الموضوع: اخر نكتة :d

المشاركة الأصلية كتبت بواسطة fbiahmed

التوكيل بيبقى قاصد يعمل الحركه دي عشان مندوب التامين بيفاصل و كمان سعر قطع الغيار اغلى من العربيه فعلا متضاف عليها المكسب و عادة بيبقى 50% من تمن القطعه الاصليه

المشاركة الأصلية كتبت بواسطة youssef.awad

الحقيقة انا مش مستغرب خالص زى اغلب الاعضاء ..
لأن اى حادثة مدمرة زى كده العربية لو بتتكلم فى تصليح برة التوكيل هاتجيب انصاص قدام وورا وتقطع وتلحم ويفضل النص الامامى ييجى كامل بكل اللى فيه .. وده طبعا عمره ما هايحصل فى اى توكيل لا فى مصر ولا فى اليابان حتى !!!
انما لو هاتصلح وتفك وتركب قطع جديدة .. طبيعى جدااااااااا ان ثمن كل قطعة غيار بتركب فى العربية بيكون ثمنها اغلى طبعاااااااا بغض النظر على نسبة الزيادة
ولو حسبتوا البودى الخارجى بس لأى عربية من ابواب ورفارف وكبوت واكصدامات وشنطة وشوية فوانيس وعفشة كاملة وجنوط بكاوتشات هتلاقوا نفسكم دخلتم فى نص ثمن العربية .. فطبيعى لما تكون الخبطة طايلة الموتور تسمعوا الارقام دى عادى جداااااااا

وشد انتباهى اسعار القطع الاتية:
2000ج ضفيرة
3000ج ضفيرة محرك
6000ج كنترول موتور
2000ج جنط (*2)
2410ج كوبلن
45000ج محرك كامل
3500ج كومبريسور تكييف
2000ج مواسير تكييف
3900ج دنجل خلفى
5500ج شكمان كامل
3500+4500+3000+6000= 17000ج نظام ايرباج كامل (حزام+كنترول ايرباج+يمين+شمال)
بالمناسبة الحاجات دى لوحدها ب95 الف ج !!! .. ده غير طبعا اجزاء البودى والعفشة والميكانيكا والكهرباء والمصنعيات

برضه شد انتباهى حاجات مكتوب امامها غير متوفر n/a !!! .. وده معناه العربية لو اتصلحت هاتاخد وقت طويل جداااااا لحد اما تكمل

فى الاول والاخر لازم تحمد ربنا مرتين ..
الاولى عشان سلامتكم
والثانية عشان تأمينكم ع العربية والا كانت الخسارة هاتكون فااااااااااااااادحة وهاتضطر تبيعها حوادث وما تجيبش اكتر من 25-30 الف ج

وبينى وبينك كله ورق فى ورق ولازم يتعمل بالطريقة دى عشان العربية تدخل هلاك كلى total loss فى التأمين ..
انما لا التأمين هايوافق على اصلاح
ولا التوكيل هايصلح عربية محتاجة الشغل ده كله ويتحمل مسؤوليتها بعد كده قدام اى عميل وكل شوية يظهر فيها مشكلة !!!
وقدر الله وماشاء فعل وربنا يعوض عليكم ..
وماحدش عارف لو كانت عربية تانية كان جرى ايه ؟

المشاركة الأصلية كتبت بواسطة dodyam

الحمد لله انك و الوالد بخير و فداكم أى حاجة

و المقايسة غالية طبعا بس أعتقد طبيعى لان قطعة الغيار بتبقى أغلى و كمان جماركها أعلى و انت كده بتصنع عربية من جديد يعنى فعلا هاند ميد بجد

بس فى حاجة لفتت نظرى
عربيتك موديل 2012 وبتقول شاريها بـ 126 ألف
طب إزاى التأمين هيديلك 80 الف بس
يعنى حتى لو عملنا 10 % إهلاك سنة يبقى أقل حاجة تاخدها 110 ألف أو أزيد شوية
فممكن تقولنا التأمين بيحسبها إزاى
وربنا معاك و الحمد لله

المشاركة الأصلية كتبت بواسطة mohsunny2009

انا متفق مع دكتور يوسف فى عدم الاستغراب لان ده طبيعه التوكيلات مش بس نيسان بالتاكيد فرق بين تكلفه المصنع فى التصنيع السياره و تكلفه تصليح السياره فى التوكيل
اللى يؤكد الكلام ده انا كان ليا تجربه مع توكيل هيونداى عام 2000 فى عربيه اكسينت كان سعرها زيرو 36000 جنيه و بعد سبع شهور من شرائها عملت حادثه و نتيجتها هلاك كلى لان التوكيل عمل ميزانيه تصليح 55000 جنيه

+11111 ومتفق فى الراى مع كلام اخوانى وتحليلهم للكلام بمنطقية فى الموضوع ده

الفكرة لازم قبل ما نبص على التكلفة النهائية .. نبص على ان الشخص مامن ولالا .. لان لو مامن مصلحة له

اما لو لو حصل معايا وعملت حادثة لقدر الله .. وانا مش مامن عمرى ما حصلح العربية فى التوكيل .. وحجيب انصاص على طول بالماتور والايرباجز لان لو اشتريت الايرباجز بس جديد معروف انه ب25 الف ..
والماتور تمنه 45 الف والفتيس اكيد تمنه مش اقل من 40 .. لكن لو استيراد الاسعار بتكون اقل بكتير ..

ولو احتجت حاجات بسيطة من التوكيل جديدة حجبها .. لكن مش كل حاجة ..
واهم حاجة ان محمد سليم هو ووالده

وربنا يكفينا ويكفيكم شر الطريق .. ويخرجنا من سيرك الطرق اللى احنا بنمشى فيه على خير دايما

وبخصوص التعويض من شركة التامين قليل يا محمد جدا
مفروض ان عربيتك 2011 وعملة 20 الف كيلو .. علىا لاقل تاخد 100 الف او 95 الف .. لكن 80 الف قليل .. وده اللى لازم تسعى فيه مع شركة التامين ان شاء الله تاخد 90 الف

لان واحد زميل لينا عمل حادثة بالتيدا بس كانت موديل السنة وكانت اعلى فئة وماشية 12 الف تقريبا واخد 115 الف

فده متسكتش عليه يا محمد .. لازم تاخد تعويض افضل من ال80 الف