الجواز ولا العربية

**zkralla** · 21-09-2012 09:41 PM

المشاركة الأصلية كتبت بواسطة hossam_elwani

مزايا ايه ان شاء الله

أغض للبصر وأحصن للفرج

**zkralla** · 21-09-2012 10:13 PM

المشاركة الأصلية كتبت بواسطة zkralla

أغض للبصر وأحصن للفرج

لو كنت تقصد التعجيل بالزواج فديه اسباب النبى صلى الله عليه وسلم لتعجيل الزواج
لو بتسأل على فضل الزواج بصفه عامة فالعفه والسكن والمودة والرحمة والولد الصالح
"ربنا هب لنا من ازواجنا وذرياتنا قرة اعين واجعلنا للمتقين إماما"
يعنى يكونوا من اسباب النعيم فى الدنيا
أنه لو اتجوز مش هيعرف يجيب عربية فطالب الزواج ليتعفف هو من الثلاثة التى احق على الله أن يعنينهم ( ثلاثة احق على الله أن يعينهم المجاهد فى سبيل الله والناكح يريد ان يستعف والمكاتب يريد الاداء)
أسال الله العظيم أن يجعل لنا جميعا من ازواجنا وزرياتنا قرة عين

**houba85** · 23-09-2012 05:10 AM

اتقل على الجواز شوية وهات العربية .. لانك مش حتعرف تجيبها بعد الجواز وحتلاقي ان الاولى في الفترة دي هي بامبرز البيبي والاكل والشرب ليك ولمراتك ومش حتعرف تحوش

انما انت دلوقتي اشتغل وشد حيلك في الشغل وكدة كدة معاك عربية بتتنقل بيها وصاين بيها كرامتك بعيد عن المواصلات الغير ادمية دي ومع الوقت مصاريفك حتقل لانك مش حيبقى عندك وقت تشوف صحابك وتتفسح وتصرف واهتماماتك حتقل ودماغك حتكبر ومداركك توسع اكتر وحتنضج اكتر وتغير وجهة نظرك وتفكيرك في حاجات كتير ومع الخبرة الحياتية شخصيتك حتصقل ساعتها حتعرف تختار شريكة حياتك على حسب تفكيرك ونضجك اللي انت حصلت عليه في الكام سنة الي اشتغلت فيهم واخدت خبرة حياتية كويسة تخليك تختار مراتك صح

انا لو راجل ومكانك شخصيا حعمل كدة

**Falcon.Crest** · 23-09-2012 07:38 AM

الجواز افضل طبعا انا اتجوزت و انا 29 سنه و لو كنت اقدر اتجوز و انا 22 سنه كنت اتجوزت
ربنا بيساعد كتير لانك عايز تحصن نفسك و بريزقك من حيث لا تعلم عن تجربه ليه
قبل الجواز بي 6 شهور استغلت في شركه ماتي ناشينوال و خارج الشرق الاوسط كمان
لما ربنا رزقنا بهنا اترقيت
و لما روقنا بعمر اترقيت تاني
و الان الشقه الي مكان شيك و العربيه الشيك برده و بنتي في مدرسه محترمه اوي
و كل ده بعد الجواز
و ربنا يبارك لي في زوجتي و اولادي

**zkralla** · 23-09-2012 07:59 AM

المشاركة الأصلية كتبت بواسطة falcon.crest

الجواز افضل طبعا انا اتجوزت و انا 29 سنه و لو كنت اقدر اتجوز و انا 22 سنه كنت اتجوزت
ربنا بيساعد كتير لانك عايز تحصن نفسك و بريزقك من حيث لا تعلم عن تجربه ليه
قبل الجواز بي 6 شهور استغلت في شركه ماتي ناشينوال و خارج الشرق الاوسط كمان
لما ربنا رزقنا بهنا اترقيت
و لما روقنا بعمر اترقيت تاني
و الان الشقه الي مكان شيك و العربيه الشيك برده و بنتي في مدرسه محترمه اوي
و كل ده بعد الجواز
و ربنا يبارك لي في زوجتي و اولادي

سبحان الله نفس الكلام حصل مع واحد صاحبى جدا ( الانتيم ) وقبل الجواز ب 6 شهور والكلام ده من 8 سنين تقريبا
كنا عمالين نفكر انا وهو هيوضب الشقه ازاى ونقول السيراميك للصالة بس كفاية ونعمل وش نضافه للنقاشه وعمال يحاول يخلى المبلغ الى معاها يقضى التوضيب وكلام من ده - الشقة كان وارثها عن والده رحمه الله
قبل الجواز بستة شهور تقريبا جاله شغل فى شركة مالتى ناشينوال ومرتبه ارتفع من 900 جنيه فى الوقت ده الى 5000 جنيه وكان ساعتها مرتب كبير قوى ودلوقتى ما شاء الله مرتبه اضاعف 3 مرات واشترى فى الفتره ديه شقة تانية ووضبها وعربية يارس

**Magoda** · 23-09-2012 08:13 AM

جواز عشان العربيه هتيجى فى اى وقت انما الجواز مبيجيش فى اى وقت

**shaddadfalcon1** · 23-09-2012 09:51 AM

هي ليه ناس كتيير بتقول هات العربيه عشان لو اتجوزت مش هتعرف تجيبها؟
طيب مفكرتوش انه لو جاب العربيه مش هيعرف يتجوز اصلا ؟؟؟
عربيه يعني مصاريف وتظبيط ولاقدر الله حوادث وخبطات بفلوس
الزواج مصاريف برده بس ربنا بيرزقك برزق مراتك وولادك

**dr.hazem** · 23-09-2012 11:57 AM

المشاركة الأصلية كتبت بواسطة ahmad--ezzat

ههههههههههههههههه طيب ايه اللي مفتقده ايام العزوبيه

قول ايه اللي مش مفتقده!!
العزوبي باشا برضو مننكرش
الجواز بيحسسك انك مربوط!!
انا كنت بلعب كوره كل أسبوع 3مرات ومن ساعة متجوزت ملمستش الكوره وطلعلي كرررررش.
من وقت متجوزت مخرجتش مع اصحابي ولا مره خلال 3سنين!!
وقيس على كده كتيييييييير

**dr.hazem** · 23-09-2012 12:04 PM

35ألف يجيبولك ماروتي كسر زيروووو

تحياتي

-

الموضوع: الجواز ولا العربية

LinkBack

أدوات الموضوع

عرض

-

-

-

-

-

-

المواضيع المتشابهه

هو لية الجواز فى مصر كدة

الجواز فى مصر

الحب قبل الجواز ...

قسم المصريين عند الجواز

هو الجواز بالعافيه

الكلمات الدلالية لهذا الموضوع

المفضلات

المفضلات

ضوابط المشاركة