اشتري بطاريه نوعها ايه؟

**ASD peugeot** · 02-07-2008 07:38 PM

السلام عليكم ورحمه الله وبركاته
يا رجاله عاوز اعرف افضل البطاريات في السوق والاسعار؟
لان بطاريه العربيه نامت مره واحده وانا جاي ادور وبعدين جبت كهربائي وكان معاه بطاريه ووصل الاثنين بسلك والعربيه اشتغلت وكانت البطاريه ناقصه ميه كتير وبعدين رحنا الورشه زودها ميه وقلي اشحنها ليك شويه
المهم شحن حوالي نصف ساعه لاني هروح مشوار مهم يدوبك سبت العربيه 5 دقائق بعد الشحن نصف ساعه وادور مفيش خالص مرش قلت اجرب بس اتصلت بيه ورجع ودورها ببطاريه من معاه ورحنا الورشه تاني عشان يعيد شحنها منفعش الشحن اللي بيعمله بيقولي البطاريه مش نافعه هات واحده جديده يا تري فيه حل ولا خلاص
الحمد لله مرحتش المشوار كانت هتعملها معايا

ويا ريت عاوز اعرف يعني ايه بطاريه جافه وايه هي الانواع التانيه
اسف اني طولت عليكم بس يا ريت المساعده بسرعه
شكرا ليكم

**Akram** · 02-07-2008 08:31 PM

دا بيتوقف على 3 حاجات :
1- نوع العربية:
--------- لو العربية حديثة و الشحن الكتروني يبقى ممكن تجيب جافة أو عادية.
--------- لو العربية قديمة يبقى لازم تجيب عادية.
2- معدل الاستخدام:
--------- لو معدل استخدام السيارة كبير يبقى ممكن تجيب جافة أو عادية.
--------- لو معدل استخدام السيارة قليل و ممكن تسيب السيارة لفترة يبقى لازم تجيب جافة.
3- الميزانية:
--------- لو الميزانية مفتوحة يبقى يفضل تجيب جافة.
--------- لو الميزانية محدودة يبقى مفيش غير العادية.

طيب بالنسبة للانواع :
1- فارتا الألماني
2- نوع أمريكي تقفيل سعودي اسمه AC-Deco

طيب بالنسبة لعمر البطارية :
* الجافة في حدود 3 سنين.
* العادية من سنة و نصف الى سنتين.

طيب بالنسبة لصيانة :
* الجافة مش بتحتاج لأي صيانة.
* العادية تحتاج كل فترة لمراجعة منسوب المياه فيها و التأكد من عدم وجود تمليح على القواطيش لأن ده معناه أن شحن الدينامو مش مضبوط و يجب تنظيف القواطيش.

ملاحظة : البطارية الجافة هي البطارية العادية في التصميم الداخلي و لكن الأختلاف في التصميم الخارجي فالبطارية الجافة مغلقة و لا تسمح بتبخر المياة منها بخلاف البطارية العادية و التي لها فتحات لتزويد المياه و لها فايز لتبخير المياه الزائدة.

**ASD peugeot** · 02-07-2008 11:12 PM

اذيك يا استاذ اكرم
الف شكرا علي رد حضرتك النموذجي
جزاك الله كل خير
وان شاء الله هشتري بطاريه عاديه وتكون حاجه سعرها معقول

**r0xer** · 02-07-2008 11:22 PM

مساء الخير

أنا النهاردة كنت بشتري بطارية برضو.. و أحب أحط الأسعار بالمرة

و كان سعر الacdelco الجافة ب470 جنيه....ممكن تخلص على 400 لو بالبطارية القديمة

و الراجل أكدلي إنها تكنولوجي أوروبي بتقفيل سعودي و أفضل حاليا من النسر فارتا.

و بالتوفيق في إختيارك .

**ASD peugeot** · 03-07-2008 12:16 AM

شكرا يا r0xer علي ردك
وانا كان راكب عندي بطاريه تقريبا مش متأكد بطاريه فارتا وان شاء الله هجيب فارتا برضه لان باين انه انسب بطاريه في نوع البداريات العاديه

**dr_abooody** · 03-07-2008 12:48 AM

انا جبت النسر فارتا الالمانية 55 امبير و عادية على 270 بعد ما خصم تمن القديمة منها
بصراحة هي كويسة جدا و تستحمل الخدمة الشاقة و سعرها حلو
صناعة مصري توكيل الماني و واخدة الايزو و صعب تتغش لانها تخصع للرقابة الصناعة عكس الحاجات المستوردة ممكن تلاقيها مضروبة بير سلم

**m_aash** · 03-07-2008 09:27 AM

المشاركة الأصلية كتبت بواسطة r0xer

مساء الخير

أنا النهاردة كنت بشتري بطارية برضو.. و أحب أحط الأسعار بالمرة

و كان سعر الacdelco الجافة ب470 جنيه....ممكن تخلص على 400 لو بالبطارية القديمة

و الراجل أكدلي إنها تكنولوجي أوروبي بتقفيل سعودي و أفضل حاليا من النسر فارتا.

و بالتوفيق في إختيارك .

مبروك على البطارية
ممكن تقول لنا إشتريتها منين و إيه الحاجات اللى بتبص عليها لما جيت تشترى بمعنى تاريخ الإنتاج , علامة الشحن ........

**ASD peugeot** · 03-07-2008 12:27 PM

المشاركة الأصلية كتبت بواسطة dr_abooody

انا جبت النسر فارتا الالمانية 55 امبير و عادية على 270 بعد ما خصم تمن القديمة منها
بصراحة هي كويسة جدا و تستحمل الخدمة الشاقة و سعرها حلو
صناعة مصري توكيل الماني و واخدة الايزو و صعب تتغش لانها تخصع للرقابة الصناعة عكس الحاجات المستوردة ممكن تلاقيها مضروبة بير سلم

حضرتك سعر البطاريه فارتا كام اصلا من غير ما تديله البطاريه القديمه

**ziours** · 04-07-2008 12:18 AM

انا النهارده اشتريت بطارية جافة اسمها g force اندونيسي ب 500 حنيه
حد سمع عن البطارية دي و في خد مجربها ولو مجربها ايه رائيو فيها
شكرا

**mohamed2002** · 05-07-2008 12:23 AM

المشاركة الأصلية كتبت بواسطة Akram

دا بيتوقف على 3 حاجات :
1- نوع العربية:
--------- لو العربية حديثة و الشحن الكتروني يبقى ممكن تجيب جافة أو عادية.
--------- لو العربية قديمة يبقى لازم تجيب عادية.
2- معدل الاستخدام:
--------- لو معدل استخدام السيارة كبير يبقى ممكن تجيب جافة أو عادية.
--------- لو معدل استخدام السيارة قليل و ممكن تسيب السيارة لفترة يبقى لازم تجيب جافة.
3- الميزانية:
--------- لو الميزانية مفتوحة يبقى يفضل تجيب جافة.
--------- لو الميزانية محدودة يبقى مفيش غير العادية.

طيب بالنسبة للانواع :
1- فارتا الألماني
2- نوع أمريكي تقفيل سعودي اسمه AC-Deco

طيب بالنسبة لعمر البطارية :
* الجافة في حدود 3 سنين.
* العادية من سنة و نصف الى سنتين.

طيب بالنسبة لصيانة :
* الجافة مش بتحتاج لأي صيانة.
* العادية تحتاج كل فترة لمراجعة منسوب المياه فيها و التأكد من عدم وجود تمليح على القواطيش لأن ده معناه أن شحن الدينامو مش مضبوط و يجب تنظيف القواطيش.

ملاحظة : البطارية الجافة هي البطارية العادية في التصميم الداخلي و لكن الأختلاف في التصميم الخارجي فالبطارية الجافة مغلقة و لا تسمح بتبخر المياة منها بخلاف البطارية العادية و التي لها فتحات لتزويد المياه و لها فايز لتبخير المياه الزائدة.

شكرا علي الشرح الجميل المبسط يا استاذ اكرم ولكن
انا عربيتي 2105 موديل 95 وفيها بطارية جافة ؟اية المشكلة اللي ممكن تواجهني ؟

الموضوع: اشتري بطاريه نوعها ايه؟

LinkBack

أدوات الموضوع

عرض

اشتري بطاريه نوعها ايه؟ - انشر الموضوع فى :

-

-

-

-

-

-

المواضيع المتشابهه

بطاريه النترا 2012 نوعها ايه؟

عايز اشتري منفاخ لكاوتش العربيه اللي معاه وصله بطاريه تقوم العربيه لو البطاريه نامت

نصيحتكم اشتري بطاريه نوعها ايه بالظبط ، وجافه ولا عادية وبكام

اشتري شاشة كومبيوتر نوعها ايه في مستوي سعري 700ج

هشترى بطاريه بكره اشتريها نوعها ايه ؟

الكلمات الدلالية لهذا الموضوع

المفضلات

المفضلات

ضوابط المشاركة