الموضوع: اية احسن محل اكسسوارات سيارات فى نظرك ؟

بص يا باشا انا مش شايف ان مكان هو اللي نقدر نقول عليه الافضل لأن كل محل ليه مميزات و عيوب
يعني محل ممكن تلاقي كل حاجة متوافرة لكن الاسعار عالية جدااا
و ممكن محل حاجاته نص نص و اسعاره عالية
او حاجة كويسة و اسعاره كويسة لكن مش كل حاجة متوافرة
و ممكن تلاقي محل اسعار كويس و كل حاجة متوافرة لكن معاملة ........ تخليك تقول مش جايب حاجة

و بالتالي افضل مكان للاكسسوارات و الكماليات هو المكان اللي يتوافر فيه اللي انا عايزه بسعر كويس
سواء ارابكوم - سبير كار - ادريان - التوفيقية بشكل عام
مع ان ارخص مكان و متوافر فيه كل حاجة انت عايزها و زيادة هي التوفيقية فيه الجيد و الوسط و الردئ و في نفس الوقت السعر الكويس في جميع الحلات و تفاصل كمان لو عايز
يعيب المكان برده زيمقولت كل مكان مميزات و عيوب ان متعرفش تركب حاجة هناك عكس باقي المحلات سهل انك تركب عندهم
بالاضافة لصعوبة الركنة في الايام العادية او بعد الضهر و اللي عايز ينزل التوفيقية ينزلها يوم الجمعة الصبح قبل الصلاة الشوارع فاضية و ركنات كتيير سواء قدام التوفيقية او ورا السنترال و الناس لسه فاتحين او فارشين و عايزين يبيعوا و تلف بمزاجك