دا اللي ظهرلي علي الجهاز

**adelhamed** · 19-09-2012 02:39 AM

السلام عليكم ورحمة الله وبركاته

امبارح كنت مع ابن خالتي و قولت استغله عشان هو عنده جهاز الاوبل وقلتله هاته ونكشف علي عربيتي

والحمد لله مطلعش غير eror واحد بس

انا طبعا شوفت كلمت المنيفولد وافتكرت ان المنتدي جت عليه فتره وكان بيتكلم عنها كتير وانا مخدش في بالي بصراحه بس انا مش عارف الرساله دي تبع نفس الموضوع ولا ايه وياريت لو حد يفيدني في الموضوع دا
هي عربيه 97 ( مع انها مكتوبه علي الجهاز انها 98 بس الحكومه قالت انها 97 تبئا 97) 2000 سي سي ماتور ايكوتيك

استفسار تاني النهارده بقفل العربيه وانا متعود بعد ما اركنها في الجراج اقفلها مرتين من الريموت (dead lock ) النهارده قفلت اول قفلة وجاي بدوس تاني مش بتستجيب افتحها واقفلها تاني برضو هي مره واحده وخلاص وحصلت قبل كدا معايا بس كنت بسيه شويه وبدوس بيسجيب دا ممكن يكون ايه مع العلم اني غيرت فانوس الشبورة من كام يوم والفيشة كانت مهربه ورحت للكهربائي النهارده واكد عليها ؟؟

استفسار تالت واخير واستحملوني علبة البيئة بتاعة فيكترا سي ممكن نشتريها منين وبكام عشان عند ابو اليزيد اللي في اكتوبر قالو انها ب 1700 بس مش فاكر دي كانت جديده ولا استيراد ؟

واسف علي الاطالة :)

**caboo_1** · 19-09-2012 03:02 AM

السلام عليكم
بالنسبة لعلبة البيئه تجبها استراد احسن بس لازم تتأكد ان فيها الفحم الحرارى سليم ومتوزع بشكل متساوى لان شركة ابو اليزيد غالية جداااا

بالنسبة لعيب المنيفولد (((هو بيقول ان الفوت قليل على الفالف بتاعه))وطبعا ده له نتائج كتير منها انه عايز يتنضف مثلا بس لو نضفته حط عليه مادة زيتية زى wd40
لو مجبش معاك يبقى تتأكد انه وصله كهربته كوبس وتتأكد انها مش مهربة
ولو غلبت يبقى ترضى بالامر الواقع وتغيره

اما عن الريموت ...فده يفيدوك الزملاء
واخيرا عن موديل العربية فده حله انك تقول فى سرك ...تبا للحكومة

**احمد فهمى** · 19-09-2012 03:27 AM

بخصوص الريموت لأن caboo رد على كل حاجه الله يكرمو هتعمل الاتى هتفك كبل البطاريه ٢٠ دقيقه لأن واضح فى تهنيج عندك بعد توصيل الكمبيوتر وفانوس الشبوره وان شاء الله كلو يشتغل ومتنساش تعمل كلير للفولت وتوصل الجهاز بعد ما تخلص اللى قالك عليه caboo وتوصل تانى وتشوف

**caboo_1** · 19-09-2012 05:39 PM

انا جبنها لعربيتى من حوالى 7 شهور ب 650 جند وروحت للميكانيكى عشان اتأكد من حالتها فقالى كويسة جداا
على فكرة ساعات بيسموها فرن الشكمان = علبة البيئة

**adelhamed** · 19-09-2012 09:35 PM

طب منين ممكن نجيبها وتكون كويسه ؟

**karkor30** · 19-09-2012 09:57 PM

المشاركة الأصلية كتبت بواسطة adelhamed

والله هو من ناحيه تبا للحكومه فانا النهارده كنت في المرور وما ادراك ما المرور وقولت تبا للحكومة لحد اما اكتفيت بصراحه وتعديت مرحلة تبا دي بشويه

ههههههههه ربنا يطمنك انا المفروض اروح الاسبوع الجاى ربنا يستر

**adelhamed** · 19-09-2012 10:18 PM

المشاركة الأصلية كتبت بواسطة karkor30

ههههههههه ربنا يطمنك انا المفروض اروح الاسبوع الجاى ربنا يستر

ههههههههههههههههههههه لالا خير ان شاء الله انا كان الموضوع بالنسبة ليا نقل ملكية وتجديد الرخصة والفحص وشنطة اسعافات وطفاية و وشمس وفلوس ركنه وطابور عربيات وناس متخلفه عايزه تدخل بدون طابور لا وبجاحه ويتخانق ويشتم في الناس اللي معترضه وخناقة مع السايس وخناقه مع الفني اللي بيفحص اللي هو تقريبا فني بدرجه رئيس مصنع عربيات لانه اساسا بيقولك الكلمة وهو ماشي ومش مستنيك تستفسر منه ولا بيقفلك ولو فكرت تندهله هتلاقه نظرات استغباء يعني المعاملة كانت مع عاهات
والخزنه مفيهاش فكة ويبقالك دا غير جو حلاوة الحجه اللي بتخلص الورق لو تعرف تعمل اي اجرائات منغير ما تدفع فلوس يبئا احسنلك عشان انا كل لما افتكر اني دفعت عشان اخلص ضميري بيأنبني جدا وربنا يسامحني بئا
بس انت ان شاء الله يومك يبئا احسن واروق :d