعات جدا يا حضرتك حاطط سماعات عالتوازي مع بعض اللي ورا و اللي قدام او مركب صب معاهم او حاجة غلط

و يمكن انت مركب الامب مقلوب في باب الشنطة او جاطط علية موكيت الشنطة مثلا

لازم الامب يبقى في وضع صح علشان فقد الحرارة من الهيت سينك لو مقلوب مش حايفقد الحرارة بصورة صحيحة و يسخن و يفصل بعد فترة زي مابيحصل معاك

**mohaned_magdy** · 07-07-2008 03:08 PM

عمليه التوافق مش مقنعه ابدا هو ممكن درجة الحرارة او توصيلات وفى الاغلب درجة الحرارة

**HNaga** · 13-07-2008 01:54 AM

المشاركة الأصلية كتبت بواسطة Adham

انفينتي كابا من احلى اصوات السماعات و اعلاهم جودة انت جايبهم من الامارات وللا منين ؟؟

على فكرة الامبليفير بيفصل علشان التوصيلات بتاعته مش صح يعني فية اوفر لود علية بيخلية يفصل مافيش حاجة اسمها مش متوافق مع السماعات

يا الامبليفير ضعيف عالسماعات جدا يا حضرتك حاطط سماعات عالتوازي مع بعض اللي ورا و اللي قدام او مركب صب معاهم او حاجة غلط

و يمكن انت مركب الامب مقلوب في باب الشنطة او جاطط علية موكيت الشنطة مثلا

لازم الامب يبقى في وضع صح علشان فقد الحرارة من الهيت سينك لو مقلوب مش حايفقد الحرارة بصورة صحيحة و يسخن و يفصل بعد فترة زي مابيحصل معاك

انا عارف انا الكابا من أتقى الأصوات - بس مشكلتها فى موضوع ال 2 اوم ده
الأمب 60 ار إم أس و السماعات الكابا 75

ممكن يكون فيه حاجة غلط - بس مين بقى فاهم - ياعم ده مافيش واحد من اللى روحتلهم مقتنع ان فيه سمعات 2 اوم أصلا

بس فعلا الممشكلة بين الأمب والكابا - مافيش حاجة توازى ده الأربع سمعات على الأربعة تشانيل ومافيش صب

**Adham** · 15-07-2008 03:28 PM

بص ياباشا كون السماعه 2 اوم و 75 وات و الامبليفير 60 وات عال 4 أوم مش عالاتنين أوم, يعني يبقى 120 وات عالاتنين اوم
يعني السماعه كدة عاوزة امبليفير نص القدرة دي بالتالي الامبليفير بيسخن و يفصل لما بتعللي الصوت لمدة دقايق

يبقى حضرتك قدامك حل من اتنين

1- تشتري سماعتين كابا تانيين و توصل كل اتنين عالتوالي على شانيل من الامبليفير و بكدة يبقى الشانيل علية 4 اوم, او تغير الامبليفير بامبليفير 30 وات عالشانيل (لما يتوصل بسماعات 2 اوم حايبقى 60 وات عالشانيل زي السماعه يعني)

2- توصل مقاومة 2 اوم مع كل سماعه عالتوالي كبروتكشن كحماية للسماعه و في نفس الوقت تعللي الاوم عالامبليفير و يبقى السيستم مضبوط, بس تجيب مقاومة كبيرة حرارية مش المقاومات الصغيرة المقلمة
ودة الحل الاسهل والارخص