معايا 30000 و هاوز اشتري عربيه؟

**rameahmed** · 20-09-2012 12:56 PM

برجاء المساعده
انا معايا 30000 جنيه و عاوز اشتري عربيه كويسه متقرفنيش و فكرت في الماروتي موديل 2008 مستعمله عشان قدامي واحده كويسه بس انا عاوز اعرف ايه رائيكم في الماروتي و لو في حاجه ممكن اجيبها احسن منها يا ريت حد يقلي بس المهم متكونش عربيه هلكانه او قديمه انا عاوز عربيه تريحني في مشاويري داخل القاهرة و حاسس ان الماروتي كويسه رغم ان مفيهاش تكييف و عاوز اعرف هل قطع غيار الماروتي غاليه و لا رخيصه و كمان العربيه الي قدامي موديل 2008 و استعمال نضيف و ب28000 جنيه فهل ده سعر كويس ولا ايه رأيكم
معلش طولت عليكم و جزاكم الله كل خير

**benmatar** · 20-09-2012 02:35 PM

بس 30 كتير على ماروتي 2008
اشترينا واحدة 2010 عاملة 11000كم وفابريقة وكانت عاملة 31000 والكلام ده من سنة يعني كانت استعمال سنة واحدة بس
العربية دي بصفة عامة اقتصادية وتفي بالغرض لاستخدام فرد أو اسرة صغيرة، وبالأخص لو أغلب الاستخدام داخل المدينة، مش بتاعت خدمة شاقة أبدا، ولو هتشتري منها مستعمل اشتري حاجة كسر زيرو وعاملة كيلو قليل، والمبلغ اللي معاك يجيبلك واحدة حالتها ممتازة، وبالتوفيق

**Amr Axel** · 20-09-2012 02:42 PM

المبلغ اللي معاك ده يجيب ماروتي موديل 2009-2010 و لو زودت ممكن تجيب حاجة كسر زيرو
عايز تجيب اقل و توفر فلوس عشان لو حبيت تصرف شوف حاجة 2008-2009
بخصوص العربية المهم الحالة و هي سعرها هيلعب في حدود 27-28 الف ع حسب الحالة بس لازم يكون معاك ميكانيكي ثقة و فاهم عشان ميكونش العربية فيها حاجة و ده موضوع برده عشان تبقي عارف الدنيا ماشية ازاي

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html

بخصوص العربية العربية بشكل عام لا يوجد بيها عيوب غير حاجتين حجمها صغيرة و من غير كماليات
صغيرة تنفع دلوقتي في الركنات و الكماليات ديه سهل تركبها و الموضوع ده هيوضحلك كل حاجة بما فيهم تركيب تكييف كمان لو حبيت

http://www.nilemotors.net/Nile/274773-a.html

و العربية سهل الشغل فيها و قطع غيار رخيصة و موفرة في البنزين و ده اللي شكلنا كلنا هنحتاجه الفترة الجاية فالحق جيب قبل ما العربيات الصغيرة تغلي و الناس كالعادة تستغل

و اي استفسار اتفضل

بالتوفيق ان شاء الله

**dr.hazem** · 21-09-2012 01:48 PM

المشاركة الأصلية كتبت بواسطة rameahmed

يعني اتوكل علي الله و اشتري الماروتي انا لقيت واحده عامله 15000 كيلو و حالتها كويسه و موديل 2008 ب 28000 جنيه ايه رأيكم في السعر ده؟

سعر كويس او بالاحرى هو ده سعرها

تحياتي

**Amr Axel** · 24-09-2012 01:41 AM

المشاركة الأصلية كتبت بواسطة rameahmed

انا لقيت قدامي عربيه موديل 2008 كسر زيرو و حالتها ممتازه و سعرها 28500 جنيه و صاحبها مش عاوز ينزل فيها جنيه بص صراحه العربيه جديده و نضيفه جدا .....انتم ايه رأيكم اخلص فيها و لا ايه

و الله يا ريس انا مبعترفش بموضوع العربية نضيفة بالشكل لازم يتكشف عليها بمكانيكي كويس او مركز محترم
لقيتها تمام توكل ع الله بس حاول تنزل هو لو لقي الفلوس جاهزة و هتخلص هيوافق ينزل فيها

**dr.hazem** · 24-09-2012 02:27 AM

المشاركة الأصلية كتبت بواسطة axel

و الله يا ريس انا مبعترفش بموضوع العربية نضيفة بالشكل لازم يتكشف عليها بمكانيكي كويس او مركز محترم
لقيتها تمام توكل ع الله بس حاول تنزل هو لو لقي الفلوس جاهزة و هتخلص هيوافق ينزل فيها

سعرها مش لقطه يعني حتى لو ماشية 10آلاف كيلو بس!!

**dr.hazem** · 25-09-2012 11:33 AM

المشاركة الأصلية كتبت بواسطة rameahmed

لا مهو في واحد شافها و قالي انها نضيفه اوي بس في حاجه مستغربها ان صاحبها بيقولي انه اشترها في 2008 من سمير ريان ب39500 جنيه و انا صراحه فاكر انها كانت في 2008 بحوالي 36000 جنيه بس فهل عند حدرتكم اي معلومات عن الموضوع ده يا ريت تفيدوني و جزاكم الله كل خير

الماروتي مقربتش من ال39 الف غير سنة 2011
غير كده الرقم ده عمره ما زاد عن 37 بالسنتر الكاسيت لو انا فاكر كمان

تحياتي

مشاهدة نتائج الإستطلاع: ايه رائيكم في الماروتي

الموضوع: معايا 30000 و هاوز اشتري عربيه؟

LinkBack

أدوات الموضوع

عرض

-

-

-

-

-

-

المواضيع المتشابهه

عربيه ب 30000

معايا 30000 الف - اجيب فليشيا ولا اونو - رايك هايفرق معايا.

ارجو الافادة - اشتري ايه لو معايا 30000 او 35000

معايا 30000 يا تري يجيبولي ايه ؟

معايا 30000 يا تري يجيبولي ايه ؟

الكلمات الدلالية لهذا الموضوع

المفضلات

المفضلات

ضوابط المشاركة