السماعات المدورة

**tornado732000** · 04-07-2008 11:49 PM

أنا معايا هيونداى أكسنت 1500 والسماعات اللى فيها بتاعت الفابريقة هية والكاسيت بس العربية موديل 2000 يعنى السماعات جابت اخرها وكنت عايز أغيرهم بس كل ماأقول لحد يقولى هات البيضاوى وسيبك من المدورين صوتهم مش حلو وأنا بصراحة عايز أجيب سماعات نفس مقاس بتوع الفابريقة علشان أحافظ على منظر التابلوه الخلفى بغطيانه ممكن أجيب نوع ايه وهل فى فرق فعلا

**iBiZa** · 06-07-2008 10:44 AM

البيضاوى صوتهم احلى على الكوبستة اللى ورا من لو هتركب مدور.

لو هتركب مدور ورا اشك انك هتعرف تركب الغطيان القديمة عشان لازم هتلاقى فرق فى ابعاد المسامير و العمق و الكلام الذى منة, و كدة هتجيب كذا نوع و تجرب لحد لما تلاقى حاجة تركب زى الاصلى.

لو عايز نفس المنظر ممكن تجيب سماعتين استيراد بتوعها بس لازم تجرب عشان تتاكد من جودة الصوت.

**loai-omar** · 08-07-2008 07:39 PM

بلاش خالص تركب السماعات المدوره دي

شيييييييل و حط بيضاوي

انا عملت كده في الصني

و لغيت السماعات ايلي اودام

بارضو كانت مدوره

حتشخلل بعد فتره و صوتهم بيبقا ضعيف

**HeMa_LanCeR** · 09-07-2008 01:10 PM

علي فكره انا جبت لواحد جارنا سماعات مدروه بيونير وركبناها في الاكسنت وركبت ممتازه لأن الوش الاصلي بيطلع مع الفرش يعني ده مجرد جزء مخرم في الرف مش وش السماعه وكل اللي حضرتك هتعمله هتركب السماعات من غير وش وتحط الفرش اللي هو فيه الوش ونصيحه مني البيضاوي احلي علشان البيز يكون حلو
بس اسمع نصيحتي لو هتركب بيضاوي
افتح في النص يعني ما تركبهمش مكان السماعات القديمه افتح فتحه جديده في النص وسيب الاصلي زي ما هو حتي لو منظر بس

**KoDaK_Gti** · 13-07-2008 03:02 PM

ركب بيضاوى انا عندى فى النوبيرا شايل سماعات الفابريقة المدورة
وكملت فتحة الصاج المدورة بيضاوى وحطيت السماعتين البيضاوى
وركبت عليهم بوردة الفابريقة زى ماهى ولغيت سماعات الباب لأنها هتخروش معاك